講起摩天大樓，相信香港數量已經數一數二，不過人口多，到今日仍然有年青人買唔到樓；就算政府批再多地來起樓，但起樓都要幾年啦。短時間解決唔到問題？其實不難！有中國建築公司就提出以模組化方式建大廈，每日可以起三層，19 日就起好一棟 57 層高大樓，仲要比一般大廈建築環保！但問題係：起好咗，你敢唔敢住？
點解會環保？因為根據該公司表示，由於大廈用一塊塊模組式興建，其實就好似砌 Lego 咁，預先做好一塊塊大廈「Lego」，到現場只是用幾架吊機將一塊塊模組吊上去並穩固於大廈本體，就大功告成！據該公司表示，這種起樓方式唔只超快，而且可以減少 15,000 架混凝土車運輸、亦沒有揚起灰塵的問題。此外，大廈外牆有 20 公分厚，具備保溫作用，而且四層玻璃窗可為單位節能 8 成，令每年減少 12,000 噸二氧化碳排放量，所以官方就聲稱：「起一幢樓，等於種 66 萬棵樹」！
不過對於像小編呢種比較傳統思想的人，19 日就起好的樓，送比我都真係唔敢住啦。有冇 unwire 讀者敢住？不妨大家傾傾。
來源：YouTube
分享到 :
最新影片
