距離遊戲正式推出尚有 3 個月，《Dead or Alive Xtreme 3》已經在日本和歐美的遊戲界引起討論。原因之一是遊戲發行商 Koei Tecmo 確認遊戲不會在亞洲以外地方推出，換言之歐美的玩家要玩這遊戲就只可以通過水貨渠道了。
和銀聯達成初步協議 Apple Pay 登陸中國在望
Apple Pay 現時在美國、英國已經推出，稍後則會陸續在加拿大、澳州和香港等地有限度推出。至於全球人口最多的中國，有傳最快明年 2 月亦會推出。最近有傳聞指 Apple 已經和銀聯達成初步協議，後者將容許 Apple 使用旗下超過 500 萬部 NFC 銷售終端機。
為「纖體」取消 3.5mm 耳機插孔？網傳 iPhone 7 將改用 Lightning 耳機！
相信不少會用手機聽歌的 wire 民，一係選擇藍牙耳機，又或者選用 3.5mm 有線耳機吧？但去到下代 iPhone，就有可能要改改習慣了。網上傳出 Apple 為了令 iPhone 7 進一步「纖體」，有可能會取消 3.5mm 耳機插孔，改為採用 Lightning 插頭作音效輸出！這對於喜歡用傳統耳機的用家來說，可能會是感到震驚的消息吧？
超過十萬分真定假？Samsung GALAXY S7 處理器超高得分曝光
最近有不少消息，指 Samsung 將會提早推出 GALAXY S 旗艦系列的最新機款 GALAXY S7，據稱最早可能會於一月就發佈推出。今日網上就傳出據聞是 GALAXY S7 採用的處理器 Exynos 8890 的安兔兔評測得分資料，分數達到 103,692 分，是首部手機有機會得分超過 10 萬分，認真誇張！
CM 迷喜訊！有證據指 OnePlus 2 CyanogenMod 正在研發
相信有玩過 OnePlus 手機的 wire 民，應該都會記得 OnePlus One 之所以受到不少國際用家歡迎，其中一個原因就是有官方 CM（Cyanogen）Mod ROM 支援，不過 OnePlus 2 已推出多時，但針對它研發的 CM ROM 仍然未見蹤影。不過近日就有眼利的網民在 CM 官網發現 OnePlus 2 CyanogenMod ROM 的研發蹤影，看來 OnePlus 2 的 CyanogenMod ROM 應該很快會推出吧？
Panasonic 推系統更新 多款相機添加先拍攝後對焦功能
Panasonic GX7、G8 和 FZ300 的機主是時候為相機升級，因為最新的韌體升級新增了全新的「後期對焦」模式，用戶可以擁有類似 Lytro 光場相機「先拍攝，後對焦」的體驗。不過， Panasonic 並非採用 Lytro 的技術，而是巧妙地令相機同時作多點對焦，讓用戶在拍攝後慢慢選擇。
IKEA 研發新型餐檯 將餘熱變電力為手機充電
傢俬生產商 IKEA 一向意念多多，早前推出了一系列內置無線充電功能的傢俬，包括茶几、桌子和檯燈等。最近他們又開始研發以減少能源使用為前提的 Heat Harvest 傢俬，顧名思義 Heat Harvest 就是採集熱能的意思，就是利用傢俬將熱能收集，轉化成電力為手機等裝置提供電力。
日本拍賣逾三千 PlayStation 遊戲 300 萬日元成交
早前 Sony 宣佈可以在 PS4 上玩到模擬 PS2 的遊戲，吸引不少喜愛懷舊的玩家關注。不過要真正緬懷過去，可能玩 PS2 遊戲還未夠。早前日本 Yahoo 拍賣場就有買家投得了一套 3,290 款 PlayStation 遊戲，成交價高達 300 萬日元（約 18.9 萬港元）。
PowerMe 充電線令 Android 手機變尿袋
早前推出的 Apple Pencil 可以直接插入 iPad Pro 的 Lightning 接口充電，不過 iPhone 想向 iPad Pro 借電就不可以了。不過如果你擁有這條正在 Indiegogo 集資的 PowerMe 充電線，就可以在任何擁有 microUSB 接口的智能手機或平板「偷電」。
