講咗差唔多 3年，Marvel 英雄粉絲期待以久嘅鐵甲奇俠 Iron Man 遊樂設施終於，係上個月我依莉詩報導了 Marvel 英雄精品同美食 。今次就帶同小wire民杰杰細佬試玩當中嘅遊樂設施同參觀史達科技展啦！
與 Iron Man 飛越香港上空
講到園區內重點當然係「鐵甲奇俠飛行之旅」遊樂設施，大家可以坐上 45座嘅科技展特別版鐵甲號 Mark VIII，並戴上 3D眼鏡，透過飛行模擬器、立體影像、環迴立體聲及各種特效，穿梭仿似西九龍及香港鬧市，置身係 Marvel 英雄與 Hydra 嘅正邪對決。4.5分鐘嘅旅程左飛右飛，配合 3D影像就同置身其中一樣。相比起澳門嘅蝙蝠俠夜神飛馳，因為坐位不會離地，所以更有安全感， 5歲嘅杰杰唔單止唔驚，仲玩完一次又一次添！
▲ 登上「鐵甲號」飛行車，就可以同「鐵甲奇俠」穿梭仿似西九龍及香港鬧市，並飛越多個香港特色景點，例如：青馬大橋、維多利亞港及本地的連綿山脈等。
▲ 館內有多架鐵甲號同時飛行，相信開放後一段時間應該唔使排好耐。
▲ 科技展特別版鐵甲號 Mark VIII 會帶大家展開鐵甲奇俠飛行之旅。
史達科技展
Iron Man 粉絲又點止小朋友，大人都可以到「史達科技展」睇睇「史達工業」最新、最強的科技發明。展覽中設有多個大型展廳，包括：「歷程展廳」、「防禦展廳」、「能源展廳」及「動能展廳」。大家可率先探索「史達工業」最創新嘅「弦反應能源器」、「鐵甲奇俠」MARK I和 MARK III戰甲 及 MARK V手提箱，粉絲們一定要睇啦！
▲ 「歷程展廳」、「防禦展廳」、「能源展廳」及「動能展廳」4個展區展示了「史達工業」歷來嘅多項里程碑。
▲ 歷程展廳掛滿史達係防禦領域取得嘅成就，甚至有第二次世界大戰期間超級軍團計劃的原裝海報。
▲ 更可以近距離觀看美國隊長盾牌。
▲ 有沒有人想到第一套 Mark I 裝甲係咁樣架呢？
▲ 要講到型一定唔少得真實比例 Mark III 裝甲。
▲ 防禦展廳內大家可以睇到史達自我修復玻璃如何係受損後恢復原狀。
▲ Mark V 手提箱裝甲可以由手提箱轉成裝甲。
▲ 防護裝甲雛型更可以供消防員使用。
▲ 史達嘅智能眼鏡可以話係 Google Glass 嘅雛型呢！
▲ 能源展廳展示了未來香港史達大廈嘅模型。
▲ 動能展廳展示出多部鐵甲號，以應付不同環境需要。
相關文章:
《魔海奇緣 2》開畫票房報捷 外判動畫製作卻令業界擔憂 上海迪士尼防濫用電動輪椅需文件證明 租借輪椅商戶無懼：保證可入園 Disney 籌組科技工作小組 針對 AI 和 XR 內部應用進行協調
鐵甲奇俠裝備展
裝備展大樓會由史達工業代表介紹區內從未展出嘅物件雛型，包括鐵甲奇俠嘅上身裝甲、靴子同手套，Iron Man 仲會隨時出現係明日世界同大家合照呢！
▲ 見到會郁嘅 Iron Man 出現，杰杰興奮到呆咗呢！
小型體感遊戲化身 Iron Man
未夠高嘅小朋友都唔怕無嘢玩。明日世界入面嘅「史達科技旗艦店」有一個小型互動體感遊戲俾大家透過模擬效果穿上盔甲，成為 Iron Man 係香街道親身撃退邪惡勢力。「鐵甲奇俠模擬裝甲」遊戲玩法好簡單，只要跟住指示做出相應動作就可以穿上盔甲，並出招擊退敵人！5分鐘嘅體驗唔算刺激，不過用嚟做熱身都唔錯！
▲ 小朋友玩嘅話件盔甲都會變成迷你版，好得意架！
▲ 電腦會一邊錄底玩完嘅過程，你可以購返自己化身成「鐵甲奇俠」嘅照片組圖同一段約35秒嘅遊戲體驗短片。如果係遊客可能會捨得買嘅。
想知區內仲有咩 Marvel 英雄精品同主題美食，可以 check 入 Iron Man 明年 1 月飛到香港迪士尼！Marvel 英雄精品、美食率先睇 啊！
日期：2017年 1月起開放
地點：香港迪士尼樂園
相關影片:
相關文章:
《魔海奇緣 2》開畫票房報捷 外判動畫製作卻令業界擔憂 上海迪士尼防濫用電動輪椅需文件證明 租借輪椅商戶無懼：保證可入園 Disney 籌組科技工作小組 針對 AI 和 XR 內部應用進行協調
分享到 :
最新影片
