有傳 Microsoft 將會在發表 Lumia 650 後，將 Lumia 系列停止，改為推出 Surface 手機。如果屬實，Lumia 650 將會成為這系列的最後一部。外國有傳媒報道指，這部末代 Lumia 很快就會正式發表，最快 2 月初就會正式在歐洲上市。
140 變 2000 微博放寬字數限制
微博用戶下月底將可以長篇大論大放厥詞，因為新浪微博將會解除其 140 字數限制，新的限制為 2,000 字。月初 Twitter 表示正在考慮解除 140 字的限制，還未落實之前，被稱爲大陸版 Twitter 的微博就已經快 Twitter 一步作出決定。
相關文章:
孫宇晨揚言收購微博 指目前微博市值不足 20 億美元
非一般薯仔！神奇薯仔照片售價達 100 萬歐元
到底一張照片可以有多貴？有時答案真的會令人費解。最近有一張照片成爲攝影界的熱話，因為售價超越 100 萬美元之餘，驟眼看來也只是一個普通的薯仔的照片。
（繼續閱讀…）
終於等到！小米平板 2 Windows 10 版月底正式開售
小米平板 2 比起上一代最大的不同，就是除了可以使用 Android 系統之外，還加入了 Windows 10 的支援。不過 Windows 10 版本就要等到 1 月底才可以買到。
小米平板 2 在去年 11 月的紅米 Note 3 發佈會上一併公佈，它的高階配備版本可以安裝 Windows 10，令不少人期待它的表現。不過當時預計會在 12 月底開售，卻一直延期沒有消息。最近小米方面就宣佈預裝 Windows 10 的小米平板 2（64GB）將會在 1 月 26 日上午 10 時開始發售。
小米平板 2 只有 64GB 版本可以安裝 Windows 10，小米表示這是因為 Windows 10 系統佔太多容量，16GB 版本並不足夠。另一方面，小米平板 2 支援系統切換，如果不喜歡 Windows 10，也可以安裝 MIUI 7 系統（需要「刷機」重新安裝系統），但就不可以同時安裝 2 個系統作雙系統啟動。小米平板 2 搭載 Intel X5-Z8500 處理器，2GB RAM，配備上要使用文書軟件等等應該沒有問題，但要玩遊戲或者執相等要求較高的。預裝 Windows 10 的小米平板 2 與 Android 版售價相同，為 1299 人民幣，不過基於上次 Android 版開售的情況看來，屆時存貨可能極少，要買到也不容易呢。
來源：小米
相關文章:
【評測】小米 MIX Fold 4 國行開箱評測 機身更輕薄手感更佳 + 更硬淨耐用 + 電量用足一日以上 + 表現四平八穩 + 散熱效率一般 【評測】小米 MIX Flip 開箱評測 細摺界攝力不俗 + 手感不錯外觀漂亮 + 外屏可作主屏使用 + 定價稍偏貴 【評測】小米 Pad 6S Pro 12.4” 開箱評測 手感偏重 + 配件齊全 + 可作迷你筆電 + 電量用一日較勉強
未來 iPhone 轉用 OLED？Japan Display 將開始量產
OLED 螢幕技術雖然已經推出多年，不過 iPhone 就一直未有使用這個技術。不過最近有消息指 Japan Display 正在準備量產 OLED，很可能是為新 iPhone 作準備。
（繼續閱讀…）
成本上漲，Fujifilm 菲林又再加價
菲林攝影去年好像有不少好消息，例如 Kodak 預期重新獲得盈利，不過好景不常，最近 Fujifilm 再次宣佈菲林產品加價，而且今次的加幅不小，看來菲林攝影愛好者又要捱貴貨了。
（繼續閱讀…）
相關文章:
【評測】PENTAX 17 半格菲林機 細緻手感報告 + 詳細介紹半格菲林拍攝、沖矖相片須知 【評測】FUJIFILM X-T50 輕巧高像素相機 5軸防手震效果強 + 4020萬像素細緻影像實拍 Fujifilm 慶祝成立 90 週年 限量版 Instax mini Evo 即影即有發表
