聖誕節除了情侶影相打卡，感受浪漫氣氛外，其實都係一個一家大細、三五知己約出嚟狂歡嘅節日，當然亦唔少得去充滿歡樂氣氛嘅聖誕市集。今個星期介紹 3個聖誕市集俾大家，等大家率先體驗聖誕嘅熱鬧。
德國童話村聖誕市集
赤柱廣場上年嘅德國聖誕市集廣受歡迎，4日就吸引近 4萬名市民參與，所以今年決定加料重臨，繼續得到德國駐香港總領事館及德國商會全力支持，並加入童話元素，打造成德國童話村。全場焦點係一座5米高糖果屋，內有千支手工波板糖，更舉辦波板糖自助餐，大家可以大食特食！另外仲有本地陶藝達人以格林童話及糖果屋為藍本，製作成不同款式的小盒子和擺設，以及多款聖誕吊飾。而本地手作達人則以日式染布花製作一系列童話故事頭飾。大家可以提早買定聖誕禮物。
日期：2016年12月10日 ‑ 11日、2016年12月17日 ‑ 18日 (中午 ‑ 下午8時)
地點：赤柱廣場 天幕廣場 》香港赤柱佳美道23號
奧海城「戶外聖誕市集」
另一個聖誕市集就係奧海城同香港市集協會(HKMO) 合辦嘅戶外大型聖誕市集。一系列由本地特色食品小店提供嘅小食，如獨家發光聖誕特飲、限定啖啖肉龍蝦包、香噴噴慢煮燒腩仔、手拉聖誕糖果、聖誕限定朱古力，亦有由香港本土手工藝家創作的精品及首飾、充滿聖誕氣氛的家居裝飾擺設等，絕對滿足到想一次過購買聖誕裝飾及聖誕禮物的慾望。另外更有兒童檔主專區，特設由孩子做檔主嘅聖誕手作市集，售賣由孩子製作嘅手作，等小朋友都行得投入。
日期：2016年12月3日 ‑ 25日 (逢星期日,六) 下午1時 ‑ 9時
地點：奧海城2期 露天廣場 》香港西九龍海庭道18號
利園協會 x Wellness 360 聖誕市集及嘉年華
Wellness 360 市集亦係好評如潮嘅健康生活市集，提供不同健康食品及保健服務的購物攤檔。除了可欣賞舞蹈和運動表演等充滿節日氣氛的活動，還可品嚐節慶小食和飲品。一眾專業顧問將展示各種本地和來自世界各地嘅健康產品和服務，並分享保健知識。在超過30個購物攤檔中，你可以找到有機護膚品、按摩油、環保餐具等等。小朋友更可在兒童天地動動巧手，製作有趣手工藝，以及體驗耕種之樂，聽聽聖誕故事。
日期：2016年12月11日 (上午10時 ‑ 下午7時 )
地點：利園一期私家路 》香港銅鑼灣希慎道33號利園一期私家路
資料來源：Timable
