日前萬聖節，很多小朋友都會細心打扮成小鬼、超級英雄、卡通人物或者機械人；趁著萬聖節 Google 沒有掛住玩，反而乘機學習進修。Google 邀請了他們和家長到他們的總部，讓 Google 的自動駕駛車能夠學習。
出重手吸客 登記 Samsung Pay 送無線充電器
Apple 早前宣佈將會在稍後將 Apple Pay 推廣至英美以外地方，首先會在今年內於加拿大、澳州推出，明年更會進軍包括香港多個地方。作為競爭對手，Samsung Pay 雖然較遲才推出，但近期卻非常積極吸客。
日產展示自動駕駛智能車原型
未來的汽車很大可能會包含自動駕駛功能，多個汽車品牌都已經研發和測試自動駕駛技術。日產早前亦對外表示，準備開始在路面進行實測。日產表示他們會在日本的公路和街道進行測試，目標是讓他們的日產智能車做到「零排放」和「零死亡事故」。
發表最新截圖 《莎木 3》進入開發階段
今年 E3 期間宣佈在 Kickstarter 集資，並且非常成功的遊戲《莎木 3 》，其開發團隊 Ys Net 早前在 Kickstarter 頁面公佈了遊戲的開發進度，又上載了多幅遊戲畫面截圖；遊戲暫時維持在 2017 年如期推出。
唐言無忌：如果叫 Uber 的話
一到萬聖節，個個都會化行妝出席 Party。前晚哈囉喂蘭桂坊好熱鬧，不過應該不及之後 Facebook 熱鬧，全因為 CY 女梁齊昕。首先在 Facebook 轉載父母去海洋公園「探班」的相片，寸爆阿媽唐青儀冇著經典「龍蝦衫」和沒有擺臭臉，引來網民瘋傳。
3D 打印令受傷貓咪重獲新生
3D 打印技術日漸普及，除了為產品製作生產前原型或打印小玩意和擺設，亦有人嘗試為我們的寵物設計實用工具。蘇格蘭一名設計師 Pegg就為愛貓 Sprocket 製作了一款專用的矯形器，讓受重傷的禮服小黑貓能重過新生。
重推轉子引擎 Mazda RX Vision 令人期待
有一定年資的車迷相信會聽過 Mazda 的經典跑車 RX-7，當時採用轉子引擎配合渦輪增壓，讓細 cc 排氣量都可以做到大馬力輸出。可惜世界各地的環保法例越來越嚴苛，Mazda 要將未能達標的轉子引擎推出市場。Mazda 年前已經表明不會放棄技術，早前就有新車現身。
大家準備好未？傳 iPad Pro 11 / 11 有得賣！
唔知講起 11 月 11 日，大家會諗起咩？光棍節？sorry 我只會想起 iPad Pro！皆因最近有傳聞指出，Apple 有史以來最大熒幕的平板 iPad Pro，終於會係 11 月 11 日正式發售！各位想入手的 wire 民，係時候準備銀包了！
平機都玩金屬？傳紅米 Note 2 Pro 背蓋流出
今年小米確實是動作多多，早前已經在中國推出紅米大芒 Note 系列的第二代：Note 2，今日又有消息傳出 Note 2 會有變種！呢部名為 Note 2 Pro 的新機，傳聞會用上金屬機背蓋，而且會係首部內建指紋辨識器的小米平價手機。
進一步 cut cost！Samsung 傳再裁減指定部門 3 成人手
近年 Samsung 的手機，隨住對手加緊進迫，加上自家手機的各種問題，銷量已沒有當年 Note 2、S2 年代般一支獨秀，不只銷量不復當年勇，亦連年錄得虧損。最近就有傳 Samsung 打算進一步裁員以減省成本，而裁員對象主要為財務、人力資源及市場部的管理階層及行政人員，預計會裁減各部門約 3 成人手。
幼童用手機平板有冇問題？專家有新答案
一直有兒科專家指家長不應該讓 2 歲以下子女接觸任何「螢幕」，包括手機、平板、電腦等電子產品。不過一直推廣這理念的美國兒科學會（AAP）最近轉了口風，發表了最新的指引，給予父母們如何讓年幼子女使用這些「螢幕」產品。
童年回憶 插番你盒「帶」! retro freak 11 合 1 遊戲主機開箱評測
