智能手機已是今時今日一般人隨身必備的裝置，但不少手機熒幕都偏大，令大家都需要用雙手操作，在搭車、行路時確實不太方便。最近娜姐就轉用 Sony 最新推出的 Xperia XZ3，據稱是可以完全單手操控的大熒幕智能手機。究竟是否真的可以？娜姐一於試用一天，看看 XZ3 是否真能讓她單手走天涯！
8:00am – 單手開 APP 唔驚仆親
一早起床，當然要趕著上班啦。每天番工都要搭地鐵，早上繁忙時間自然人迫人，位又未必有得坐，仲要雙手拿著手機，地鐵一急停，真的隨時仆親。好彩 Xperia XZ3 設有 Side Sense 功能，只要單手就可以開 Spotify 聽歌或者開 Netflix 煲劇，咁就可以一隻手完全操控手機，一隻手握緊扶手，終於唔洗再做「仆親」達人了。
▲只要用手指輕點機側兩下，就可以開啟 Side Sense 介面。
▲之後再點按 Netflix 快捷鍵，就可以開始睇戲了。
8:15am – OLED 熒幕黑位實淨睇戲煲劇一流
找到位置企定定，要開始睇戲了。剛想起最近 Netflix 最近上了一套之前好想睇的《志明與春嬌》，一於開來睇先！咦？Xperia XZ3 採用的 OLED 熒幕，唔止有 2K 解像度，畫面仲要比以前電話用的 LCD 熒幕靚好多，黑位暗位真的夠黑夠實淨，加埋 Sony 由 BRAVIA 電視引入到手機的 TRILUMINOS Display for mobile 同埋 X-Reality for mobile 技術，以後在手機睇戲煲劇就可以有在電視欣賞的質素了，正！
▲搭緊地鐵番工，在車上當然是睇電影娛樂一下啦。
▲Xperia XZ3 採用了 OLED 2K 熒幕，不但色彩鮮豔漂亮，而且黑位亦十分實淨，終於見到楊千嬅的衣服不是灰黑色而是真正黑色了。
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
8:45am – 熒幕喺陽光底下都睇到
落了車，通常我都會在上班行路途中，爭取時間來瀏覽私人 Facebook 或者透過 WhatsApp 與朋友聊天，畢竟回到公司就要忙工作，哪有時間處理私事呢？不過以前手機的熒幕只是 LCD，在日光下要用手遮光才可睇得清，十分麻煩。但 Xperia XZ3 採用的 OLED 熒幕，亮度比一般 LCD 熒幕高很多，即使在日光下都可以睇得清楚，以後要邊行路邊睇 Facebook 覆 WhatsApp，單手都搞得掂啦。
▲番到公司就處理唔到私事啦，自然在番公司路上爭取時間睇睇私人 Facebook 同埋覆埋朋友的 WhatsApp 訊息啦。娜姐只需要用單手輕輕在機側點兩下，就可以開啟 Facebook 了。
▲由於 XZ3 採用 OLED 熒幕，所以即使在日光下，都可以清楚睇到熒幕上的內容哦。
▲想返回上一頁？在機側用手指由上向下輕拉就可以了，一樣可以單手搞掂！
11:30am – 單手覆 Email 無難度
回到公司，當然是要努力工作啦！工作一般都在電腦上做，但有時要快回同事或者工作伙伴的電郵，用手機覆隨時更快。呢個時候，只要用 Side Sense 就可以單手開始 Gmail，之後再用單手覆電郵，無難度啦！另外大家會發現在不同地方 Side Sense 的程式排列都不同，因為它內建了 AI 功能，會因應用戶的使用習慣、需要、以及所在位置及使用手機的時間，AI 將認為最常用得著的 APPS 排列在前，令用家更方便找到需用的 APPS，確實很方便哦！
▲回到 office，手機放一邊專心工作吧。
▲雖然工作主力都是用電腦，但有時要簡單覆個電郵畀同事，用手機還是比較方便一點，同樣輕點機側兩下，透過 Side Sense 介面就可以開啟 Gmail。
▲由於 XZ3 機身較修長，所以單手打字都無問題啦。
12:30pm – 單手輕鬆拍下美人美景
好不容易等到食午飯時間，快快手食完去海旁散散步輕鬆一下先！遇到如此漂亮的景色，當然會拿手機拍下來啦，Sony 的 Xperia XZ3 要開相機超輕鬆，它的 AI 啟動拍攝功能，只要橫向舉起手機，再按實快門鍵就可以輕鬆影低相片。
▲有靚景喎！娜姐即刻拿部 XZ3 影低佢先。
▲要啟動 AI 啟動拍攝功能十分簡單，首先在熒幕關閉的情況下，如此橫向拿著 XZ3。
▲之後再舉起 XZ3 至與臉水平位置，就會出現像上圖這樣的介面，代表 AI 啟動拍攝功能已成功開啟。
▲最後按下 XZ3 機身的實體快門鍵或者熒幕上的輕觸式快門鍵，就可以拍照啦。
▲這就是娜姐用此方法拍下的風景相，是否十分漂亮呢？
