掀開迪士尼失蹤黑點！黑色世界 3大「詭城」率先睇

每年 Halloween 海洋公園同迪士尼都會變成鬼域，亦有傳聞唔少人入咗主題公園就一去無回頭！今年「迪士尼黑色世界」就掀開「失蹤黑點」，你又敢唔敢去探險，尋找失蹤之謎？

由 10 月 2 日起至 10 月 31 日期間，逢星期五至日，一共 14 個晚上香港迪士尼樂園將會變成「詭城」。入夜之後，凶靈古咒將響遍迷離莊園、灰熊山谷及探險世界，身邊嘅人可能隨時被迷離莊園嘅邪靈勾走魂魄！佢地或會被捲入灰熊山谷內亡靈礦工與牛仔之間嘅「屍」殺當中，甚至喺森林河流之旅中遭古咒鬼襲，迷失於叢林！

詭影迷離莊園

入夜之後，迷離莊園將化身為「詭影迷離莊園」，一道時空裂縫令困於迷離大宅嘅怨魂邪靈能逃走出來，喺莊園裡跌蕩游離，勾走遊人嘅魂魄。幸好呢班亡靈都喺由「計時人」操控活動，只要時候一到，任何邪靈都要回歸時空裂縫，化成光影，但鐘聲一響佢地又會再四出勾魂……經過嘅時候大家要小心墜入超渡亡靈的發光守護符追逐戰，被莊園的邪靈勾走魂魄！

▲ 拎住遮嘅白衣女鬼喺條街四圍走，就算唔出聲都已經好恐怖。

「詭迷灰熊山谷」

喺「詭迷灰熊山谷」有個神秘傳聞，山谷內綠色嘅泉水隱藏了邪惡力量，更曾經引發一班礦工同牛仔互相殘殺，最後無一生還。多年後，死魂嘅詛咒令一班早已氣絕身亡嘅礦工同牛仔，破墓而出，持續未了之戰。另一邊廂，神秘嘅火車司機會喺「詭魂劇場」召喚好奇嘅賓客，慢慢道出牛仔與礦工之間嘅恩恩怨怨。

▲ 早已氣絕身亡嘅礦工出嚟嘅目的就只有一個，就喺要你成為佢地嘅同盟。

相關文章:

迪士尼向 Epic Games 投資 118 億 冀發展 Fortnite 宇宙

「森林河流之旅 ─咒石迷蹤」

成功逃出鬼域，米奇同一眾迪士尼朋友將會連同首次換上萬聖節新裝嘅迪士尼小熊 ShellieMay，喺美國小鎮大街齊齊搞鬼出巡，邀請你參加一場別開生「鬼」萬聖節派對，慶祝你「死過翻生」！

▲ 米奇同米妮換上萬聖節服裝喺美國小鎮大街等緊你。

▲ 扮到成個南瓜魂咁嘅唐老鴨同黛絲仍然十分搞鬼。

▲ 大鼻同鋼牙化身骷髏慶祝你「死過翻生」。

▲ 首次換上萬聖節新裝嘅迪士尼小熊 ShellieMay 正等緊你同佢瘋狂自拍呢！

黑色世界詭「味」美食及驚異大餐

樂園內及兩間主題酒店餐廳將會推出超過 30 款期間限定嘅萬聖節主題美食，等你可以喺「玩失蹤」後，一嚐探險世界碧林餐廳嘅「詭異南瓜套餐」或大冒險家餐廳嘅特別甜品「神秘面具」補充體力！

▲ 阿Jack 都變咗做包，超可愛！

▲紫糯米堆成骷髏頭，對紅卜卜嘅眼好鬼恐怖！

▲ 甜品亦都變成唔同血淋淋嘅鬼樣，你又敢唔敢食？

▲ 米奇就算變成蝙蝠都一樣咁可愛，又點捨得食佢呢？

▲ 尖叫到口乾，不如飲番飲眼珠特飲！

萬聖節詭怪精品

食飽、玩夠又想帶迪士尼朋友番屋企，樂園特別準備咗超過 70款萬聖節主題商品，包括米奇家族、萬聖節版 Tsum Tsum 及多款限量版徽章、得意玩具、別緻精品、服飾、文具套裝、家品等紀念品，等大家慢慢揀！

▲ 萬聖節造型嘅 ShellieMay 巧打耳啊！

▲ 仲有咁多款，睇嚟要大出血啦！

講咗咁耐喺咪心思思想勇闖「詭城」探險呢？由即日起至 9 月 30 日可透過香港迪士尼樂園度假區網站以優惠價港幣 $349 購買「迪士尼黑色世界」夜間門票，於指定日子晚上 6 時後體驗迷失驚險氣氛，齊齊玩失蹤！

相關文章:

迪士尼向 Epic Games 投資 118 億 冀發展 Fortnite 宇宙