是咁的，星期六我同娜姐去左個叫Spartan Race Hong Kong斯巴達障礙賽既活動。唔知斯巴達係咩既朋友唔知有無睇過戰狼300呢套電影呢？如果都係無睇既話就諗斯巴達。走係一個軍訓式既活動，要落千次水過萬重山既一訓練，同場仲有嘉年華，有啤酒，有射箭，有勁歌又有熱舞，全部參賽者都好投入，加上落左陣雨，濕身勁舞就狂上加狂。好玩就當然好玩啦，但係做呢篇報到真係搵命博，字裡行間充滿血同汗。
▲我地家下黑色衫，一陣就轉做泥色衫
事關個日除左係去玩呢個活動之外，更加係要試用Suunto Spartan Sport WHR呢一隻戶外運動手錶，出發之前我都做左小小research 架啦，隻錶係Sunnto 第一隻光學心率運動手錶，而且佢既光學心率感應器係來自Valencell，Valencell係心率感應器最出色既一家，作為自家第一隻光學心率運動手錶，都跟翻哂Valencell 既指引，同Suunto Spartan Ultra 外形無太大既分別，但錶底就有大分別，加左2個綠色LED及1個黃色LED黎check 識別唔同膚色既人用，不過娜姐……um…我有啲擔心囉。
▲就係呢隻櫻花粉色Suunto Spartan Sport WHR，我地玩了一日命
▲Suunto Spartan Sport WHR 有背燈功能，一㩒就著
而隻錶仲可以check到你個人個心跳之外，度到你地點個高度，加上有指南針，又有路線睇，又有GPS同導航，防水防泥，心諗隻錶禁巴炮唔驚啦，但之後睇埋個天氣，嘩！又落雨又十幾度，都feel到個日都唔會有咩好野發生，有哂心理準備。禁好啦，係錦上路到到行去無啦啦啲雨大到沖涼禁，達地即刻濕哂，無所謂，報得名就預左濕，但繼續向前行既同時，有玩完既選手出翻黎，佢地個樣苦瓜乾噤，仲成身泥，個下真係有啲不安，但娜姐已經原全入左mode，好似無咩點留意。幾經辛苦終於都到會場，經過了解之後攞左隻錶，點知比左隻櫻花粉色既我地，我上網睇個時話有三隻色，有黑色、藍色和櫻花粉，禁即係我唔洗帶啦，我望住另外隻黑色係到諗，禁我琴晚做禁多野做咩？！
▲一開始時見到既呢班人，到左比賽中段你係會完全唔認得
都唔緊要，咪比佢囉，都係做野姐，仲好啦我可以投入啲。禁事前我地聽負責人講過，條路線係要入落隻錶到既，但係佢地話無入到，禁小左樣野試姐，聽完佢地briefing 後我地就準備下啦，入左閂熱左一陣身，入左去之後我都做左啲基本設置，係選擇運動個到有好個選擇，有跑步模式、單車模式、室內單車模式、游泳模式、舉重模式、行山模式和其他可以比你去簡，仲可以依照你既強度去定你自己set既目標，禁多個模式都有唔同既項目比你睇翻自己既表現，例如話游水就會睇到你一共游左幾深同幾遠。但我地話明跑步就用左跑步模式啦。
▲開始前，娜姐都檢查好，set好哂隻錶之後先出發
▲Suunto Spartan Sport WHR 內有logbook 可以睇翻自己啲記錄，當日用的就是Obstacle Racing Mode。
▲Suunto Spartan Sport WHR既游水模式
▲Suunto Spartan Sport WHR既單車模式
▲Suunto Spartan Sport WHR更有細分你用邊隻單車
玩之前娜姐就睇下佢個心跳，一野標到90幾，差唔多100，一般健康既女仔心跳60到70，我即刻嚇一嚇，90幾喎，唔係未出發先興奮呀嘛。諗住去問個負責人啦，但說時遲那時快，主持mic聲一起就出發，不過就frim隻錶係開左既。雖然娜姐個心跳快到打鼓禁，但其實個時個氣氛係好，個邊一對洋妞，都幾多野睇架:p (編按：賤格！)，可能我心跳都係快到打鼓禁我唔知啦，個比賽一開始係啲普通野，我地都兩三下就搞掂，仲係到諗：呢啲就係斯巴達呀？！
▲頭個幾個關卡都無卡關，非常順利
一切都係同娜姐進入叢林既時候發生，因為落過雨既關係，達地呢泥真係好跣，係出盡力係原地行個隻，行到行唔到真係靠彩數，但娜姐好多時都係一野就衝左上前，行唔到唯有靠啲樹呀草呀拉一拉，但係全部都係泥色，已經分唔到係咩，只係一拉個感覺隻手損損地；穿過叢林，到左穿越障礙既階段，行軟淋淋既泥地已經再不嘔心，攝影師既一雙鞋底已經葬身泥海中，但報到都係要繼續，而其中最心刻係一個叫拖泥帶水既關卡，要將一個放左沙包既鐵籃係另一邊用繩拖過黎，再手拖過去，講就簡單，但係啲泥好濕，個鐵籃「盡」實左，條繩又係濕既泥，難玩到hihi，過就過到，但feel到啲肌肉應該開始崩緊。
▲之後就淪落到禁樣，唔係呢幾條樹籐根本就玩唔到
▲呢關拖泥帶水，真係「拖泥帶水」
娜姐玩到心頭狂跳
接住既關卡都係上山下海同力的表現，我地浸過、唔小心飲過、踩過、爬過、聞過臭到智障泥水，搬過石桶、抬過沙包，已經消耗好多體力，呢個時候娜姐都醒起要睇下隻錶，隻錶已經全部都係泥，係隻錶又濕又多泥既情況下，個touch screen 都仲用得，禁樣又睇下娜姐個心跳啦，最高去過16x，睇黎娜姐真係興奮到痴左線，不過佢量度行走過度同距離個啲都係合理既，睇完繼續我地既行程啦，之後既關卡都係爬高爬低既障礙賽，當中大部分我地都有參與，都有其他人Carry過我地，到最後我地都係完成左個比賽。
▲又越過高山又越過谷，隻錶充滿泥都仲用得
一整日內，娜姐既忘我表現令人難忘，又有機會知道娜姐既心跳更係榮幸，但付出既代價真係好大，因為翻到屋企先知道原來成身損哂，同真係好攰，翻到屋企洗野又係一個挑戰，不過隻錶上面既泥一洗就乾淨哂，無論錶面定錶帶都一洗就得。如果各位wire民有興趣知道個活動同隻手錶詳情可以去佢地既facebook page 同官網睇下啦。
▲隻錶玩完，經過高山又浸過泥，洗完都仲好新
相關影片:
官方網頁：suunto spartan sport wrist hr
售價：$4490
查詢：3579 6881 (Sunnto)
分享到 :
最新影片
