現時各大電訊商都取消了 4G 無限上網計劃，但對好多人來說，都未必會經用手機上網或睇片，尤其對於好多長者或學生來說，每個月 1GB 用量都未必用得盡，白白浪費剩餘數據又要每個月俾足月費。市面上現時的預繳卡，大部份都只有 180 日期限，如果有一張預繳卡可以有更長有效期就會更方便。
啱晒學生長者訪港人士
自從香港的電訊服務商相繼取消 4G 流動無限上網服務計劃後，相信都改變咗唔少 wire 民上網的習慣，始終 1GB 真係唔多夠用，而 6GB Plan 就已經要成 $300，對於部份學生或者長者來說，智能手機最常用功能可能是與家人 WhatsApp 或上 Facebook，如果唔串流影片或下載遊戲的話，每個月其實都未必用得盡；又或者不少經常訪港的旅客或商務人士，選擇本地的月費計劃亦唔化算，而儲值卡都是這類用家的最佳選擇。信京電訊推出一款「華龍 4G 電話卡」，賣 $168 就有 2GB 本地數據同 1000 分鐘通話，而且有效期仲長達 1 年，睇落好似幾著數。
$0 行政費夠吸引
講到儲值卡，好多人都會去 7 仔或者街邊檔買，只要睇返收費內容，好多儲值卡其實每個月都要扣除 $2 – $3 所謂的「行政費」，所以好多時就算唔係點用，唔經唔覺餘額都會被扣盡。「華龍 4G 電話卡」當中的 $0 行政費就可以幫大家慳返少少，唔好睇少呢幾蚊，萬一緊急要用電話先發現餘額不足都「幾頭痕」。除咗 $0 行政費之外，這款預繳卡的另一個賣點就是有超長 365 日有效期，比起市面上其他預繳卡最長只有 180 日更具彈性，可以減少因要延長有效期而定時增值的不便。
$168 包啲咩？
市面上各間電訊商都有推出唔同的儲值卡，這款「華龍 4G 電話卡」賣 $168 睇落好似貴過其他只是幾十蚊的儲值卡，咁究竟這款儲值卡會有咩服務？一經啟用就會收取 $148 的服務計劃，當中包括了 2GB 本地 4G 流動數據以及 1000 分鐘本地及中國 IDD 通話，如果打中國固網是完全免費，至於打去中國流動電話則是扣除本地通話分鐘，如果超出用量則收取 $0.2/分鐘 (更正*如果打中國固網及手機都只是扣除本地通話分鐘，如果超出用量則收取 $0.2/分鐘)。可能唔少人都會有一個「靚冧把」用咗好耐唔想轉，只要到他們門市（暫時只有銅鑼灣店）就可以申請帶號碼轉台，無需擔心又要開多個新號碼再飛線咁麻煩。
真 4G 無限速？
今時今日如果仲叫大家用 3G 上網真係接受唔到，唔好話串流睇戲，就可能睇 Facebook 都有排 Load，「華龍 4G 電話卡」根據官方資料就話會採用 CMHK 網絡，可提供真正 4G 速度，為了一試它的實際速度，小編分別於港島（灣仔）、九龍（牛頭角）、新界（天水圍）以及地鐵站內（北角）作實地測試。測試方法除了用 OFCA Speed Test 之外，更會嘗試串流 ViuTV 節目。
港島
九龍
新界
地鐵站
當插入 SIM 卡後，網絡供應商顯示為 Shinetown，而網絡速度則顯示為 4G，而在部份位置更可顯示為 4G+，但實際速度才是重點。經測試，基本上它的下載速度都接近 40Mbps 或以上，即時串流劇集都非常之快，唔洗等慢慢 Cache 又唔會窒。至於上傳速度就大約只有 10Mbps，如果只是 Upload 相到 Facebook 或 WhatsApp 的話，都唔會有太大影響。至於地鐡站測試，雖然同樣可以收到 4G，但實際速度下降至 4Mbps，就算 Load Facebook 都較耐甚至要試多幾次，要串流睇片就最好預先 Load 定，唔係等到落車都未有得睇，呢個情況同其他電訊商差唔多。
隨時添食 仲有月費計劃
雖然用得儲值卡都未必是高用量用戶，而 2GB 數據或 1000 分鐘通話時間始終有用盡的一日，這款電話卡則有彈性的增值計劃。當中的「添食計劃」就是針對即時增值，例如 $188 可額外增加 5GB 數據或 $68 增值額外 1000 分鐘通話時間。儲值卡亦會有期限，只要在臨到期前購買全年計劃，即可延長有 365 日有效期。不過最吸引可算是當中的「月費計劃」，例如 $188 就有每個月 5GB 數據及 500 分鐘通話時間，比起不少電訊商的 4G 月費計劃還要便宜，當然選擇月費計劃的話，每個月未用完的數據及通話時間都不能累積至下個月。
多種增值方法 隨時 Check 用量
儲值卡其中一個相對不便的地方就是要定期進行增值，尤其是打算使用月費計劃的話，就必需確保賬戶內有足夠金額才可自動延續服務。它亦提供了多種常見的增值方法，無論是透過官方網站、增值券、7-Eleven 買增值券、PPS、ATM、信用卡以至透過網上銀行都可以隨時進行增值，這方面絕對不比電訊商差。如果大家不是選擇月費計劃又或者擔心數據同通話分鐘就快用完，就可以透過電話輸入不同的快捷碼，隨時查詢剩餘用量，又或者透過 *777 專線可以隨時更改不同的服務計劃。
辛尼評語：5GB Plan 抵過上台
自從取消了無限 4G 上網計劃，唔少人都已經改變了上網的習慣，例如在可行的情況下，都會預先用 Wi-Fi 下載影片外出觀看，以減少日常使用的數據流量，但始終難免有時外出仍要下載較大的檔案。今次實測過「華龍 4G 電話卡」，速度上大部份地方都收到 4G 仲有 40Mbps 的下載速度，絕對唔會比其他網絡差，當中小編就覺得 5GB 月費計劃唔洗 $200 就最抵用，仲無需簽約彈性更大。
查詢：信京電訊（8108 4008）
分享到 :
最新影片