創新定倒退？ 陳易希豪灑 6 位數金錢讓聖誕樹變色
聖誕將至，各個商場除了用卡通人物的裝飾作招來外，不少更加入科技元素，希望遊人有新的互動體驗，而其中一個裝置就是以應用程式改變聖誕樹上的 LED 燈變色。依莉詩早前就有幸訪問到裝置的設計者「星之子」陳易希。
▲ 不管你記唔記得陳易希是誰，不過當年的小子今日已經長大成人，仲同拍拖 4年幾的女朋友一同展示成果。
畫面更細緻！SEGA 發表 Football Manager 2016 Touch
在推出 Football Manager Mobile 2016 約一星期後，SEGA 就發表 Football Manager Touch 2016。前者刪減了漂亮的畫面以換取較舊的裝置都可以玩到，而日前推出的 Touch 版則專為高階的裝置而設，包括以 Full 3D 模擬球賽。
一路向北：冬天駕駛
Hej！瑞典和不少歐洲國家一樣從 10 月底就開始轉用冬令時間，以配合日短夜長的環境。經過夏天時日長夜短，晚上 9 時才日落的美好時光，正所謂「有咁耐風流」現時下午 4 點天色基本已經黑齊，幸運的話早上 8 點會見到一點點暮光。在瑞典要駕車的話，亦要作出很多的改變和適應。
一家大細同樂日 • unwire 週末好去處
等咗咁耐，天氣終於開始轉涼啦！係時候出外玩下，今個星期不妨一家大細踏下單車或者去參觀葛量洪號滅火輪丫！
無污染港島海旁單車遊 第七屆
係香港要爭取一條單車經並唔容易，難得有一條港島海濱單車走廊，應該要好好享受踏單車的樂趣，今次的單車遊路線由西寧街遊樂場到西灣河海濱公園全程約 18公里(參考地圖 )。。不過自從 2013 政府要把海濱原本作為公共空間的地方改為軍事用途，單車走廊的自然路線就被阻礙，所以活動的另一個目標是爭取一條連續的海濱單車走廊。
日期：2015年11月29日 (星期日) 上午10時 ‑ 下午4時30分
地點：堅尼地城西寧街遊樂場 》香港西環西寧街18號
滙豐社區節
唔想踏單車，可以去玩下嘉年華。今年的滙豐社區節有多項文化表演、攝影區，以及由社會服務機構設置的互動遊戲。不但可以穿越時光隧道體驗「年青」與「年老」，更可以穿上全副裝備參與掃雷行動，了解世界各地的人道救援工作。另外更有非洲鼓及欖球活動及寄出溫馨心意卡。當日部分遮打道更會變身成中草藥園，學習各植物的中藥價值，以天然材料即場製作小手工。
日期：2015 2015年11月29日 (星期日) 中午 ‑ 下午5時
地點：中環遮打道行人專用區 》香港中環遮打道
葛量洪號滅火輪展覽館同樂日
另一個大型嘉年華係葛量洪號滅火輪展覽館同樂日，除了參觀滅火輪的駕 駛室及機房、與火警調查犬和大家相聚外，更有「滅火小英雄」拍照活動、消防工具示範及消防Live Band演奏 等，應該會是老少咸宜的「船上派對」。
日期：2015年11月29日 (星期日) 上午10時 ‑ 下午6時
地點：葛量洪號滅火輪展覽館 》香港鰂魚涌太古灣道 4
資料來源：Timable
卡關無極限 《Bloodborne》The Old Hunters DLC 初步評測
Bloodborne 的首個 DLC The Old Hunters 終於推出，相信不少喜愛被虐的機迷都會暫時把今月其他大作放下，重返狩獵之夜、去做個嗜血獵人。究竟此 DLC 值不值得買，不妨先看看以下的初步介紹：
Mac 機都用到！Sony 高層證實正研發電腦 Remote Play 玩 PS4 Game 功能
日前我們曾經介紹過一款「Remote Play PC」程式，其最大特點是可以在 PC 上 Remote Play PS4 的遊戲，加上幾乎沒有延遲，所以不少人都相當期待，甚至更有人指以後可以在公司一邊工作一邊打機。即當這款程式即將推出之際，Sony 方面就即時作出回應，並表示他們亦都研究類似的功能，不知又會否影響到 Remote Play PC 的銷情呢？ (閱讀全文…)
