聖誕過咗，但萌爆的比卡超仲未肯走，仲換上一身賀年新裝與「猴年主角」火焰猴係 Mikiki 同大家拜個早年。今日我依莉詩就去咗「捕捉」小精靈啦！
4大逼爆影相位
叫得做拜年，Mikiki 中庭的佈置由聖誕裝飾搖身一變變成「寵物小精靈 Pika 新年祭」，當中更包括太鼓台、
1)小精靈綵燈牌坊
日本祭典通常都掛滿燈籠，Pika 新年祭亦唔例外，一串串印有比卡超同火焰猴圖案的黃色燈籠由紅色牌坊伸延到整個場景，充滿賀年喜慶氣氛。而比卡超同火狐狸坐係牌坊右面的長椅歡迎緊你！
▲ 明知牌坊咁逼，但比卡超同火焰猴都要逼住同大家拜年，動作超搞笑呢！
▲ 比卡超坐係牌坊旁邊的長椅等你同佢合照啊！
2) 鯛魚燒小攤檔
一場熱鬧的祭典又點少得美食點綴？鯛魚燒小攤檔的檔主比卡超同呱呱泡蛙已預備好美味的鯛魚燒，順祝各位新一年「年年有餘」。
3) 比卡超太鼓高台
場內最矚目的當然係 3.5米高的巨型比卡超頭，圓碌碌超可愛。而巨型比卡超頭下係賀年祭的主角太鼓高台，日本人於祈福時會敲打太鼓驅走惡運，台上的日本年糕「鏡餅」，上面放了大吉，除了寓意「步步高升」外，亦象徵「
▲ 點解太鼓旁的有眉比卡超咁熟口熟面嘅？
4) 幸福比卡車
如果上一次錯過咗同比卡車合照，今次就千萬唔好錯過啦！因為佢正停泊係桃花林間，傳說同佢合照完，下年一定「人見人愛、車見車載」。
▲ 車頭一大個比卡超樣，紅紅的胭脂加埋圓碌碌大眼，
新春限定店
行完新年祭典當然要到新春限定商店掃貨，裡面售賣各款寵物小精靈的得意精品，粉絲必定滿載而歸。
▲ 愛 Shopping 的比卡超 Girl 已經急不及待出動掃貨了。
▲ 新年唔多唔少都要下下廚，招呼親友好友，自問廚藝一般的話，賣番 set 比卡超廚具 ($10/把) 加持下吧！
▲ 想餸菜有特色 D ，可以買番個比卡超模 ($26) 製作可愛比卡超飯團呢！
▲ 紅卜卜的新年全盒太老土，如果轉用比卡超盒 ($29) 唔知會唔會更受歡迎呢？
▲ 想逗多 D 利是梗係要出盡咀頭講慶賀說話，唔帶個水壺($50) 同 水樽套 ($35) 補充下水份點得。
▲ 除了精品，Mikiki 更推出限量版「
比卡超下午茶
睇完新年祭典上的比卡超咁可愛，係咪好想食埋佢落肚呢？過隔離 G02A號鋪的 Gelare 就得食 2款比卡超甜品同 2款比卡超飲品啦！不過同上年搞的 My Sweet Piano唔同，除了食物，餐廳基本上無佈置，呢點粉絲可能會失望啦！
▲ Pika 蛋糕 $58
買單件的蛋糕可以點選以朱古力漿畫上心心同以朱古力粉灑上比卡超萌爆頭像加持，可愛指數立即提升！
▲ 比卡超布甸窩夫 $98
比卡超造型的芒果布甸超級可愛，而熱辣辣的窩夫上配上酸酸甜甜的山莓雪葩，一冷一熱，刺激味蕾。不過雪葩溶得好快，要影機食先的話恐怕個窩夫搞到淋晒。
▲ 火焰猴牛奶咖啡 同 比卡超薄荷朱古力每杯 $42。
冬天飲一杯暖笠笠的熱飲令人暖入心霏，綿滑的奶泡上用朱古力粉灑上火焰猴同比卡超笑臉，感覺就似以嘴唇擁抱軟綿綿的比卡超一樣。
依莉詩點評
其實今次「寵物小精靈 Pika 新年祭」大部份的小精靈公仔都係用番上次聖誕展覽的。所以當中的有眉比卡超、哈力馬龍、火狐狸同呱呱泡蛙，其實都熟口熟面，加上 Mikiki 比較偏遠，如果上次去過的朋友今次都未必要特登過嚟影。不過今次限定店賣的精品同上次唔同，而且多咗幾款限定甜品，忠粉們點都要潮聖！
新年氣氛 ★★★☆☆
必影指數 ★★☆☆☆
必買指數★★☆☆☆
「Mikiki x 寵物小精靈Pika新年祭」
日期：1月21日至2月22日 (12nn-10pm)
地點：新蒲崗太子道東638號Mikiki地下中庭
分享到 :
最新影片
