今年的 MWC，引來最大迴響的，竟然不是各大品牌的旗艦新機，而是昔日電話「王者」：Nokia；而最有趣的是，最有 noise 的一部，竟然並非 3 部新的智能電話，而是一部復刻版的功能型電話！無它，因為這部電話，挾著昔日 Nokia 3310 這部超經典機款的大名，自然備受大家注目。究竟今次這部 Nokia 3310 復刻版有幾正？友站《電腦王阿達》都有在現場親試，而家就同大家分享一下試後感啦。
奪目顏色夠搶眼！靚唔靚見仁見智
原版 Nokia 3310 其實早在 2000 年時推出，當時確實引起一輪搶購熱潮，畢竟外形靚加上 Nokia 一向擁有造工好的優點，自然大受歡迎。事隔 16 年半，Nokia 為這部經典王牌推出復刻版，在這個智能電話已成主流的世代，3310 復刻版仍然是一部功能型電話，所以唯一可以做的，就是以奪目機身顏色搶灘，希望吸引到大家的眼球。事實上，Nokia 3310 復刻版的紅、黃等色系，都是十分吸引眼球，加上少少中間肥頂底較收窄的設計，確實有當年 3310 少少影子。不過今次的顏色是否靚？筆者就覺得見仁見智了，始終它就算用幾搶眼的顏色，但外殼始終是膠殼，大家在千頭已經可以買到金屬外殼的入門級智能電話的今日，仲會唔會用 3、400 蚊買部只支援 GSM 雙頻的功能型電話？這就真要看大家對 Nokia 有幾「大愛」了。
▲除了較搶眼的紅、黃機身外，亦有較傳統的黑、灰白機身。
▲機背都會與機面一樣顏色，不過用料是最一般的塑膠外殼，但都無法啦，3 百幾 4 百的入門功能型電話，係咁上緊架啦。
▲與以往的功能型電話一樣，除了有 T9 鍵盤外，亦有熒幕與 T9 鍵盤中間的 4 組按鍵（左至右）：通話鍵、方向鍵（中間按鍵外框）、決定鍵（中間按鍵）及收線鍵。另外收線鍵亦是開關電源按鍵。
▲機身方面，頂部為 Micro USB 插槽，而底部就是 3.5mm 耳機插孔。
▲至於機身左右側，就一如既往都係無按鍵的。
▲相比當年的 Nokia 3310，復刻版機背有個 200 萬像素的鏡頭，呢個分別係大。但在今時今日基本上電話的鏡頭都以千萬像起跳，200 萬像素嘛……
▲作業系統方面，自然不是甚麼 Android 乜乜乜，而是 Nokia Series 30+，可說是繼承自以往的 Symbian 低階作業系統。
▲內置了多款遊戲畀大家玩，唔少都係智能電話上面幾有名，例如：Asphalt 6、Doodle Jump 等。不過相信大家最期待的，應該還是下面這款遊戲吧？LoL
https://www.facebook.com/unwirehk/videos/10158531853405495/
不過大家，尤其是對這部復刻版 Nokia 3310 的 wire 民就要留意了：一來部機唔知幾時在香港推出（或唔知會唔會係香港出），二來此機只支援 GSM 雙頻，而且還是 2G，即是大家要在 2017 年體驗十幾年前的斷網生活，三來即使大家唔介意無得上網只係用來當 call 機或者純通話功能，GSM 雙頻亦會因為頻譜支援不足，導致在非市區地方收電話收得無咁好。這 3 個缺點，是大家決定是否仍會入手的最大障礙。
相片來源：電腦王阿達
https://www.kocpc.com.tw/archives/137435
相關文章:
Nokia 中國裁員近 2,000 人 電訊設備業務輸給本土競爭對手導致
分享到 :
最新影片