新舊大對決 ! Microsoft Surface Pro 4 vs Pro 3 全方位比併評測
之前 Microsoft 終於在香港發佈及推出 Surface Pro 4，相信有些未有手的都可能會心郁郁，而舊的 Surface Pro 3 用家亦可能會心動，考慮是否應該升級。今日就讓 Edward 拿來 SP3 vs SP4 來個全方位比較，讓大家知道是否值得升級吧！
一 take 過自拍？ 新世紀廣場 MOKO 姆明聖誕「森」度遊
可用原子筆書寫！Paperback 專為 iPhone 6s 而設的 Memo 紙
如今智能手機的功能可說是包羅萬有，除可以用來打電話、上網及玩遊戲外，甚至更可以用 app 記低 note。不過如果大家喜歡用真筆親自手寫的話，那又有沒有可能在手機上做到呢？答案當然是可以，因為最近有團隊就設計出一款專為 iPhone 6s 及 6s Plus 而設的 Paperback，雖然看似是一個保護殼，但原來卻是一疊 Memo 紙！ (閱讀全文…)
手機銷量未達標！小米被批評估值 450 億美元名不符實
過去幾年小米成為業界一股新興勢力，其高性能低價格的策略成功吸納大量客源，旗下的產品經常賣到斷貨，在中國當地甚至更對 Samsung 及 Apple 構成巨大威脅，而且不少投資者更趨之若鶩，去年市場估值更高達 450 億美元。不過來到今年，小米卻未能維持這種強勢，過去的輝煌成績如今已似乎開始變成泡影。 (閱讀全文…)
低至 1 折！Steam 秋季優惠活動展開超過 7,800 款遊戲大減價
如果大家平時有玩開 PC 遊戲，相信應該會經常留意 Steam 平台上的一舉一動，因為平日不少遊戲都會突然實行短期的減價措施，所以很多玩家都會經常 check 住有沒有心頭好。不過來到今日大家終於可以抖一抖了，因為萬眾期待的 Steam 秋季優惠活動已正式展開，除有超過 7,000 款遊戲會減價外，不少的減幅更相當驚人。 (閱讀全文…)
籮文：「又 2 合 1 擺明打 MS Surface Pro」Lenovo Ideapad Miix 700 平板初步評測
又到聖誕啦！Lenovo 就趁依個普天同慶嘅大日子臨近推出一系列產品，包括打機筆電 IdeaPad Y700 、Yoga 900 及以下由籮文為大家介紹的「Surface」型 Tablet －IdeaPad Miix700、。想知更多請閱讀以下文章。
開箱 送 Keyboard！
同 Surface Pro 4 唔同，Miix 700 的 Keyboard 係隨機附送嘅！下圖見到左邊紙盒就係載住 Keyboard。跟機當然仲有火牛同充電線。
外型似 Surface 加 外露式「錶鏈」鉸位
遠睇 Miix 700 真係以為係 Surface ，同樣用上 Kickstand 及 磁力吸附的鍵盤設計，Kickstand 用上 Lenovo 近期常用的錶鏈鉸位，增添返少少 Lenovo 特色。Kickstand 比較硬，需要較大力並要用兩隻手才開得到，有少少麻煩，不過變相企得更加穩陣。機身重量約 0.8 kg，附送的鍵盤 Cover 有仿皮革設計，籮文揸上手覺得幾舒服。
▲Kickstand 用上 Lenovo 近期常用的錶鏈鉸位，增添返少少 Lenovo 特色
▲機身重量約 0.8 kg，附送的鍵盤 Cover 有仿皮革設計，籮文揸上手覺得幾舒服。
▲喇叭於左右側，另外充電位於左側，USB 及 Micro HDMI™-out
▲Kickstand 的最大角度及最小角度
操控舒服 鍵盤好好打
