Little Twin Stars 的粉絲都應該知道 Kiki 同 Lala 係平安夜生日。今年踏入 40 周年大日子，佢地決定係屯門市廣場舉行行生日派對。今日我依莉詩就率先帶大家睇下佢地 6大全新希臘神話造型啦！
屯門市廣場中庭一向都大，上年擺嘅 My Melody 已經非常靚。估唔到今年擺埋 Little Twin Stars 同樣浪漫，6大全新希臘神話造型，粉絲們想點影都得！
▲ 5個影相位都有一定距離，每一個都非常夢幻。
最大的影相位係中間的希臘神殿， Kiki 同 Lala 坐係正中央帶大家暢遊夢幻神話國度。影相同時唔好唔記得向隔離嘅星星許願池許願啊！
▲ 坐係 Kiki 同 Lala 隔離覺得自己都變得可愛咗啊！
▲ 旁邊有張 彩虹凳，情侶們可以坐上次影番張 sweet sweet 相呀！
希臘神殿前方， Kiki 同 Lala 化身帶俾人間幸福同希望帶的月神，坐上小船暢遊閃閃發光之七彩雲海，與你細訴心事，共賞皎潔明亮的月光。
右手面的 Kiki 同 Lala 以詩歌之神造型現身，Lala 為大家編製悠然音樂，靜候大家親臨表演舞台點播動人詩歌樂章。
既然係聖誕兼 Little twin Stars 的生日派對，又點少得美酒。以葡萄酒之神造型登場的 Lala 坐係巨型酒殿裝置旁為派對賓客調製出醉人特飲！
又美酒當然要有甜點，雲彩之神造型的 Lala，推住甜美的糖果車為大家送上綿花糖。
屯市幾乎每年都有一棵巨型聖誕樹係同一位置，今年都唔例外。由太陽神 Kiki 主管的巨型聖誕樹上面掛滿 Little Twin Star 掛飾，配合閃亮燈效，充滿聖誕氣氛。
▲鏡面的Little Twin Star掛飾雖然十分漂亮，但大家要愛惜公物，唔好拎咗去呀！
除咗影相位，只要係商場消費滿 $100 仲可以入去希臘神典欣賞奇幻美麗的極光星河，Little Twin Stars 會化身不同閃亮圖案現身，令粉絲如置身北極圈。
愛神 Kiki 係期間限定店門口與您邂逅。除咗 Sanrio 平時買到嘅精品外，更有多款日本空運到港之精品，包括潮流品牌 Crystal Ball 聯乘 Little Twin Stars 之「Kaleidoscopic Fantasia」系列產品及日本著名設計師 Kayo Horaguchi 為 Little Twin Stars 設計之產品如手提袋、布袋、毛巾及鏡子等，粉絲們定必搶購回家！
▲見到一雙一對的 Little Twin Star 毛公仔，真係好想攬晒番屋企。
▲潮流品牌 Crystal Ball 聯乘 Little Twin Stars 的「Kaleidoscopic Fantasia」系列產品。
▲ Crystal Ball 的袋配合 Little Twin Star 印花圖案，送俾少女們就啱晒，高貴又不失可愛 。
▲呢個透明罐用嚟放化妝綿應該唔錯。 $131.5
▲ 你估下杯的另一邊係邊個？$119.9
▲水樽就適合小朋友有番學啦 。 $66.9
▲ 仲有各款唔同大細同圖案的毛巾，夠晒實用。
覺得精品唔夠特別？只要係商場以電子消費滿指定金額就可以換到獨家精品，包括限量版 Little Twin Stars 行李牌、特大旅遊袋
或化粧袋等，其他地方無得賣架！
▲ 係場內任何兩間店鋪電子消費滿港幣 $2,000 就可以憑即日電子發票換領限量版特大手提旅行袋一個。
▲ 消費滿港幣 $1,000 元就可以換領行李牌一個。
▲而係兩間商舖以電子消費滿 $2,000元，其中一間為指定美容商戶就可以換領化粧袋一個。
屯市呢個場一向都大，上年 My Melody 已經夠靚，今年 Little Twin Star 一樣咁浪漫。影相位又夠分散 ，可以影到好多靚相，不過人流比較多，唔想有人攝鏡就要耐心等候。而極光互動遊戲幾特別，不過螢幕比較高，小朋友就未必夠高玩啦。至於精品方面，除咗有Sanrio 賣開的精品，仲有其他聯乘產品，算有d驚喜。不過我最鍾意反而係商場獨家的換領精品。
聖誕氣氛 ★★★★☆
必影指數 ★★★★☆
必玩指數 ★★☆☆☆
必買指數 ★★★☆☆
日期：2015年11月16日至 2016
地點：屯門市廣場 一樓中央廣場
