而家嘅科技愈嚟愈普及，睇嚟第時送嘢俾女朋友，唔使再買 Pandora，買部 3D-Printer 就得喇。因為喺台 Computex 場內已經有廠商展出用 3D-Printing 製成嘅飾物，外型仲幾可亂真添！
講到 3D 打印，呢一年發展算是相當之快，產品技術越來越成熟，而且印出嚟嘅 3D 物品好多時係望落去都同實物無咩大分別。就好似 XYZ Printing 展區內，就展示咗一批採用 3D 打印機 Print 出嚟嘅飾物，係燈光之一，飾物由反光位到 Detail 上都同真正飾物唔係有好大分別，當然一拎上手就自然會發覺到質感有所唔同，將來或者大家都可以喺屋企自製小飾物，連淘寶都慳返。