Wire 民 Ada Chau： 支持 Google 十五年有感
我們 unwire 口號是「玩生活。樂科技」，開站 8 年來聚集了香港一班熱愛生活科技的同好，不難發現 wire 民在回覆欄中每天彼此交流，好像成了朋友一樣。不過近日有位 Ada Chau 的讀者，非常用心回覆了長篇文章，發表了他多年來對 iOS 及 Android 兩大系統的看法，非常值得分享，我們在這裡貼出來。
以下是 Ada Chau 的文章: (略作整理更易閱讀)
我係2001年開始就死忠的google粉，所以對安機器情有獨鍾，用了6個三叔產品，但是我仍然會對垃圾安機鄙視，無神化佢哋，自認中意得幾理智。我用過mac，mac mini，iphone5，沒辦法神化佢，真係唔知道貴係邊，可能我也沒試過用pc出事，所以用唔到分別。人人愛比較蘋果三叔，我就有感而發。
把 Samsung 跟 Apple 的手機利潤作比較不太公平
以安卓系统來說係google起稿系统而三叔主要係代工部分。很多人只拿三叔的利潤去比較蘋果全部手機的利潤這是不對的。蘋果代工的部分的利潤和三叔利潤比較先說得上公平，而ios系统部分應該將google利用安卓賺錢如preinstall apps和廣告甚至big data的tangible價值先係有可比性，不過一般講到安卓的利潤會自動omit掉google的利潤，唔知點解。蘋果代工部分的利潤其實不比三叔好多少，iphone的收入大部分(至少5成都係system dev and research裡面)，在同一個範疇裡面三叔應該很難賺這部分，因為google基本上free左，盈利不是直接的數字，但是passively賺錢唔係無，google都係上市公司，要數一定有得睇。
要比就比同價位
如果要比機，我覺得要比類型同價位差不多的先公平。揾個7000蚊的機去比低2000蚊的機，唔知乜係一分錢一分貨？如果可以用3000蚊這個價錢買a+品質的機器，我唔會因為牌子口碑就花7000買同樣a+品質的產品，又唔係傳銷產品賣口碑你有錢分咩?
蘋果捉到用家肯付費買 APP 的心理
apps方面，我認為蘋果比安卓賺錢的關鍵在於用蘋果的人都很習慣買apps，而安卓用家係習慣揾免費apps先。四個字形容:人傻錢多。如果你有用過qq，應該知道咩係qq秀。大陸大把人會為了那些我認為係垃圾的qq秀每月”特賣款色表情”花錢，qq利用了顧客”反正一個幾毫子唔會斤斤計較”的心理去賺錢，係佢本事，但是不是每個人都會花錢買免費的功能，我用安卓一樣有subscribe apps，但是99%都是用免費的，我不反對big data付費。
要我花錢除非我真的很中意個apps，覺得廣告超煩，如被強迫消費個垃圾apps用到頂心頂肺，就算那是一個幾毫的apps都覺得浪費。蘋果捉到這種花小錢的心理，也沒問題，用家自己中意有廣告定比錢飛廣告，有得揀就得，邊個會賺錢多，有咩所謂?開發得andr app的，自然就能開發ios app，都無咩人會只做一邊架啦？自由度的話，反而係an機大好多。你自己寫的code，如果係an機一個check box就裝得，唔洗root，如果係ios，要jb麻煩啊
有時簡單反為更麻煩
最後maint部分，我認我唔係好識mac系列，因為mac一般係咩都唔洗理，你睇到咩功能有你就會用，無既你就根本唔會諗到，很少會用開突然無左，所以唔洗整。但是假如真係有d野突然無左而你想揾返出來，咁就會很花時間去揾設定or search，網上資訊也會很缺乏。我最近某個朋友經常拿佢家的蘋果電器比我整，佢老人家字又唔識睇，設定又唔識設定，一向都係佢d仔女set好比佢用，但是唔知噤咩咁到灣晒，例如某個新聞app的字體突然變少，padding變厚，佢想恢復原狀我都search唔到係咩設定，而ipad的所有設定我都試過都唔得，真係好神奇，我居然覺得搞pc仲容易過搞mac/ipad…尤其幾部機sync d歌入電視電腦都可以出問題。雖然一直都少用，但沒想到可以咁煩…
