小編就看過一條短片，有人「表演」如何用 5 分鐘就控制到鄰居的 Facebook ！「點解既？點解會咁既！？」是不少人的疑問。原來透過鄰居 rotuer 的安全漏洞控制了帳戶，很可怕喔！以下教大家簡單幾步就可以避免被駭了。
Elke 近日就買了一個新 router，捉咗我地 unwire 女同事 Bowl 一齊 set up。兩個女仔 setup 求求其其，好在有「高手」教路，到底要如何防止 router 被 hack 呢？
Elke：「Router 裡面無資料，求其 0-9 密碼啦」
不少朋友都知道 email、銀行密碼的重要性，但可能心諗 router 入面又沒有資料，密碼求其 12345678 就得啦。咁就大錯特錯了！求其的話就很容易被 hack 入，被盜取網上銀行、購物信用卡等敏感資料！所以 Router 的登錄帳戶、密碼，除了不要使用預設的 admin、12345678 之外，記得要改為複雜密碼，即是大小楷字母加數字，也可用上特別符號，例如 Abc123*。而 SSID 也不要用太常用的名字，不然網絡被錯誤進入時亦有資料外泄風險呢。
▲ Bowl：「Router 的密碼與銀行戶口一樣重要，記得唔好求其 0-9 就算呀。」
Bowl：「WEP、WPA 點樣揀？」
很多買了新 router 的人都遇過，加密應該是選 WEP 還是 WPA？好多人可能以為無分別，但原來 WEP 已經是 10 年前的古老技術，只要用沖個杯麵再食埋既時間，即是不用 10 分鐘就 hack 到了。其實現時大部份 router 都是用上更安全的 WPA2加密認證方式，大家記得用這個加密模式喔。
▲ Elke：「新型的 router 都用上 WPA2 這種更安全的加密技術，如果仲見到 WEP 就記得唔好揀呢。」
Elke：「Router 都要 update 咩？」
大家都知道平時手機、電腦等都要定期 update 下，加強安全性。其實 router 的 firmware 都要記得 update，因為廠商都會因應新發現的安全漏洞而推出新的 firmware。至於更新的方法，就記得參考 router 的說明書呢。
▲ Bowl：「每部 router 的更新方法也不同，記得參考說明書呢。」
立即睇睇Elke+Bowl 影片示範：
如果各位 unwire 讀者想進一步知道點提高 WiFi 安全，可以去到由 WTIA (香港無線科技商會) 與 PISA (香港專業資訊保安協會) 聯合主辦的「2015 WiFi 危機解密研討會」，費用全免，名額有限，快來以下網址報名喇！參加者仲可以獲得「線控自拍神器」一枝！
2015 WiFi 危機解密研討會
活動日期： 2015年7月25日(星期六)
時間： 下午2時30分 至 下午5時00分 (下午2時正開始接受登記)
地點：香港理工大學 Z座 Z209室
語言：粵語 (部分講義將為英文)
活動詳情：http://www.safewifi.hk/event2014-2.html
登記：按此 (免費入座，座位有限，先到先得，請從速登記)
