如果大家平時並非經常入廚房煮餸，相信揸起菜刀應該會幾頭痕，除未必切得齊整外，亦需要小心翼翼慢慢切，以免錯誤切到手指。有見及此，有廠商就決定設計出一款更方便的廚具 Clever Cutter，並直接將菜刀及砧板給合起來變成一把剪刀，睇完片後包保大家都會話方便。
老實講平時在砧板上切材料，如果不太熟悉如何借力，切起來的確會有點困難。不過 Clever Cutter 的出現似乎就正正解決這個問題，而且其設計亦相當簡單，剪刀的其中一邊是一把菜刀，而另一邊則是一塊小型長砧板。使用者只需手握食材一端，然後便可輕鬆將之剪（切）開一塊塊，加上無需再搵位擺砧板，即使廚房狹窄唔夠位都可使用。
此外，Clever Cutter 的另一好處是可以直接在煮食鑊或煲上直接切食材，無需再將食材搬來搬去，可以節省更多時間及避免掉落地面。另一方面，Clever Cutter 的刀刃部份主要是由不銹鋼製造，確保耐用及不會變形，細小體積可以放入洗碗碟機內清洗，而手把位上亦設有一個安全鎖，以防不使用時發生意外。Clever Cutter 目前已經發售，而且價格亦相當親民，每把只需 19.99 美元（約 155 港元），相信大部份人都負擔得起。
來源：CoolThings
