以往喺香港等巴士絕對係一件痛苦的事，因為永遠唔知道幾時會有巴士到，所以往往都要預留多一點時間等車。不過自從九巴推出了到站時間查詢功能後，就為市民帶來更多方便。而來好快香港島的居民亦有福了，因為城巴今日就宣佈將展開「實時抵站查詢試驗服務」，以後出街返工返學搭巴士就可以更容易預時間了。
據城巴公開的資料顯示，由 6 月 1 日起他們將會展開「Next Bus」實時抵站查詢試驗服務，而首階段支援路線將會有 8 條，包括有 11、12、12A、12M、25A、43M、76 及 511 號。乘客只需要透過「新巴城巴 CitybusNWFB」應用程式或網頁，即可以查詢到上述路線的預計到站時間。留意城巴早於 2013 年就為機場快線巴士提供這項服務，當中每部巴士上都會安裝 GPS 定位裝置，並會結合即時路面情況，從而再估算出巴士的到站時間。
此外，城巴同時亦宣佈香港島及過海巴士的新專營權亦將會於 6 月 1 日起生效，而同日起他們將會增加 31 項轉乘優惠，新優惠包括有 7 項加強港島區網絡效率、12 項來往新界/深圳灣口岸至市區、8 項轉乘計劃加強連接港島區內路線、3 項加強港島接駁城巴機場快線的八達通轉乘計劃，以及 1 項現有轉乘計劃提供更低的優惠票價等，而上述的票價優惠每程由 1.2 元至 8.8 元不等。
來源：城巴
