奧斯卡就係尋日正式揭曉咗，而被稱為「偽奧斯卡」嘅金酸莓其實早係 2 月 27 日（亦即係奧斯卡前一天）已經公布釋出。今年最爛影片由《格雷的五十道陰影》和《神奇四俠》奪得，而《格雷的五十道陰影》最終更獲五個獎項成為咗今屆大嬴家。
今年大嬴家為《格雷的五十道陰影》，成功包辦五個獎項，包括：最差男主角﹑最差女主角﹑最差劇本﹑最差銀幕組合，以及最受重視嘅最爛影片。今次獲提名「最差男主角」嘅有常客 Adam Sandler ，仲有 Channing Tatum ﹑ Kevin James 以及 Johnny Depp 。不過今年 Jamie Dornan 憑住係《格雷的五十道陰影》「精彩」嘅演出獲得咗最差男主角之名。而今年最爛影片就由《格雷的五十道陰影》以及《神奇四俠》同時跑出。
以下係金酸莓獎 2016 獲獎名單：
最爛影片：《格雷的五十道陰影》、《神奇四俠》
最爛男主角獎：《格雷的五十道陰影》Jamie Dornan
最爛女主角獎：《格雷的五十道陰影》Dakota Johnson
最爛男配角獎：《木昇戰紀》Eddie Redmayne
最爛女配角獎：《鼠來寶：鼠喉大作讚》《伴郎友沒友》凱莉庫柯
金酸莓救世主獎：Sylvester Stallone
最爛銀幕組合：《格雷的五十道陰影》 Jamie Dornan & Dakota Johnson
最爛導演獎：《神奇四俠》 Josh Trank
最爛劇本：《格雷的五十道陰影》
最爛前傳、重拍、惡搞及續集電影：《神奇四俠》