▲用主鏡拍娜姐，可見主鏡拍出來的相片質素相當不錯哦。
另外，要影人的時候，亦有預測拍攝功能，在按下快門按鈕前相機已經開始緩衝影像，並會影低最多四張相片，大家就可以從中揀最靚的一張相片儲存，隨時拍下美人美景。
▲拍照時，如果相機感應到所拍影像中有移動物件或人，就會自動啟動預測拍攝功能，在按下快門按鈕前已經開始緩衝影像。至於如何知道哪張相有啟動此功能？瀏覽相片時，會出現「按此選取最佳相片」，這就是有啟動此功能的相片了。
▲相機會將按下快門鍵前的最多 3 格緩衝影像儲存下來，用家可以在當中選擇想儲存的相片，之後可選擇只是「儲存此相片（即選擇了的相片）」，或者「儲存所有相片」。
▲之後 XZ3 就會按用家選擇去儲存合適相片了。
值得一提的是，XZ3 仲可以用 microSD 記憶卡擴大儲存空間，最多支援到 512GB，要影幾多相或者片，都唔驚唔夠位啦。
▲XZ3 還支援以 microSD 記憶卡擴充儲存空間，最高支援至 512GB，咁就一定夠用啦。
8:30pm – 自動美顏影靚靚 selfie 相
終於放工了，約朋友食個晚飯先！去到一間靚靚餐廳，食物賣相又吸引，當然要發揮港女本色：相機食先啦！Sony Xperia XZ3 的前置相機，設有美顏功能，而且可以自行調節不同項目的美顏程度，例如：眼有多大、臉有多 V 等等，最適合我這種有要求的美女使用！
▲XZ3 的前置相機，只要點按「模式」旁邊的人像圖示按鍵，就可以啟動美顏功能，而點按中間的不同項目，更可以就膚色、亮度、眼睛大細及臉型進行微調。另外，點按最左方按鍵，更可以拍攝淺景深相片。
▲拍出來的淺景深加輕度美顏人像相片，效果不錯哦！
另外，遇著玩浪漫氣氛的餐廳，通常都會比較暗，XZ3 還可以用熒幕充當閃光燈補光，這樣就可以影到美食及餐廳環境，又不會影到「口黑面黑」或者受現場光影響令人臉偏色。
▲上面兩張相就是沒有使用熒幕補光燈（左）及有使用熒幕補光燈（右），以前置鏡頭拍出來的 selfie 相片，大家又覺得哪張較漂亮呢？
▲用主鏡拍低美食，效果都十分不錯哦！
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
10:00pm – 單手開 game 隨時食雞
終於忙完一天回到家，當然想輕鬆一下，約朋友玩玩《PUBG Mobile》食下雞，有了 Sony Xperia XZ3，就可以舒舒服服躺在沙發上，單手在 Side Sense 開 game，之後就可以立即進入遊戲世界，與朋友盡情玩樂了。
▲娜姐回到家中，當然立即用 Side Sense 單手開 game，同朋友一齊「食雞」輕鬆一下啦。
▲食雞又確實比較難用單手玩，不過 XZ3 機身頗輕，拿上手又舒服，在這部手機的 OLED 熒幕上全熒幕玩食雞，加上左右一對立體聲喇叭，聲畫不只無問題，直頭是爽。
▲XZ3 擁有旗艦級的硬件規格，玩《PUBG Mobile》就算將畫質及幀數開至最高，都運作得十分暢順呀。
當然，XZ3 本身都有旗艦級的硬件規格，包括：Qualcomm Snapdragon 845 處理器、Adreno 630 圖像處理晶片、6GB RAM 等，就算玩「食雞」開到最高畫質都唔會窒，而且設有 S-Force 前置立體聲喇叭，打機不但畫質，音質都夠哂震撼。加上內建有 3,300mAh 容量電池，即使番工用了一天，不用先充電都可以直接進入遊戲世界。
▲XZ3 內建了 Qualcomm Snapdragon 845 處理器、Adreno 630 圖像處理晶片及 6GB RAM，絕對是旗艦級配備。
▲以安兔兔評測測試，獲得 283,557 分，由此推斷基本上在 Xperia XZ3 上玩甚麼手機遊戲，都可以有十分流暢的體驗了。
總結：單手操控女仔都得！
其實近年不少手機都可以單手操控到，但不少都是男士或者手掌較大的用家才能單手操控到，而這部 Sony Xperia XZ3 娜姐試用了一整日，就發現基本上除了要雙手打機（因為遊戲需要）外，90% 以上情況下都可以單純用單手就可操控一切，而且由於 XZ3 採用較修長的設計，加上十分體貼的 Side Sense 及各種體感操控功能，所以即使手掌較細的用家或者女士，都可以輕鬆單手操控、使用甚至打字、影相等。所以對於機不離手的香港人，Sony Xperia XZ3 確實是十分體貼的隨身裝置。
售價：$6,598
查詢：Sony（8203 8863）
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
分享到 :
最新影片
