好多人都話，送情侶手機係最好嘅禮物。因為手機日日跟身，如果變成「情侶裝」，日日用起手機都會諗起另一半，其實都幾 Sweet。但係就黎又到咁浪漫嘅聖誕節，緊係唔可以好普通咁送個手機出去就算啦，今集就教男WIRE 民應該送咩機俾女仔先啱對方心意，再教大家點包裝先冧到另一半 (好簡單架咋)！
情侶裝要有特色 唔係咁易架葉師傅
假如情侶裝只係用同一款手機，咁世界就少好多煩惱啦！可惜嘅係，世事並唔係咁膚淺，叫得情侶機，一定要有自己特色之餘又有相同嘅特色連繫住大家。否則一街乜風物風，咪全街都係你情人？好，事不宜遲，今日筆者決定先教咗男生揀女朋友嘅手機先，以免你地 Last minute 先嚟諗買咩，到時有咩三長兩短就唔好啦！
男女手機各有所長
因為男仔同女仔用手機嘅習慣唔一樣，所以挑選手機之時，都要有唔同嘅策略，今次阿瓜為大家介紹嘅手機點解能夠成為「無敵情侶裝」，係因為兩款各自針對男女唔同嘅使用習慣。
自拍功能齊全嘅手機最吸引
女仔鍾意自拍就係人都知，但係自拍並唔係女士自戀咁簡單，阿瓜話你知，其實自拍好多時都係一段戀愛開始同增進感情的好方法。因為大家習慣前鏡影相無神器，要兩個人貼到好近先影到，呢啲身體接觸係增進感情嘅好方法。不過，又唔係乜嘢手機自拍都得，一陣功能唔好搞到俾女友係凱旋門面前爆粗就死喇，到時你真係作法都唔掂。(唔知咩嚟？自己睇返黃子華個棟篤笑啦！) 所以，要揀啱部手機好重要，今日要介紹嘅呢款手機就啱晒鍾意自拍嘅女朋友喇！
Zenfone Selfie 專為女生自拍而設
粉色系機背 拎出嚟自拍勁 Sharp
拎得出嚟自拍，除咗鏡頭要靚之外，當然個外型都要唔輸蝕啦。ZenFone Selfie 有粉色系(清新藍)嘅機背，係後面睇落就夠晒cute！
單手都用到 手細細都唔怕
ZenFone Selfie 有樣好貼心嘅設計，就係可以將螢幕顯示部分縮小嘅單手操作模式，只要按兩下 Home 鍵，就可以縮細螢幕去一邊，方便單手使用。有時行街一手拎住袋一手又要覆 Whatsapp 都非常容易。
前鏡功能強勁 媲美後鏡
有時自拍隨咗要影得廣，有時都想做到一啲後鏡先做到嘅「景深」效果 (前清後濛) 。但下下要轉返後鏡自拍，又睇唔到效果，又驚走位撳錯掣。而喺 ZenFone Selfie 就唔使咁麻煩喇，因為前鏡已經可以使用到景深。想再特別啲Post 上社交網站呃 Like，可以拍埋 GIF 動畫。
1300 萬前置鏡頭兼有美顏功能
內置 1300 萬前置鏡頭嘅 ZenFone Selfie，前置鏡頭非常強勁，除咗做到景深同 GIF 動畫之外，仲有咁高像素，影出嚟嘅影像質素非常不俗。前鏡仲有自行設定膚色、美白、大眼、瘦面等等唔同嘅美顏功能，啱晒班女人！
以下係手動模式，無論係快門，ISO、EV、同埋白平衡都可以自已設定，市面上無乜幾部機可以連前置鏡頭都有得手動設定，女仔可以隨時設定一個最適合嘅模式去自拍。
雙色補光 LED 夜晚自拍無有拍
事關有時出夜街，想自拍一下但街燈唔夠光，影出嚟嘅自拍又多雜訊，又睇唔清個樣。ZenFone Selfie 嘅前置鏡頭就有補光 LED 功能，就算係燭光晚餐或者係低光環境，都能夠發揮好大作用。仲有就係，有兩種唔同色溫嘅補光燈，就唔怕啲光打落塊面咁硬好似 Key 相咁啦。
相關文章:
大專手提電腦優惠計劃 2024 各電腦品牌學界獨家優惠
教埋你包裝：俾個 Surprise 你女友好無？
雖然呢個包法有少少「偷雞」，但係都好過你就咁用花紙包掛？顯得你無 Heart 之餘，一拎起手都知你送咩啦，邊有驚喜？
阿瓜就建議咁多位男生，其實而家上淘寶可以買啲手摺星星(可以search：手摺 星星 成品)，其實送到黎嘅時候已經摺好晒，唔洗自己逐粒摺架嗱！買個靚啲嘅盒包住，用星星墊底，有需要放多一兩隻聖誕小公仔 (可以於 12 蚊店度揀，大把款) 入去，等佢可以擺喺 office 枱頭，日日望住。當你女朋友一打開仲覺得你花咗咁多心思實冧死佢！
$1,999 有功能齊全手機 值回票價
最重要係，ZenFone Selfie 而家只係賣 $1,999 ，抵過買「潘朵拉」啦，起碼手機用上手，一諗就記起你。而家喺推廣期內購買，仲送埋原廠電池及充電座套裝 (價值 $259) ，聖誕 Party 就可以俾女友瘋狂自拍啦！
相關文章:
大專手提電腦優惠計劃 2024 各電腦品牌學界獨家優惠
分享到 :
最新影片
