提起 Cosplay，自不然就會聯想到打扮得像動漫人物的可愛女生，有想過「冷氣佬」都會Cosplay嗎 ? 90 後的 Bruce 玩了 cosplay 十年，本身是冷氣師傅的他因為想做出完美的cosplay服，自學 3D 打印，更在3年前轉行當3D打印道具師。
相關文章 : (雞蛋妹 : 記得看完相關文章才看這篇文章~)
https://unwire.hk/2018/08/21/3dprinting/life-tech/
每個男生心中都有一個想成為的英雄，90後的Bruce亦不例外。蝙蝠俠、Iron Man、蟻俠……從小就對英雄角色著迷，十年前因為看見 Iron Man 帥氣的盔甲，很想模仿他的裝扮，就決定嘗試 cosplay 。一試，就玩了十年。
除了角色有型，Bruce稱還有另一個原因令他愛上cosplay英雄角色。「我比較中意cos一啲唔見到個樣嘅角色，因為我覺得自己嘅顏值比較低，如果遮住個樣嘅話，可以令觀眾產生多D幻想。」原來 是這個原因啊。
90後的Bruce玩了cosplay十年，最喜歡扮演英雄角色。
Bruce cosplay 的蝙蝠俠十分逼真。
愈玩愈有要求 自學3D打印
玩cosplay的人都知，cosplay精髓就是要跟足原著，Bruce亦相同，不過他發現要一模一樣亦不簡單。「搵咗D人整道具，唔係香港嘅，整完之後出嚟個效果唔係咁好，但你錢就已經俾咗啦，咁你可以做到咩呢 ?」起初他找了內地工場做，但發覺質素參差，最後把心一橫，決定自製道具服。
一開始他用EVA海綿製作道具服，但發現費時又考工夫。有次在網上看見3D打印的Iron Man道具服，發現cosplay原來可以這麼像真，於是下定決心自學3D打印。
3D打印的盔甲及頭盔。
冷氣佬轉行做道具師 一步一腳印
「係唔識嘅情況下，無人話俾你聽應該要點做，即係無從入手。」經過不斷看書及上網問「google大神」，幾年間由門外漢到全職做道具，從畫圖、打印、打磨、上色都一手包辦，最近更上班授課及出售自己的小型3D打印機。
看到這裡，可能你會以為他從小名列前茅，一定是資優生來的 ! 但Bruce竟說 : 「中二中三到個陣時就好曳，跟住就唔讀書啦，後尾先勉強係夜校補番個中四。」讀到中三就離開學校，當上冷氣師傅。直到找到做道具這份興趣，才重拾書本，他更笑言自學3D打印時所看的書遠多於學生時期讀的書。
除了做道具，Bruce亦會開課授課。
3D打印 香港還在起步階段
3D打印對Bruce來說，是一個人生轉捩點 ; 3D打印對製造工業來說，亦是一個突破。「未有3D打印之前，郁啲都上幾萬蚊，先可以雕一個樹脂或者翻一個模出嚟，但係宜家呢個技術講梗幾千蚊已經可以做到一個咁樣嘅野。」由於3D打印技術省時及應用性高外，質素亦有保證，所以許多國家已經應用在不同領域上。但Bruce認為3D打印在香港依然處於起步階段，若是香港發展3D打印，先要政府重視製造業。「香港係一個注重搵快錢嘅地方，比較注重速食，速食到係我直情唔想學，買舊嘢番嚟，5蚊買10蚊賣，賺個5蚊就夠，賺一次都夠啦，香港係個咁嘅社會。」
在重視商業的地方，Bruce認為唯有靠市民各自研究。因此他除了做道具，亦會開班授課，讓更多人接觸3D打印外，又可以幫補收入。「愈多人用嘅時候，會愈發現得多個樣野嘅問題。個樣野嘅問題你愈發現得多，愈走去改善，個樣野就愈好。」Bruce說。
Bruce : 「有啲嘢唔係可以用錢嚟衡量。」
雖然3D打印道具師未必可以為Bruce帶來大量收入，甚至比冷氣師傅的收入更少更不穩定，但Bruce仍然樂在其中 : 「有D野唔係可以用錢嚟衡量，即係夠你食飯囉，夠你基本開支有地方俾你玩囉。」想了一想，足以應付生活，找到樂趣，又有志同道合的朋友。其實，不就足夠了嗎 ?
分享到 :
最新影片
