新一年送羊迎猴，馬騮們都傾巢而出，去各大商場同大家拜年，而 Sanrio 的馬騮仔 OSARU NO MONKICHI 亦唔輸蝕，去咗 The ONE 大派真 ‧ 蕉。我依莉詩亦被蕉味吸引，去到佢地的樂園。
4大影相位玩得「蕉」積
今次主要的影相位係 UG2 中庭，玩樂園佈景以黃色及粉紅為主調，馬騮仔著上一身應節棉襖係迴轉木馬等玩得「蕉」積。而最特別的是中庭安裝了香味效果，散發出一陣陣的香蕉味，睇得又聞得！
▲ 場內散發出一陣陣的香蕉味，唔知以為去咗蕉林啊！
1) 迴旋蕉 + 真‧滑梯
最左手面的裝置係迴旋木馬連滑梯，但你見到的唔係木馬，而係 天才CHIEO 攬住條蕉轉到頭都暈，至於隔離的滑梯短短地，不過真係瀡得架！不過小心噋親個 pat pat 呀！
▲ 天才 CHIEO 死攬住條蕉唔放，但唔知係咪轉得太耐，好似暈陀陀咁。
▲擁有兩道粗眉的熱血 DAIKICHI 不但可愛，新手仲好好添，表演緊踩金幣平衡絕技，非常強勁！
▲ 滑梯短短地，不過真係瀡得架！不過小心噋親個 pat pat 呀！
2) 香蕉錢罌
舞台正中有個巨型馬騮仔頭像燈箱，閃閃發光，非常可愛，而旁邊的馬騮仔駕駛香蕉車，
▲ 馬騮仔錢罌肥嘟嘟超可愛，好想成個搬番屋企啊！
3) 香蕉小屋
另一邊百厭馬騮仔化身財神到香蕉小屋拜年。今年屋主 笑臉 ONSUKE 一定家肥屋潤，金銀滿屋姐！
▲ MONSUKE 一見財神 OSARU NO MONKICHI 拎住香蕉形金元寶拜年，開心到見牙唔見眼啊！
4) 放大版扑傻瓜機
被叫「傻瓜」的感覺可以令人甘心就兵。唔知係呢部放大版扑傻瓜機入面被女神 MOMOCHAN 扑傻瓜感覺又係點架呢？
▲ 女神 MOMOCHAN 換上紅噹噹的賀年衣裳，
▲ 馬騮仔仲係上高同佢地打鼓助慶添！
▲ 臨走前記得去埋地下露天廣場同手持爆竹的馬騮仔手持爆竹影番張靚相啊！
▲ 雖然今次無 Pop-up Store，不過粉絲都唔洗失望，只要以電子貨幣消費滿指定金額，就有機會免費換領限量版 OSARU NO MONKICHI玩樂咕???? 或者「蕉」財利是封啦！
依莉詩點評
今次呢個展覽唔算大，得 UG2 中庭的擺設睇得下，地下露天廣場就得一隻，而且無 Pop-up Store，不過 Sanrio 呢隻馬騮仔都算稀有，唔係猴年都未必出嚟，所以粉絲們點都要去潮聖啦！
新年氣氛 ★★★★☆
必影指數 ★★★☆☆
The ONE‧OSARU NO MONKICHI 蕉財進寶玩樂園
日期：1 月 24 日至 2 月 28 日 (上午 10 時至晚上 10 時)
地點：The ONE UG2 中庭及地下露天廣場
