淘寶已經成為不少香港人購物的主要集中地，在這類購物平台上可以輕易找到所有食衣住行物品，甚至是部份較冷門的如:電子零件、汽車配件一樣找得到。因為香港不屬包郵地區，以往淘完貨送貨都要花不少運費，隨住運費不斷上升，直接令到淘寶的成本增加，在選購幾十蚊貨的性價比大幅降低。近年，淘寶集運服務非常盛行，今次 unwire 介紹的「轉運四方」集運，方便、快捷，而且付款容易，仲有5 折優惠碼 (unwireips) 送畀各位 WIRE民，想學點集運同埋攞優惠就要睇以下文章啦！
相信唔少 wire 民都有上過淘寶或者天貓呢類網上購物平台，講真好多喺香港舖頭買到嘅貨，其實都喺國內產品，但由於香港舖租人工雜費等等，好多時就令到一件本來 $100 嘅貨，喺香港可能要俾多 50%~100% 價錢先買到，而且唔少較冷門嘅產品，喺香港都未必咁容易搵到。不過以前每次淘完寶，運貨嘅時候都會同賣家傾點運最好，而好多時都會選擇「運費到付」嘅方法，但隨住最低運費不斷增加，如果只喺買一兩件貨，就隨時出現運費貴過貨嘅情況，到最後係淘寶買嘢就未必可以最平最抵，所以亦都有唔少人會同朋友 Share 運費或者攪團購，但始終好難次次都搵到人同你一齊夾份訂貨。
如果每間舖買野都選擇獨立送嚟香港，運費逐間計都幾襟計 ！正所謂少數怕長計，如果大家成日淘寶，如果可以慳到運費，慳慳埋埋都好多錢。集運可以幫大家慳返每次獨立運送嘅運費差額，佢個運作原理好簡單，就喺先將唔同舖頭買嘅貨，集中運送到國內嘅集運收集站，當集齊到一定重量或者數量嘅貨之後，再一次過送嚟香港。好處就喺集運一般採用重量計算，當超過首 1kg 重量（簡稱：首重）之後，便會按後續重量（簡稱：續重）增加運費。以往如果喺 10 間舖頭買 10 件衫，傳統方法就要分開俾 10 次由國內送到香港嘅運費，而採用集運，配合好多店家提供內地免郵的優惠，變相就可以只俾一次由國內送去到香港嘅運費，隨時可以慳返超過一半運費！
既然集運可以幫大家慳唔少運費，咁究竟點揀集運公司最好呢？可能各位 wire 民都聽過唔少集運公司職員喺送件或處理貨物時較粗暴，如果買咗易碎品都幾頭痛。「轉運四方」呢間公司所提供嘅集運服務都好全面，例如有齊港人習慣網購既國家，包括美國、韓國以及國內都可直接集運送到香港，而且佢哋係國內東莞更有 1 萬平方米嘅倉庫，可以接受各種網購平台嘅貨品，咁大家無論買咗幾多嘢，只要先集中送去佢哋個集運點，就可以一次過送返嚟香港。
用得集運好多時都唔止運一樣嘢咁簡單，而「轉運四方」就以重量嚟計算運費，若果由國內送到香港，首重為 1KG（$19(送貨上門)/$13(自取)），超過嘅話就每 500G 計算（$5(送貨上門)/$4(自取)），所以做個精明消費者，喺集運之前就最好先計好重量，用到最盡先最抵。如果大家選擇送貨上門嘅話，佢哋仲有貨物出倉起計，3 日就可以送到去大家門口，不過部份住宅地區同偏遠地區有可能要另外收取附加費。如果大家住嘅地方真係唔喺送貨範圍，就可以選擇自取服務，香港仲有 3 個自取地點可以選擇，只要出示 SMS 就可以拎貨，唔洗身份證明文件，咁就可以搵朋友幫手拎都一樣無問題。到咗香港之後，仲有 15 日免倉租期，咁拎貨就更有彈性。可能大家都會好擔心件貨嘅去向，只要上網就可以即時 Check 得到，更有專屬客服全程幫大家追蹤貨物去向，咁就唔洗擔心中途失蹤。
既然集運可以幫大家慳唔少運費，但點解大家仲唔用呢？可能各位 wire 民覺得集運好複雜，其實基本方法同平時喺網購買嘢一樣，只係將個運送地址改做集運地，之後再去「轉運四方」度入返少少資料同埋揀自取定送貨上門咁就攪掂，以下就用天貓做示範。
▲首先大家要去「轉運四方」登記帳號，在「完善個人訊息」之中添加「真實姓名」，呢度大家未必真係要入真姓名，之於下面有選項叫大家上傳身份證明文件，其實可以略過。
▲之後再去「我的海外倉庫」，如果喺國內購物再送落香港，揀完「中國集運東莞」再揀「中國大陸集運至香港 IPS」，就會自動產生一組個人專屬嘅 Fist Name 同埋 Last Name，仲有集運倉的地址同電話資料。
▲之後大家就可以如常咁去各個網購平台，揀啱所有要買嘅貨品。
▲輸入收貨地址嘅時候，就入返「轉運四方」拎到嘅東莞倉地址，而收貨人姓名就記得打返頭先拎到嘅 Fist Name 同 Last Name，中間記得加個空隔！
▲跟住就可以核對返所有資料，例如貨物同收貨地址等等，無錯就可以提交訂單。
▲之後就等賣家出貨，就會見到一個物流單號。
▲跟住就可以去「轉運四方」登記新帳號，再揀「+新增包裹」。
▲之後就揀返入庫倉為「中國大陸」，至於目的地當然揀返「香港」。
▲之後喺下面揀送貨（IPP）或自取（IPS），如果揀自取下面就有屯門、觀塘或旺角可以揀。
▲之後可以隨時入喺「我的包裹管理」查返入庫狀態，當全部貨都到入庫後就可以俾錢出貨。
又有好嘢益各位 wire 民，大家只要喺 25-29/4 就可以上去「轉運四方」網站度兌換優惠卷 (如下)，可以獲得首次中國送香港運費 5 折優惠券。當大家用完 5 折優惠之後，仲有第二浪優惠，就喺第二個月 1 ~10 號，系統就會再送多 $10 優惠券俾大家下次使用。
五折碼：unwireips
折扣碼說明：
1、折扣碼領取後啟動方可使用，支付時於付款頁面直接勾選該折扣券訂單即享 5 折折扣
啟動流程：複製五折碼>登陸/註冊轉運四方>我的轉運>我的優惠券>貼上>啟動
注意：折扣碼一經啟用即形成優惠券，優惠券只能在轉運四方平台使用！
2、折扣碼適用於中港 IPS/IPP 線路，啟動後 X 天內使用有效，啟動使用後即作廢
3、5 折碼不可與其他優惠券同時使用
4、僅適用於首次使用轉運四方集運出口服務新用戶
「轉運四方」網址：點按此
