香港居住環境細，可能唔少 wire 民都同小編一樣只能夠「屈」係鍋居之內，唔好話擺部電腦，好多時想放張大啲既床都未必夠位，所以市面上先出現唔少以體積細小為賣點既 miniPC。不過好多時呢類 miniPC 體積上細就細，但要放棄效能和擴充性，部份 miniPC 既效能可能比平板電腦還差，勉強只可以用於文書或睇 YouTube。如果各位 wire 民非要用 miniPC 不可，又是否一定要犠牲效能和擴充性呢？
唔同 Configure 任你揀
市面上既 miniPC 選擇其實唔多，當中絕大部份更只有一個規格，所以近年先會越來越多人選擇自行組裝 miniPC，但選擇 miniPC 都是貪其機身體積細，缺點係可選擇的硬件唔多。ASUS 這次推出的 VIVOMini VC65，便提供硬件選配組合，例如處理器都是最新 Intel Skylake，分別有 Core i3-6100T 和 Core i5-6400T，而記憶體則由4GB 起跳，最高可擴充至 16GB。
▲想要較高效能就可以揀用 Core i5-6400T 同 16GB RAM。
內建火牛超慳位
VIVOMini VC65 體積不算大，而且仲用上新一代處理器，好可能各位 wire 民都諗洗唔洗要「拖」住隻火牛呢。答案係唔需要，因為 VC65 採用內置火牛設計，就算要拎出街用，只要帶條電線就攪掂。
▲成部機大約只有 6 張八達通大小，完全適合香港居住環境。
相關文章:
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
最多可以放 4 隻 SSD
今時今日，無論用 Desktop 定 Notebook，好多人都會選擇用 SSD，始終 SSD 無論讀寫速度同穩定性都比硬碟優勝。市面上部份 miniPC 為了進一步縮減體積，都會用快閃記憶體代替 SSD 或硬碟，最大缺點係速度唔快而且容量少，好多時裝完個 Windows 10 已經裝唔到其他軟件，更唔好講要裝 Game 喇。ASUS VIVOMini VC65 絕對令大家有驚喜，大家最多可以裝 4 隻 2.5” SSD 或者硬碟，要速度可以 4 隻 SSD，如果想平衡一啲，就可以 2 隻 SSD 搭 2 隻硬碟，呢方面確實相當具彈性。
▲用左 SSD 只要 10 秒就可以開機入到 Windows 開始用，抄 File 更有接近 80MB/s 既速度，比起用 HDD 只係得 35MB/s 足足快左一倍。
4K 一樣無問題
揀得 miniPC 好多時都未必係 PC Game 發燒友，最大用途除上網或文書工作之外，睇戲都應該係 miniPC 既最主要用途之一。小編就試下播 4K 片，雖然無獨立顯示卡，但處理器內建既 Intel HD Graphics 530 其實支援 Intel ClearVideo 硬解，所以播起 4K 片都相當順，而且唔會佔用好多處理器既 Resources。咁要有「真‧4K」既話，機身上亦分別有 HDMI 同 DisplayPort，只要駁返落電視或者電腦熒幕就得，如果部電視無 HDMI 都唔洗驚，因為仲有 VGA 可以對應舊標準，仲可以駁多個 Mon，實行邊睇片再開多幾個網站處理工作都一樣無問題。
▲4K 影片測試相當流暢，同時只佔用約 20% 處理器資源。
有線無線任你揀
miniPC 好多時都會將部機放唔同位置用，如果上網仲要駁 LAN 線就相當唔方便又唔夠「靚仔」，VIVOMini VC65 雖然外型上就見唔到有 WiFi 天線，但其實已經有 Gigabit LAN 和 802.11ac，想方便既就梗係用 WiFi，如果要穩定同更快速度就可以選擇用返 LAN 線，而且經測試 WiFi 無論速度同穩定性都相當高，串流睇片甚至玩 Online Game 都無斷線，各位 wire 民完可以放心。
▲機身前方亦有 2 個 USB 3.0 介面，用家更可選擇配備 DVD RW 機版本，但只可最多安裝 2 隻 2.5″ SSD 或硬碟。
擴充介面夠齊全
稱得上 PC 用果時當然要駁返 Keyboard 同 Mouse，VIVOMini VC65 機身背面就有 2 個 USB 2.0 可以駁 Keyboard / Mouse，或者駁 Printer 都得。如果要連接外置硬碟或 USB 手指，除左機身背面有 2 個 USB 3.0 之外，機身前方亦同樣有 2 個 USB 3.0，擴充介面絕對比得上一般 Desktop PC。
