早前 Manfrotto 舉行了 2015 春夏新產品發佈會，除了相機腳架及背包，它們還有一系列 iPhone 6 及 6 Plus 拍攝配件，想知有乜用就入黎睇下介紹喇！
iPhone 6 / Plus KLYP+ 攝影手機殼
這次 Manfrotto 特別為 iPhone 6 及 iPhone 6 Plus 推出 KLYP+ 保護殼，但佢唔係一般保護殼，佢特色係可以加裝配件，包括外接鏡頭、腳架及 LED 補光燈。先說鏡頭，驟眼睇係街見到夾果o的差唔多，但 KLYP+ 最特別係直接把鏡頭以螺絲方式安裝到保護殼上，這樣確保鏡頭唔會移位出現暗角，藉此保持最佳光學質素。鏡頭選擇，除了基本廣角及魚眼 Manfrotto 還有 3x Tele、微距、偏光鏡及超廣角，令 iPhone 鏡頭變成可換鏡相機咁。
至於 LED 補光燈，大家睇圖唔好以為夾住個殼，其實保護殼 4 條邊都係路軌可將 LED 補光燈等配件裝上去，3 顆強力 LED 的補光燈亮度非常強 （225 Lumen），加裝一支已足夠拍片補光。不過，小編 現場就試過安裝 3-4 支補光燈到 iPhone 上，即使背光拍攝亦能完美「壓光」，但前提你要唔怕刺眼。
拍片利器？LUMIE 補光燈
LUMIE 是一款相機而設的 LED 補光燈，它會比 KLYP+ 流明度更高（最高 550lx），顯色率（CRI）亦可達 92%，並支持 USB 充電。通過配件 LUMIE 可安裝到相機 Hotshoe 或腳架上，而且還可加裝顏色 Filter 令色溫更彈性。