Miix 700 除咗係一部可以觸控嘅平板，仲附送埋磁力外接鍵盤，鍵盤非常纖薄，接埋都唔會太加厚機身厚度，做到真正 「Cover」 用途。按鍵沿用 Lenovo Notebook 的按鍵設計，按鍵下邊有孤度，按鍵深度雖然淺，但都夠硬，並有回彈感。而 Trackpad 方面，籮文覺得比較啜手，未夠順滑。磁力吸附強度亦十分足夠，就算籮文手揸 Keyboard 拎起整部機，Miix 700 機身都冇同 Keyboard 分離。
▲Miix 700 除咗係一部可以觸控嘅平板，仲附送埋磁力外接鍵盤。
▲鍵盤非常纖薄，接埋都唔會太加厚機身厚度，做到真正 「Cover」 用途
▲按鍵沿用 Lenovo Notebook 的按鍵設計，按鍵下邊有孤度，按鍵深度雖然淺，但都夠硬，並有回彈感。
▲磁力吸附強度亦十分足夠，就算籮文手揸 Keyboard 拎起整部機，Miix 700 機身都冇同 Keyboard 分離。
放喺大肶用？都係放返喺枱面穩陣
雖然鍵盤好打，Kickstand 又夠硬，不過依類 二合一 Notebook 都比較難取代傳統 Laptop，籮文就試過將 Miix 700 放喺自己大腿上使用，可能籮文腳短，大腿唔夠位置俾 Miix 700 穩固站立，而且有頭重尾輕（Tablet 重 Keyboard 輕）的情況，郁吓就會從膝蓋跌落地，感覺更加唔穩陣。所以都係乖乖地放枱面用啦！其實同一設計的 Surface Pro 都有呢個問題，反為 iPad Pro 的三角型磁力設計係幾穩陣。
12 吋 IPS 螢幕 顏色幾鮮艷
熒幕方面 Miix 700 是 12 吋 IPS 螢幕，IPS 令螢幕睇落更鮮豔 ，2,160 x 1,440 解像度塞落 12 吋大小，細緻度有 259ppi，對比起 Surface Pro 4 係差少少，不過都非常夠用啦。而亮度方面，Miix 700 做到 300 nits，睇落比 Surface Pro 4 光，所以可視角度都比較大。
▲2,160 x 1,440 解像度塞落 12 吋大小，細緻度有 259ppi
▲IPS 令螢幕睇落更鮮豔，亮度方面，Miix 700 做到 300 nits，睇落比 Surface Pro 4 光
最高配置到 Intel Core M7 處理器 8GB RAM
Miix 7 前後都有500萬像素鏡頭，USB 插槽有兩個，比 Surface Pro 4 多一個。而最低配版本，處理器用上 Intel Core M3 及 4GB RAM，最高配版本可以用到 m7 處理器及 8GB RAM。至於 ROM 方面可選 128GB 或 256GB，Tablet 或者 二合一 Notebook 黎講都算唔錯，唔夠的話都可以加 MicroSD。跑分方面，籮文手上依部 m5 處理器 8GB RAM 版本，跑到 2583分（Single Core）及 4615 （Multi Core），實在算唔錯。籮文用 Miix 700 玩 Asphalt 8，畫面好順，亦唔見有發熱情況，果然係 Core m 處理器。
▲跑分方面，籮文手上依部 m5 處理器 8GB RAM 版本，跑到 2583分（Single Core）及 4615 （Multi Core），實在算唔錯
▲籮文用 Miix 700 玩 Asphalt 8，畫面好順，右邊機背只有微溫。
籮文：「親生仔 vs 堂兄弟 + Keyboard」
樣子差不多，價錢差不多，比著你，你會點揀？籮文個人會揀 Microsoft Surface Pro 4 ， 話晒 Microsoft 都係 Windows 10 嘅親生啊媽，機同 OS 嘅配合應該會比較好，但係有一點好重要，不過話分兩頭，以同樣價錢，Miix 700 附送埋 Keyboard，而 Surface 的 TypeCover 係要另購，變相又慳左筆錢。如果真係預算有限同一定要做個 Keyboard，Lenovo 係一個唔錯的選擇。
售價：＄6,999起
查詢：Lenovo