▲採用內建火牛設計，配備 HDMI、DisplayPort 同 VGA 輸出，亦有其他 3.5mm I/O 及 Gigabit LAN。
相關文章:
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
打機究竟又得唔得？
其實試 Game 之前，相信大家都會同小編一樣唔會抱有好大期望，唔好話玩 Division 呢類第一身射擊 Game，就算可能較簡單既 Games 都未必應付得到，但抱住一試無妨既心態，一於 Download 隻 Division 同 Heroes Of The Storm 試試。Division 嚟講只要用 Windows Mode 再將個解像度 Set 落 1024 x 720 同關閉所有特效，平均勉強都仲有 15FPS，話好順暢就唔算得，但起碼叫玩到既。至於好似 League of Legends 同 Heroes Of Storm 呢類電競遊戲，對流暢度既要求就較高，唔係 LAG 一 LAG 就已經玩完，經測試只要關閉所有特效情況下，就算開到 1920 x 1080，都可以保持 45FPS 以上，所以話 VIVOMini VC65 用嚟打機都得！
▲估唔到 Division 都可以有 15FPS，雖然唔算順但入到 Game 都叫好有驚喜。
▲Heroes Of The Storm 係 1080P 解像度下，平均有 45FPS 以上，比起唔少入門顯示卡仲要高。
手機相/片/歌直送電視—ASUS Media Steamer
好多人返到屋企唔想再用手機，都可能是因為手機熒幕實在太細，只要利用 ASUS Media Streamer 手機應用程式，就可以將手機內既相片、歌曲甚至是影片，即時透過 WiFi 傳至送 VIVOMini VC65 並進行播放，試過就算 4K 影片，只要屋企個 WiFi 夠快都非常之流暢，完全唔會「窒下窒下」。
▲係手機或者平板打開 ASUS Media Streamer＞可以選擇串流音樂、影片或相片，再係 Play to 揀返 VC65 就得。
▲只要 1 ~ 2 秒就可以係電視或者熒幕上面睇片、聽歌或者睇相，仲可係手機上面操控。
手機當埋遙控—ASUS Wi-Fi GO!Remote
除左 Media Streamer 之外，大家仲可以利用另一套叫 Wi-Fi GO ! Remote 既 App，入面所提供既功能更加多，例如可以將手機同 VC65 既檔案雙向傳送，亦都可以將手機當 Keyboard 同 Mouse 用，真係連藍牙鍵盤滑鼠都慳返。如果大家覺得用虛擬滑鼠反應未夠好，仲可以用入面個 Remote Desktop 功能，將 VC65 既電腦畫面即時係手機熒幕上面顯示，直接用手指操作就更快之方便。
▲手機只要連接至同一個 WiFi，開個 App 就可以即時搵到部 VC65。
▲入面可以遠端控制電腦、手機當鍵盤滑鼠用、傳送接收檔案等等。
▲只要用 WiFi 就可以 Send File 非常方法，完全唔洗用 USB 線，而且傳送速度都算快。
▲唔想用有線/藍牙鍵盤滑鼠，WiFi Go!Remote 可以將手機變埋 VC65 既鍵盤滑鼠。
點砌先最好 ?
講到最尾，ASUS 呢部 VIVOMini VC65 有唔同既選配，如果各位 wire 民想入手又應該點揀呢？如果大家諗住用嚟做文書、上 Facebook 或者睇 YouTube 同 4K 片，其實揀 Core i3 版本同 4GB RAM 都好足夠，搭隻 64GB SSD 同 1TB HDD 就好夠用。如果真係諗住會用嚟打下機，咁揀 Core i5 版本同加大 RAM 至 8GB 就唔少得，如果 Budget 容許既話，打爆 16GB RAM 日後仲唔洗煩升級，由於要令 Game Load 得快啲，所以 128GB SSD 係最基本，想用盡 4 隻 SSD 既話，就要放棄 DVD ROM，但相信今時今日無咗個 DVD ROM 都唔會有咩影響。
查詢：ASUS（3582 4470）
相關文章:
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
分享到 :
最新影片
