最近幾個月，唔同廠都推出咗自己嘅旗艦級別智能手機，今個星期就連 LG 嘅 Optimus G Pro 都要面世了，所以近期筆者身邊都有唔少朋友問小弟：究竟買新機應該點揀好？
如果你問我，我會先問番大家：其實你要咩先？你要介面簡單操控容易？iPhone 5 囉！你要機身靚仔兼喇叭大大聲？新 HTC One 囉！你要換得電又換得卡？Samsung GS4 囉！你要部機可以防水防塵？Sony Xperia Z 啦！你要又平又快？小米 2S 囉！你要大芒兼芒色水夠準夠靚？LG Optimus G Pro 啦！你要買一部機可以同時滿足手機同埋平板既慾望？睇怕你都無得唔揀 Asus Padfone Infinity！
其實，智能手機真喺好個人嘅一樣嘢，多人用嘅字必喺最啱自己，少人用亦未必代表佢差到爆。當然，睇番我哋 unwire.hk 嘅手機評測自然會幫到大家睇部機啱唔啱自己用啦，但實情都喺建議大家落舖頭試真啲先。唔想煩？其實都市人都係好膚淺嘅：手機 24 小時跟身架嘛！我諗唔會有人想揀部自己睇到都覺得「篤眼篤鼻」嘅機掛，所以，拿落用落順手手感好，睇落順眼覺得啱自己，呢部機就離大家「Dream Phone」嘅目標唔遠架啦，係咪好簡單呢？
相關文章:
市調：全球智能手機用戶穩定增長 iPhone 預期 2027 年全球最多用戶
分享到 :
最新影片
