可能大家都知道團購係乜嘢,不過喺香港團購競爭咁大,如果仍然原地踏步,就無法喺汰弱留強嘅社會生存,所以連團購都要諗啲新意。Group Buyer 最近便投資近百萬港元,以 iBeacon 新藍牙技術,推出電子印花「易賞印」功能,用戶只要安裝 Group Buyer 流動應用程式,就可賺取不同合作商戶嘅電子印花,換取各類消費優惠,在團購以外殺出新方向,贏盡掌聲!現時亦已經超過 10萬人下載「 Group Buyer」APP,似乎相當受歡迎呢!
步驟一︰先安裝·後開戶
要享用 Group Buyer 的 「易賞印」 功能,當然要去 App Store 或者 Play Store 下載 Group Buyer 個 app,成功安裝後唔好唔記得登記成會員,email 同直接用 Facebook account 登入都可以。
步驟二︰睇推介·買 Jetso
做咗會員後,如果對團購有興趣,不妨睇下 「團購推介」 有乜心水推介,Group Buyer app 每日都會有新團購刊登,衣食住行樣樣齊,價錢仲超級抵。好似呢個 Holiday Inn 聖誕自助午 / 晚餐,正日食成人午餐的話只係 $328,仲唔收加一,咁平嘅價錢可以去到星級酒店兼無限暢食 Haagen-Dazs 雪糕、日本生蠔同長腳蟹,淨係食呢幾樣都已回本。
步驟三︰儲印花·換獎賞
講番最新功能 「易賞印」,用戶可以喺 app 點選下方的 「易賞印」,之後就可以按 「類別 / 地點」慢慢睇下邊啲商戶參加咗 「易賞印」活動。目前參與的商戶已超過200 間,包括︰中原電器、OGAWA、來來重慶雞煲等。若鍾意影相嘅朋友,只要嚟 Roxsen Digital 消費滿 $50 就有一個印花,儲夠 5 個就獲贈相機帶或 DC 吸盤腳架。
步驟四︰開藍牙·連接易
要儲印花好簡單,去到指定商戶,show 一 show Group Buyer app 上的 「易賞印」優惠,跟住啟動手機的藍牙及定位功能,然後將手機輕放於該商戶的電子印花發射器上,點擊獲取印花就搞掂,方便易用。
步驟五︰電子優惠雙重賞
除咗 「儲印花」,部分商戶更提供電子優惠券,當你經過有關店鋪時更會彈出來,到時記得點按 「電子優惠券」 一併使用,盡享折扣,買嘢、食嘢就抵上加抵。
步驟六︰任務達成額外賞
為咗鼓勵更多用戶參與 「易賞印」,Group Buyer 更設有「任務獎賞」,用戶只要喺指定期間內集齊指定印花,就可以獲得額外獎賞。首輪任務獎賞係 Haagen-Dazs $50 現金券乙張,第二輪任務獎賞係 SOGO $100 現金券乙張。
咁着數又有咁多優惠等你攞,未裝嘅話便事不宜遲,立刻就去 App Store 或 Play Store 下載 Group Buyer,體驗嶄新的購物優惠體驗。
分享到 :
最新影片
![](https://cdn.unwire.hk/wp-content/uploads/2024/09/iphone16_d_web2-694x390.jpg)