docomo 每季出機都總會有一兩部主題手機，而這次介紹的就係 2015 年首部 Disney Mobile SH-02G，驟眼睇佢同上次試的 SH-01G 非常似，唔知包裝裡面仲有冇咩特別驚喜呢？（以下有更多資料。）
添新色 主題特徵少
這台 SH-02G 其實算係 Disney 版本的 SH-01G，因此兩者機身非常相似，但 SH-02G 特別在於顏色多了粉紅及粉藍選擇，而機背亦印有米奇老鼠的 Logo，單純論機身唔太有主題感。至於配件，這次 SH-02G 感覺都比較「慳皮」，之前都有個底座玩下，但這次竟然只有一個「防塵塞」，當然 Disney 唔會咁「求其」，其實佢功用係用作提示燈，而且可在手機設定閃動風格及顏色，得意就得意，但感覺唔太滿足。
▲ 手感跟 SH-01G 相同，主要分別多了粉藍及粉紅色，而左下角多了米奇 Icon。
▲ 機背如常都有一些 Disney 主題的圖案，而這次則是米奇及美妮坐係度睇星星。
▲ 這次跟機並無太多配件，唯一是那個「防塵塞」。
▲ 「防塵塞」插入後手機會播放短片，而這個內有米奇圖案的「防塵塞」其實是提示燈一部分。
主題略欠新鮮感
SH-02G 當然內置 Disney 主題介面，風格都是把好多 Icon 都換成「米奇老鼠」樣子，同時還內置睇片或播片 App 等等，但比較失望的是 Wallpaper 選擇唔多，但慶幸的是鈴聲都有唔少新選擇，包括 Let It Go…（夠了！）。規格方面，機上配備 5.5 吋 1080p IGZO 屏幕、Qualcomm Snapdragon 801 及 2GB RAM，而且還備有 Ricoh GR 認證的 1,300 萬像素主鏡頭，基本上配置跟 SH-01G 相同，因此性能絕對毋須擔心。
▲ 這次 Disney Mobile 的主題介面，感覺比之前單調。
▲ 設定內特設「防塵塞」提示燈的選項，可以控制顏色及閃動風格。
▲ 畫面上驚喜麻麻，但鈴聲都有些新面孔。
▲ 鍵盤都換上 Disney 主題，但如果你唔打日文 / 英文就用唔著了。
▲ 機內配置跟 SH-01G 大至相同，都是搭載 Qualcomm Snapdragon 801 ，於 Antutu 成績大約有 38,500 分。
小編 ：略欠誠意 新色搭救
小編 唔係 Disney 迷（每次都講 …），但作為主題手機 SH-02G 的確俾人感覺唔夠驚喜略欠誠意，唯一比較討好是有新色選擇，但如果唔係 Disney Fans 咁可能考慮返 SH-01G 吧！
售價：$6,580
查詢：三禾電氣 (2374 0618 )