前幾日佢話要sync手機落電視，點知佢 remote short左，我當时仲同佢講，apple產品聽說質量幾好wor，應該唔係壞係無電。不過我最後拿去退左個remote，帶埋apple tv去apple store買新remote，要佢試埋先走。回來之後全部device可以上airplay，但其中一部唔知5定5s的得apps可以cast screen， widget page就cast唔到，又搞到我頭暈用fire stick真無咁煩過…以後有人話蘋果機簡單，我諗我會叫佢不如轉用win10，根本係一擔擔
圖片來源 : 「Google 香港」辦公室揭秘
來源 : unwire fanpage
網軍喜訊？Android 版 Facebook 內置翻牆功能
Facebook 雖然在世界各地都很受歡迎，不過有幾個國家封鎖了 Facebook，令國民不能正常開啓。最近 Facebook 在 Android 版 App 內加入 Tor 網絡支援，方便被封鎖的用家繞過國家限制。
（繼續閱讀…）
相關文章:
【教學】幫 iPhone 清除 IG、FB 無用垃圾 實試釋放手機 16 GB 儲存容量 Meta 將隱藏部分 AI 內容標記 需要開啟選單才能看到 FB 香港 16 萬會員貓店長群組被封鎖 貼殘障貓相片疑被 AI 誤認為暴力仇恨內容
減少痛症纏身 穿戴式裝置糾正姿勢
經常使用電子產品，例如手機、平板、電腦等，我們的坐姿往往因此起了變化，導致頸肩酸痛。就算我們明知自己的坐姿不正確，但亦會在不自覺下繼續錯下去。來自韓國的團隊 NAMU 最近在 Kickstarter 發表了一款穿戴式裝置「ALEX」，宣稱能夠糾正用戶的錯誤坐姿。
3個位置觀塘的市集 • unwire 週末好去處
今個星期特別凍，除了留係被竇，小編應該咩都唔會做。不過點都要介紹番 D 活動俾大家嘅。係市區又係室內，仲可以行成日嘅，我諗到觀塘市集節中的 3個市集。
呢 3個市集合共結集超過 100個本地手作、自定品牌、服裝、精品、食品小店，當中包括唔少充滿心思嘅賀年禮物，想辦年貨又唔想行大商場可以去望下，過一個暖笠笠週末。如果係觀塘區接到宣傳單張，仲可以憑宣傳單張到市集換禮物添！
登陸朗豪坊！依莉詩帶你遊 Namco「Nekoatsume」POP-UP STORE
自 2014年日本遊戲公司「Hit-Point」發布手機遊戲 Nekoatsume (日語：ねこあつめ) 以來，收集貓貓的熱潮一直沒有減退。一眾貓奴每日定時定候餵貓，甚至擴張庭院和改變庭園風格，都係想引來更多貓貓，然後幫拍照存進相冊。依家呢個熱潮跳出手機，POP-UP STORE 更係朗豪坊開業，等大家買晒佢地的精品番屋企，唔洗再怕走失。今日我依莉詩就帶大家睇下貓貓有幾治癒啦！
社會新鮮人搵唔到工？Freshlinker 幫你提早補底
一月，是大專院校的第二個學期的開始，Final Year 的學生都會抓緊時機，在畢業前的這段時間找工作，以免在畢業後馬上成為雙失（失業，失學）青年。只是，擁有高學歷畢業生越來越多，學歷貶值的問題令大學學位「含金量」大不如前，不少雇主已經視大學學位為基本入職條件，他們反而認為職場的實戰經驗及其他非技術才能（soft skills）更有價值。從補充學生弱點出發的求職平台 Freshlinker 深明雇主的要求，五個 90 後年輕人決定創業幫助學生，解決人才與職位空缺的資訊錯配問題。
相關文章:
第二屆《城市創科大挑戰》結果出爐 「山人」自有妙計 藉 AI 協助管理營地
一路向北：下雪無聊事
Hej！香港的氣溫急降，有預測認為星期一香港某些地方有可能降雪。過去在香港只有聽過大帽山山頂結霜，如果落雪應該會非常震撼。對於現居瑞典的筆者，冬天落雪正常不過，只是偶爾也會有令人驚訝的消息，例如前幾天我所居住的哥德堡下了十年來最多的雪，降雪超過 20cm，又例如無端端在鋪滿雪的河面，出現了一條巨型的 J。
昇條 Key 去非洲/上宇宙捉夢夢 ? 5 個童年打機傳說求真
