相信各位揸車一族都知道自己嘅座駕需要換偈油，不過唔知大家又有冇留意自己入梗邊隻偈油呢？究竟係聽師傅介紹定係自己話事？大家都咁鐘意揸車又錫車，用咩偈油梗係要自己揀啦，你去餐廳食飯都會自己揀食咩啦，係咪？
揀咩偈油你有 SAY!
唔知大家平時點揀偈油呢？上網問人？睇價錢？定係聽師傅講？係度提醒大家一句千祈唔好亂揀偈油！有時師傳介紹最多人用嘅偈油唔一定啱你用，最穩陣嘅做法就係睇返車主手冊或者向原廠查詢，否則換錯偈油嘅話輕則架車換完「立」過未換，重則整傷副偈，所以揀偈油咪諗住是是但但又或者貪平就算！
▲每款汽車的車主手冊都會清楚列明建議使用嘅偈油規格，而且喺唔同溫度、濕度嘅國家亦有唔同要求。新一代 Hybrid 混能車、細 cc 嘅 Turbo 私家車廠方都會建議使用低黏度嘅 0W-20 或 0W-30 偈油。想知道應該用咩偈油最好就係參考廠方指引喇！
偈油規格同材料要睇清楚
以前偈油嘅規格缺乏認證，可以抵受幾高温？黏度有幾高？間間廠都有唔同講法！好多老師傅或者揸咗幾廿年車嘅司機往往剩係會用黏度嚟判斷偈油掂唔掂，不過今時今日新一代偈油嘅製造技術已經遠超十幾廿年前，全合成偈油嘅高溫保護能力同偈油黏度唔一定有直接關係。而家大部份市場買到嘅偈油都會有公認嘅 API、ACEA 認證，不過呢啲都係基本條件，仲要睇支偈油通過咗幾多間汽車製造商嘅嚴格測試，其實偈油嘅好與壞視乎基礎油同埋添加劑嘅質素，道理就好似靚料煲靚湯一樣。市場上最新嘅偈油技術就係將天然氣轉化成基礎油，由於無咁多污染雜質，所以就可以做到比傳統由原油提煉嘅偈油更高的品質！
▲偈油樽身列明規格以及獲取嘅認證，大家選擇偈油時記得要留意一下！
低黏度偈油新趨勢
而家好多 Hybrid 混能車或者新車都配備咗停車自動熄車嘅 ‘stop-start’ 功能，又或者慢速時只用摩打推動，攪咁多 Gimmick 目的係為乜？講到尾梗係為咗慳油啦！不過香港差唔多去到邊都會塞車、返工放工時間更加唔駛講，架車 Keep 住成日行吓停吓咁，引擎未去到正常工作温度令偈油流得慢，引擎組件就會容易出現磨損，所以流動性較高、阻力較低嘅新一代 0W-20 同 0W-30 低黏度偈油就更適合喺香港用喇!
▲香港地經常塞車令汽車「行吓停吓」，引擎未達正常工作温度，而新一代擁有較佳流動性嘅低黏度偈油就更適合香港駕駛者使用。
賽車、街車同樣採用
如果大家有留意 F1、澳門 GT、Le Mans 24 等等頂級賽車盛事，都可以見到好多車隊指定使用 Shell 嘅偈油，例如香港人熟悉嘅 Ferrari，BMW 車隊等等，而廠方提供嘅資料更顯示 Shell 超凡喜力偈油同時係香港同澳門最多原廠維修中心使用嘅偈油品牌。採用 Shell PurePlus 天然氣製油技術研製，比起傳統原油製成嘅偈油性能更高而且揮發性更低，喺磨損保護、抗高溫氧化表現都更理想，可以滿足汽車製造商嘅嚴格要求，提供媲美原廠級數嘅潔淨程度同埋更高燃油效率！
Shell 超凡喜力 SN 0W-20 / ECT 0W-30 特點：
• 採用 Shell PurePlus 天然氣製油技術調配
• 低黏度全合成偈油，符合原廠規格要求
• 慳油環保，提升燃油效益及減少廢氣排放
• 揮發性更低、抗高溫氧化，減少添加頻率
• 提供抗腐蝕損耗及抗油泥保護
* Shell 超凡喜力 ECT 0W-30 更同時適用於柴油輕型貨車、汽油及柴油私家車
買行貨好過水貨嘅迷思？
水貨、行貨手機大家肯定聽唔少，而其實偈油一樣有行、水之分。買偈油道理一樣，買行貨先至有保證，唔好諗住貪平就用水貨，無謂為咗半年至換一次而平嗰幾十蚊走去搏，因為大家未必分得清楚水貨由邊度進口，甚至係真定假，萬一貪平唔好彩買咗次貨或者假貨咁就真係得不償失啦！
提提你，要分辨 Shell 超凡喜力偈油行貨同水貨好簡單，行貨樽身貼有全新「香港製造 港澳市場適用」標籤！下次去車房換油記得同師傅講明要用 Shell 超凡喜力偈油，仲要指明用行貨先可以攞著數呀！
即抽即贏高達 $200 Shell V-Power 油券
由即日起至 2019年3月31日 ，買指定4公升裝 Shell 超凡喜力全合成偈油行貨，撕開樽身上面嘅標籤，掃描 QR Code 或者喺 Shell 網頁 輸入條碼就可以即抽即中獎！買 Shell 超凡喜力 0W 系列仲有2次抽獎機會添，即係最多中 $200 Shell V-Power 電子現金券！人人有份，永不落空！
分享到 :
最新影片
