Moto G 是「平價手機」先行者 ，雖然唔係最平，但勝在 Motorola 大牌子同半邊「親生仔」信心點都有保證。最近它們推出 Moto G (2014) ，但面對 Motorola 已被 Lenovo 收購，究竟對新 Moto G 印象有無因此改變呢？（以下有更多資料。）
更好揸！前置喇叭睇片更正
Moto G (2014) 同去年 Moto G 最大分別係屏幕由 4.5 吋增至 5 吋，機身固然大了，但小編 覺得反而更好楂，始終之前 4.5 吋實在太細，其次機身亦唔覺重咗，而且亦冇「內地平機」那種厚的感覺。此外，此機印象最深是改用雙前置喇叭，用來睇片效果更佳，其次背蓋亦改用霧面物料，雖然感覺稍微低檔，但勝在不容易沾上指紋，感覺比較乾淨。
▲ 屏幕增至 5 吋，但手感卻比之前 4.5 吋更佳，而且亦不影響單手操作。（可能小編 手太大…）
▲ 機背鏡頭下方依舊有個凹位，讓手指可擺放在此。
▲ 機背用了霧面背蓋，比之前冇咁易印上指紋。
▲ 這次機身改用前置雙喇叭設計。
▲ 這次測試的屬 3G 雙卡版，但機背內依然提供 MicroSD 卡槽。
5 吋芒睇得更舒服
去年 Moto G 屏幕很細緻，但尺寸細睇字始終冇咁舒服。現在 Moto G 2014 屏幕增至 5 吋，雖然解像度不變為 720p，但細緻度唔見得大減，而且睇得亦比之前舒服。顏色方面，感覺同之代 Moto G 差不多，白色自然微微冷，但可視角度一樣咁闊，以平機來說屏幕質素相當不錯呢！
▲ 屏幕增至 5 吋，觀看文字感覺比之前更舒服自然。
▲ 擁有前置喇叭設計，睇片聲畫效果都比之前更佳。
規格不變、3G 版有得插卡
新舊 Moto G 推出相隔一年，但小編 比較失望是新機規格竟然不變，一樣搭載 Qualcomm Snapdragon 400、1GB RAM 及 8GB / 16GB 儲存空間，而電池亦維持 2,070mAh 容量，唯一慶幸的是這次 3G 雙卡版提供了 MicroSD 擴充設計，不像去年要等到 LTE 版才有。操作方面，預載 Android 4.4 及 Google 原生介面，操作極之順暢，機內亦會有數個 Moto 備份及輔助程式，幫助用戶把舊機資料轉到新機。
▲ 搭載 Qualcomm Snapdragon 400 處理器及 1GB RAM，於 Antutu 可錄打 18.338 分，成績跟上代 Moto G 差不多。
▲ 雙卡介面跟之前差不多。而小編 開了省電模式粗略試玩一日，係有打機情況下用了 7 小時仍有 60% 電量左右，續航力都算唔錯。
相機有進步！
Moto G 推出時曾經說過相機有唔錯表現，可是小編 就覺得好普通。來到 Moto G 2014 相機終於升級到 800 萬像素，前鏡頭亦有 200 萬像素，但拍片就維持 720p 不變。至於拍攝介面，這次會繼續用 Google 相機介面，即小編 最討厭的冇快門鍵的操作方式，幸好這次對焦反應比較快，操作感覺稍有改善。至於相片，像素雖高，但細節雜訊比夠明顯，感覺比 Moto G 進步，但感覺仍是普通水平。
▲ 機內繼續預載 Google Camera 拍攝介面，特色是不設快門鍵。
小編 ：「大部啲更好用！期待 4G 版」
這次 Moto G 2014 主要改動是升級至 5 吋屏幕，雖然規格驚喜不大，但有得加插 MicroSD 及前置喇叭都改善了使用體驗，而且售價維持 $1,798，價錢都算不過不失，唔知 4G LTE 版本又會幾時推出呢？
售價：$1,798
查詢：BrightStar（2980 8088）/ 3 香港（3166 2222 ）