以前的遊戲時常會放進不少秘技或隱藏的東西，正常遊玩難以發掘出來，而且隱藏的東西也是千奇百趣。當時網絡並不發達，或者甚至未有網絡，很多人也會口耳相傳一些遊戲的秘技，更會聲稱自己/朋友見過，言之鑿鑿。到最後不少被騙者埋藏了十年才知道是個騙局。以下就舉一些經典例子：
有片為證！熒幕唔驚跌爛！Moto X Force 初步評測
今時今日好多人用智能手機，最驚就是跌爛手機熒幕，因為爛了要維修，一千幾百真係「走唔甩」。不過近年有不少品牌都推出標榜熒幕「無咁易跌爛」的機款，除了早前的 LG V10 外，Motorola 亦於去年年底推出了號稱擁有「防爆熒幕」的 Moto X Force。究竟是否真的那麼「堅」？現在就讓筆者來實測一下。
小丸子皇室堡過肥年！影相位 + Pop-store 限定精品率先睇
BELI BALA BELI BALA 天天身體會增高～ 唱就唱得多，但 30歲的小丸子唔單止無長高，仲依然保持童顏。今日我依莉詩就去咗銅鑼灣問佢養生秘訣，點知就俾我見到佢同爺爺係商場度浸溫泉啊！
隔音效果更勝耳綿 ! QuietOn 無線智能耳塞
對於很容易受到噪音騷擾而驚醒的人來說，通常睡覺時都會選擇配戴隔音耳塞，可惜目前市面上常見的泡沫塑膠或矽膠耳塞，大多數使用幾次後就需要更換，而且隔音效果亦未必盡如人意。不過最近有芬蘭團隊所設計的 QuietOn 無線智能耳塞，就解決了上述問題，而且更幾乎可阻隔所有噪音，絕對值得留意。 （繼續閱讀…）
艾域：「四四方方令人驚喜無限」Naim Audio Mu-So Qb 一體式無線音響系統初步評測
不知各位 Wire 民對來自英國的音響品牌 Naim Audio 有沒有認識呢？此品牌一路走來，產品都是走高階發燒級路線，但在 14 年底突然殺出一部萬元級一體式無線音響系統 Mu-so，確實令整個音響市場為之驚喜。或許是因為 Mu-so 成功殺出新血路，Naim Audio 在今年決定再接再厲，推出 Mu-so 系列的新型號 Mu-so Qb，有齊「兄弟作」一體化全面功能，但機身顯著地「微縮」，價錢亦更為「親民」，聲音表現更是令艾域感覺驚喜無限。
細小機身更易擺放 300W 輸出夠晒聲
玩影音以至音響，最頭痛永遠是如何安頓一部部器材，單純以兩聲道音響，一部播放器加一部擴音機，再配搭一對喇叭已是最基本配置。但體積僅為 210 x 218 x 212mm、約是一個足球般大小的 Mu-so Qb，自身除了與 Mu-so 一樣是一個擴音連喇叭的一體式系統之外，更已配備各種無線及有線連接功能，令它能夠一駁電源即可獨立運作，絕對乾手淨腳。
雖然的式小巧，但 Mu-so Qb 內部已設有兩個高音、兩個中音、一個低音發聲單元，前兩者每個單元都各由一個 50W D 類數碼後級擴音線路獨立驅動，而後者的擴音線路功率更高達 100W，再配合左右兩邊用作加強低頻表現的被動式幅射器，單談單元配置及驅動線路，已經誠意十足。
全功能駁乜都得
與 Mu-so 一樣，Mu-so Qb 亦是採用 32bit DSP 數碼訊號處理器，並同時支援 UPnP 網絡串流、AirPlay、aptX 藍牙解碼，配合官方的 iOS 及 Android App《Naim》，用家還能夠收聽網絡電台，與及使用 Spotify 和 Tidal 串流音樂平台，當中 UPnP 在有線連接時最高就可支援播放 24bit/192kHz WAV/FLAC/AIFF Hi-Res 音樂檔。
除了網絡及藍牙串流之外，Mu-so Qb 的機背亦設有 USB Type A、3.5mm mini jack 及光纖輸入端子，令它能夠有線連接電腦、影碟播放機、遊戲機、隨身聽等播放裝置，透過 USB 連接 iOS 裝置，更可直接播放裝置內的音樂，連接性絕對媲美正式的擴音機。
艾域：「播放 Hi-Res 密度夠高，低頻強橫得無話可說。」
