近排好戲多鑼鑼，如果你最近睇開熱血、激情或恐怖片，不如趁今次活動欣賞一部輕鬆笑片啦。今次活動為大家送出 30 張（每位 2 張）於 2013 年 9 月 10 日晚上於銅鑼灣MCL JP 戲院的 WE’RE THE MILLERS《名瞞戅族》 優先場戲票供各位欣賞，參加方法非常簡單，只要大家在留言區答中以下問題，就有機會得到優先場戲票2 張。
問題: 在《名瞞戇族》中，飾演毒品拆家畢特的男星，在《醉爆伴郎團》系列扮演士撻。這位男星是誰？
電影簡介：
New Line Cinema呈獻《名瞞戅族》，由珍妮花安妮絲頓及積遜蘇迪堅斯繼票房奇葩《邊個波士唔抵死？》後再度銀幕攜手擦出爆笑火花，並由《屎波快閃隊》導演羅遜費巴執導。
格大維 (積遜蘇迪堅斯 飾) 係個有原則的大麻小拆家，顧客層面非常廣泛，有廚師、中產阿媽…唯獨未成年少年免問。以為咁樣就唔會瀨嘢？答案係：錯哂。為了掩飾身份，佢一直保持低調；但一次出手幫鄰居解圍點知好心著雷劈，反被三個古惑仔搶走所有大麻同現金，令佢欠落拆家班主高列畢 (艾希姆斯 飾) 一身債。
大維唯有幫高列畢由墨西哥走私大麻返美國來還債；為求低調過境又唔使坐監，大維不惜威逼利誘一眾鄰居：性感鋼管舞女郎露絲 (珍妮花安妮絲頓 飾)、未夠秤準買家毒男堅尼 (威爾保爾特 飾) 同叛逆少女姬思 (愛瑪羅拔絲 飾) 扮成美國典型溫馨家庭，一家四口扮姓「米」參與呢個「疑似實無死」任務。一個假老婆、兩個假仔女，再加一大架RV旅行車，「米氏一家」喺美國獨立日出發去墨西哥食大茶飯，引發連串囧人膠事。
《名瞞戅族》由羅遜費巴執導，《冒牌伴郎生擒姊妹團》Bob Fisher 及Steve Faber、和《冰火時光機之回到80後》Sean Anders及John Morris編劇，Bob Fisher 及Steve Faber原創故事。主演電影的演員還包括《分手再愛你》愛瑪羅拔絲、《逃學黐孖咇》尼克奧弗曼、《大鈍裁者》嘉芙蓮漢恩、《魔幻王國：黎明行者號》威爾保爾特、及《醉爆伴郎團》系列艾希姆斯。影片由Vincent Newman、Tucker Tooley、Happy Walters及Chris Bender監製，David Heyman、J.C. Spink、Marcus Viscidi、Toby Emmerich、Richard Brenner及David Neustadter擔任執行監製。
《名瞞戅族》由New Line Cinema呈獻，華納影片公司作全球發行，9月19日於香港爆笑上映。
截止日期： 2/9 中午12 時正
公布結果：2/9 晚上時段
- 本網保留此活動的最終決定權，不得異議
