Android 手機無疑係今時今日最受歡迎的手機系統，但安全問題一向為用家所垢病。之前瑞士公司 Silent Circle 就推出了十分注重手機保安的 Android 手機 Blackphone 2，今日 1o1o 就係香港推出，$557 月費就可以用零機價入手。
呢部 Blackphone 2，最特別係雖然佢係 Android 手機，但就配備以 Android OS 為基礎，由 Silent Circle 自家研發的 Silent OS 作業系統，而有認識的人都知道 Silent Circle 係一間開發加密平台的公司，所以手機安全性無庸置疑。它設有自家的安全中心，可讓用家自行管理個人私隱及安全設定。用家亦可以控制及微調個別 APP 的權限及 APP 能接收的數據，有啲似 Android 6.0 Marshmallow 的新功能。它亦具有遙距消除的設定功能，就算不慎遺失手機都可以防止機密資料外洩。
規格方面，Blackphone 2 配備 Qualcomm Snapdragon 615 1.7GHz 八核心處理器、3GB RAM、32GB 內置儲存空間（支援 microSD 擴充儲存空間）、5.5 吋 1080p 熒幕、內建 3,060mAh 容量電池（支援 Qualcomm QuickCharge 2.0 快充）等。淨機價為 $6,498，感覺好似有少少貴，但為咗手機保安，大家又覺得值唔值呢？
至於呢部手機用起來感覺如何？稍後 Edward 就會為大家送上現場速測，有興趣的 wire 民就要留意了。