試聽當日的 Mu-so Qb，是廠方專承帶來香港作短暫展示的最終測試版本，透過 UPnP 串流播放多首歌曲，包括 Michael Jackson《Beat It》、Winterplay《Billie Jean》，以及 Daft Punk《Fragments of Time》之 24bit/88.2kHz Hi-Res AIFF 等歌曲。
初步試聽此機雖然機身細小，但聲音卻是十分雄厚，測試時的試聽室達 800 呎，但在總音壓 80% 情況下，便可輸出飽滿的聲音，高音沒有刺耳感，人聲也輸出得非常清晰而不生硬。其低頻表現更是足以用驚人形容，細節層次不會散亂之餘，量感之充裕更是比不少超低音喇叭更為優勝。在播放 Hi-Res 音樂檔時，聲音細節的圓滑度亦更為突出，也不會因為音箱較為的式，而令輸出聲音有顯著的焗促感。
總括而言，今次定價將不用 8 千的 Mu-so Qb，其震撼程度較之艾域當日首次試聽兄弟作 Mu-so 時更高，相信 Mu-so 要吸引追求更佳音色的新一輩玩家，將會是毫無難度，甚至有機會為未來的音響發展方向，落下全新基準，絕對是值得一試甚至購入之作。
售價：$7,900（現已接受預訂，3 月 3 日正式推出市場）
查詢：威達公司（2506 3131）
相關文章:
【評測】Cambridge Audio Evo One 無線串流揚聲器 三頻平衡表現佳 + 音場廣闊臨場感足 Tidal 更改平台音樂規格 轉用 FLAC 為預設格式
Samsung Galaxy View 超巨型平板 ＋ 型黑 Notebook 9 Spin 初步評測
Samsung 近日除了發佈 Galaxy A9 之外，還發佈了一部巨型 Tablet， Galaxy View 具備 18.4 吋 1080p 屏幕，內建 8 核處理器及 2GB RAM，而官方表示電池可以支援連續播片足足 8 小時！想知有幾特別就要繼續閱讀啦！
相關文章:
【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充 【評測】Samsung Galaxy Watch Ultra / Watch7 開箱評測 兩日一充 【評測】Samsung Galaxy Z Flip6 開箱評測 外觀變動少 + 外屏更個人化 + 主鏡成像質素提升 + 電量夠用一日以上 + 整體表現中上
實試 2016 新 VR 成人片真實到「有反應」 － 評測分享 + VR 選購攻略
VR 發展越來越成熟，除了硬件的發展之外，近年也越來越多製片商、遊戲商慢慢加入這新個領域，令林林總總的 VR 內容變得豐富，當中除了娛樂節目及遊戲之外，色情影片更是發展瞬速 (正所謂食色性也)。今次就用些平價 VR 裝置同各位 unwire 讀者一齊「學術研究」一下，最新的 VR 世界!
相關文章:
Meta 放棄與 Apple Vision Pro 競爭 轉移重心開發低成本 VR 裝置 安坐家中 Vision Pro 雲端試車 淘寶小米合作推虛擬小米 SU7 試車體驗 FevaWorks 兩大免費遊戲開發工作坊 掌握開發技能建立自家遊戲
$399 買到 $2,434? Le TV Box（4K標準版）玩盡全攻略
主打一站式平台嘅樂視 LeEco，旗下 Le TV Box（4K 標準版）在上年 11 月正式開售，定價僅為 $399，更設有半年「試用期」，等大家除咗買手機或電視之外，亦可以用「樂視盒子」欣賞樂視的專屬節目。由即日至今個月底，樂視 LeEco 更為該盒子推出星級優惠，隨機附送 12 個月樂迷 99 狂睇組合（總值：$990）及 16/17 英超球季 6 個月月費（總值：$1,194）之外，更「加碼狂賞」兩張歐陸嘉年華入場券連 20 個代幣（總值：$250），啱晒農曆新年假期入場狂歡一番，買一個 $399 的樂視盒子，但就附送高達 $2,434 的贈品及服務，亦令這個電視盒子吸引力再度提升。
