一年到尾，最重要就係餐團年飯，不過下下食鮑、蔘、翅、肚都幾悶，不如今年搞搞新意思，試下以｢島人參｣、｢沖繩福丸豚｣、｢海葡萄｣等，沖繩的時令食材入饌的美食丫！
1) 沖繩島人參海葡萄沙律
新年都預計到會食好多油膩嘢，可以先食個沙律清清腸胃。呢個沙律用咗島人參同海葡萄配多種野菜，簡單多嚟又開胃。海葡萄啖落一粒粒，口感似魚籽，但沒有腥味，非常特別。至於島人參雖然只係蘿蔔的味道，不過幾爽脆，配埋柚子汁特別醒胃。
售價：$48
好味道 ★★★★☆
▲ 海葡萄又被稱為綠色魚子醬 ，係沖繩的特產，綠色小顆粒，爆開會散發出海味的芳香。
2) 極上沖繩本部和牛刺身
雖然話唔食鮑、蔘、翅、肚，但團年飯都唔可以太 cheap 。如果唔怕食生嘢，可以試下呢味和牛刺身，以肉脂分布比較平均的西冷部位做成。因為未煮過，油脂味唔會太濃烈，反而更能食得出和牛鮮味，雖然未去到入口即溶，但食落無筋，好易入喉。
售價：$168/10片
好味道 ★★★★☆
3) 沖繩島人參米網卷
同樣以島人參入饌，不過呢味以中式做法。以米網紙包裹島人參同新鮮蝦膠，口感香脆，就好似春卷咁。
售價：$28
好味道 ★★☆☆☆
▲ 炸咗之後，島人參的味道唔會太出，可以令唔鍾意食蘿蔔的小朋友更容易接受。
▲ 島人參係沖繩本地品種的胡蘿蔔，最佳時令為 11 月上旬至 2 月下旬，體形細長，淡黃色，味道有淡淡的甘甜。
4) 沖繩福丸豚肉腸拼本地鴛鴦腸蒸飯
冬天梗係要食煲仔飯，但此煲仔飯唔同彼煲仔飯，重點就係臘腸同膶腸之外的第 3 條腸。呢條以福丸豚做出嚟的腸肉質較鮮甜，而且因為福丸豚以甘庶和紫薯芋為主要飼養食糧，所以脂肪分佈較為平均，亦更健康。
售價：$85
好味道 ★★★☆☆
5) 沖繩阿古豚豬手
除了福丸豚，阿古豚係沖繩亦非常有名。因為阿古豚保留沖繩本島北部原生野豬血統，牧場以穀飼放養，所以佢的豬手鮮嫩肥美，以汁燜製後，外皮含大量膠質。睇落好似好油膩，但食落味道香濃，入口即溶。
售價：$68
好味道 ★★★☆☆
6) 水雲小丸子
水雲係沖繩一帶珊瑚礁的褐色海藻，由於它質地柔軟，
售價：$48
好味道 ★★☆☆☆
依莉詩後感
團年飯其實食咩都唔緊要，最緊要一家人有機會聚埋一齊傾下計。當然，美食都係一個好好的話題啦。今次介紹的幾款食材平時都好少見，試完好想即時飛去沖繩遊番轉。
(1)、(2) 日和号壽司料理 (九龍灣宏照道38號 Megabox 10樓5號舖)
(3)、(4) 龍德樓 (荔枝角深盛路8號碧海藍天 AEON 超級巿場店地下 L005 號舖)
(5) 、(6) 鳴門魚市場居酒屋 (旺角染布房街12-14A依利大廈地下B號舖)
