串哥做電子產品鎖售會同一d代理好熟，賣得 iPhone 就會識好多週邊配件的老闆，人際關係好來貨價都會靚D。最緊同某位知名週邊配件的老闆吹開水，佢爆左好多 iPhone 4G 內幕野我聽，其實 Apple 一早就比左 iPhone 的外型同某d規格比佢地，方便佢地提早生產，當中原來有好多我地唔知的秘密。
.
iPhone 唔只黑白兩色
早前好多流出圖片令各位都知有白色的 iPhone 4G，老闆爆料話原來唔止黑白兩色咁簡單，將會好似 iPod Mini 咁提供多種顏色，至於係咩色老闆就話唔太肯定。
.
現有外置電池用唔番
原來早係半年前，Apple 以通知佢地唔好再生產 1A 的電源線/充電裝置，這意味住新 iPhone 4G電源輸入要求會更高(電容量更大?)，就算 1A 的輸出亦不能作充電用途
.
有補光燈／閃光燈
後方攝影鏡頭旁在規格上要預留一個圓形空位，好可能係閃光燈／補光燈
.
外型與早前流出的 iPhone 相若
佢地接到的 iPhone 外型規格，都是方邊的設計，很多地方同 Gizmodo 那台相似，只是某些部份有所出入，所以新的 iPhone 4G 已經不是 3G / 3Gs 那種圓滑的設計，老闆佢仲話新 iPhone 4G 好肉酸，鍾意 iPhone 3Gs 的人未必接受到 4G 的設計咁話..
相關文章:
歐盟要求 iOS 需開放瀏覽器 第三方程式用戶激增但開發商仍然不滿 iPhone 生產靠攏印度 數量加倍佔總產量 14% Apple 擴大維修選項 將支援二手官方零件
分享到 :
最新影片