但除咗睇片之外，呢部電視盒子仲有無更多的潛在功能可供發掘呢？今次 Unwire 就整咗個活用 Le TV Box（4K 標準版）攻略俾大家，教大家可以好好善用資源（好似係）。
最近有乜片睇？
1) 獨家跟播各地劇集，4K 內容生態內容
樂視平台有乜特別，相信都不用再多講了，因為之前的文章都已有介紹過。對於不少「樂迷」而言，當下樂視平台最重要的就係劇集跟播。當下已知會緊接韓國、台灣當地電視台獨家跟播的劇集，就包括《安托萬夫人》、《1989 一念間》，並會配上正體中文字幕，照顧香港用戶的習慣。經過一年多的發展之後，樂視在香港的影片庫除咗多了不少外購劇，以及如包括不少真人 Show 節目的「Li 優質生活頻道」等輪播頻道外，更有不少自家炮製的自家劇集，不只是一味的購買外地節目。不過要數最吸引的，當然是 《House of Cards》、《Sherlock》等等的精彩英美劇集。另外，透過 Le TV Box（4K 標準版） 中 4K 頻道，用家更可隨時隨地欣賞不同的 4K 影片及節目呢。
2) 熱門韓劇《蔣英實》+ 新加盟的 《Disney》
除咗跟播的劇集，同埋獨有的 4K 生態頻道之外，樂視平台嚟緊亦將會有著名韓星宋一國主演嘅《蔣英實》，呢套劇就係韓國自今年 1 月 2 號起播放嘅連續劇，如果有追開韓劇嘅 Wire 民就要留意喇！仲有，其實樂視已經同 Disney 簽咗約，未來將會有更多 Disney 旗下嘅節目同電影，可以喺樂視嘅影片庫入面搵到啦！
睇片之外，Le TV Box（4K標準版）仲可以點玩？
1. 同步顯示智能裝置鏡像畫面（Miracast）
樂視盒子支援常見於 Android、BlackBerry 及 Windows 智能裝置的 Miracast 屏幕同步顯示功能，手機可以透過 Wi-Fi 網絡直接連接樂視盒子，呢個功能就令你可以將手機畫面在電視機上面同步輸出。 買咗 Le TV Box（4K標準版）的 wire 民，就可以用佢將手機拍咗嘅片、或者影咗嘅相一齊同朋友分享。有時係街上用手機煲緊劇，永遠都機不離身嘅人會唔想停落嚟，但有時食飯又逼於無奈要放下手機，有了 Miracast 就可以將佢輸出至電視繼續睇，用電視汁撈飯！
2. 將非智能電視變身為 Smart TV
好多人家中電視機都未必係 Smart TV，但就設有 HDMI 輸入。其實只要加上樂視盒子，就可以將佢即刻變成 Smart TV。建基於 Android 系統的樂視盒子，首先能夠上網，另外，佢內置的 App Store 其實亦有不少應用程式可以 download 。只要加上無線鍵盤及滑鼠，基本上你就可以當佢係一部電腦咁用。上網、睇 Youtube、聽歌都做得到。
3. 駁手掣打 Andorid 遊戲
因為佢行的是 Android 系統，所以其實佢亦可以裝不同的 APK APP。假如有些手機遊戲你覺得好好玩，又想喺大啲嘅屏幕上面玩，將隻 Game 裝入 Le TV Box（4K 標準版），再善用佢嘅藍芽連接功能，接駁一個打機專用手掣，就可以將佢當成遊戲主機咁打機喇！
4. 駁 USB 播歌睇相
除咗打機和上網之外仲有咩用先？其實佢有一個 USB 輸入端子，只要你有隻 USB 手指或者 Hard Disk，咁就可以將裡面的多媒體檔案在電視盒上播放。有時旅行影了不少相，但發覺在電腦上總是睇得唔夠清晰，假如你有部 4K 超高解電視，其實可以透過支援 4K 輸出的樂視盒子，在電視上一齊睇相/聽歌，就可以同一大班朋友或者屋企人一齊回味旅行時的點點滴滴啦！
5. 用遙控 Cap 圖
雖然有人會認為遙控 cap 圖並不是甚麼新鮮事，但係對於一些未有智能電視的人，或者是 cap 圖之後需要好多工序先能拎返啲相出來的人，用遙控 cap 圖在樂視盒子就真係比較方便。Cap 圖方法好簡單，只要按實「Letv」鍵，就會自動 cap 圖然後儲存至「Screenshots」資料夾內，想拎返出嚟的時候，只要複製去自己的 USB 手指就搞掂了，要 share 自己睇緊乜野好戲？話都無咁易。
