「Startup 根本負擔不起一個唔做野的同事！如果真係有個咁嘅人，根本唔會請佢返黎！」是的是的，Startup 的確唔應該花錢落呢種人身上，因為人係會互相影響，你的熱情感動不到他，反而會被他的負能量影響到！但如果咁不幸你真係請左個咁嘅同事返黎，咁點算好呢？
1. 了解事因
事出必有因，你當初請佢返黎一定係有野吸引到你，俾啲時間觀察下佢，睇下點解佢會變成咁，但同時唔好俾佢影響到你日常工作。如果你唔係老闆，只係同事，咁你都唔好報串住，做好自己啲野，睇定啲先。
2. 不要埋怨
如果你覺得好嬲，甚至覺得好唔公平囉，點解佢可以咁 hea 又一日，我做到隻狗咁又一日，咁你係時候調整自己心態，因為負面情緒係好影響工作效率，而且當你有咁嘅諗法的時候，會不期然俾說話嗰位同事聽，大家關係變差對成個團隊都冇好處。
3. 不要打小報告
幾時都係，打工又好，創業又好，打小報告真係好 cheap（sorry，我找不到更好的形容詞）。不是說你要縱容他，但總有方法可以圓滑啲同佢傾，當然直接講就最好，不過好可能會傷感情架嘛，如果人地真係有原因先會咁，就唔好啦。
4. 顧掂自己先
就算你同佢做嘅野幾類似都好，都唔好幫佢做佢負責的工作，做 Startup 已經夠忙，你係冇時間做埋佢個份架！但你可以提下佢幾時 Deadline，仲掙啲咩呀等等，俾啲壓力佢。
5. 怨有頭，債有主
真係出左事的時候，唔好俾佢逍遙法外，個客一定會「炸型」，但有鑊一定係一齊揹，大家一條 Team 無理由要你自己食晒。但如果佢真係咁唔掂，你係時候同佢傾下喇。
6. 理性溝通
有時眼見未為真，你覺得佢好 HEA，但實情可能係另一回事，同事可能真係冇偷懶，可能真係做唔掂，唔識做，或者佢地的時間管理做得唔好，你可以分享下你的看法或提出建議。而最壞的情況可能係佢有身體問題，個人或家庭出現狀況等等，呢啲時候就要有多啲同理心以及體諒，不要打擊他，因為可能會有反效果。
7. 預鬆啲時間
當個客俾 job 你的時候，先不要下巴輕輕應承人地，以及假設同事真係配合到你嘅 Timeline，預多少少「出血位」，你可以唔使成日逼迫同事，亦有機會爭取多啲時間俾自己，何樂而不為？
來源：Forbes
甚麼是 unwire.space ?
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了。
<詳情請按此>
分享到 :
最新影片