等咗大半年，日本 Cyber Gadget 日前就宣佈旗下的 11 合 1 遊戲主機 retro freak 會在 10 月 31 日正式發售。雖然當時官方曾經提過由於貨源不足，所以只會優先在日本推出，但今日有香港店舖依然返到貨，而小編我當然會急不及待搶先試玩。想知道這部主機到底有乜特別，各位 wire 民就千祈唔好錯過以下的實機開箱測試。 (閱讀全文…)
可追蹤 5,000 人！Twitter 提升 Follower 限制
對比起 Facebook，香港網民使用 Twitter 的比例相對較少，如果你正好是 Twitter 用戶，好消息來了。Twitter 日前宣佈用戶可以追蹤的人數將會由現在 2,000 人大幅提高至 5,000 人。過往，用戶需要有大量追隨者才可以突破 2,000 人限制，Twitter 未有解釋突然開放的原因。
人棄我取！翻新英國郵政單車變搶手貨
要數香港的經典單車款式，運送石油氣火水的單車或者會馬上出現在腦海。對英國人而言，以往皇家郵政使用已久的派遞單車，卻是單車迷的首選。由英國最古老單車製造商 Pashley 生產的郵務單車 Mailstar，不但可靠耐用還具有歷史意義。
零售商公佈聖誕禮物排名：iPad 繼續居首位
很快就踏入 11 月，不少外國人已經開始為購買聖誕禮物作準備。電子零售商 Best Buy 早前在美國進行了一項全國調查，讓受訪者選出 2015 年 15 件最想得到或準備送出的科技產品聖誕禮物。Apple 是當中的大贏家，iPad 和 MacBook 分別排在榜首和第三位，Apple Watch 亦排 12 位。
杜比 7.1 電影音效 / 聽歌 / 打機 Apple TV 第 4 代 AV 評測
若有點看艾域早前對新一代 Apple TV 的開箱文及初步評測，相信已經對這款新機的規格及功能有一定了解。為進一步測試採用 tvOS 的第 4 代 Apple TV 的功能，艾域就將之連接至 Denon 擴音機 AVR-X3200W，作一次入屋續測，測試它播放電影、音樂及打機時的實際情況。
支援 Dolby Digital Plus 7.1 解碼
本地製作又再跑出 聲音動態有提升
對影音愛好者而言，新 Apple TV 最大提升是內置支援 7.1 聲道輸出的 Dolby Digital Plus 解碼，睇戲時可以獲得更佳的環繞聲效果。在新 Apple TV 的 iTunes Store 中翻來覆去，發現當下提供 7.1 聲道環繞聲的電影並不多，但當中就有《破風》及《逆戰》兩套由本地後期製作公司 Best & Original Production 製作的電影，率先在新 Apple TV 上提供這種音效。不過，現階段仍只能由新版 Apple TV 自行解碼成多聲道 PCM 輸出至擴音機，而未支援 Bitstream 位元流輸出，將原生音源交由擴音機作解碼。
艾域先後在新舊 Apple TV 中試看了《破風》，雖然新 Apple TV 只是先解碼再輸出 PCM 至擴音機，但感覺其環繞聲整體的動態、聲音移動及定位，均較舊 Apple TV 為佳。若閣下是使用 Apple TV 去購買或租看電影的影音迷，就可考慮改用第 4 代 Apple TV 了。
Apple Music 直接串流 可輕鬆聽歌但音質免談
另外，採用 tvOS 的新 Apple TV，亦已可直接登入及使用 Apple Music 服務。在實際使用上，Apple TV 版 Apple Music 與電腦《iTunes》版本或 iOS 裝置的版本相差不大，亦是設有「為你推薦」及「最新精選」分類，以及包括 Beats 1 網絡電台在內的「廣播」功能，不過互動功能「Connect」就未見影蹤（艾域相信也無人打算以 Apple TV Remote 慢慢打字與音樂人互動吧。）
嘗試使用新 Apple TV 的 Apple Music 功能，艾域只能說又是方便直接為最大賣點，只需登入訂購了 Apple Music 的帳戶，就可隨意點擊播放該串流平台的歌曲，不過音質與之前試聽 Apple Music 感覺一樣，整體聲音特別是人聲的紮實度只是平平，當作 Easy Listening 一下就好了。
免費遊戲暫時算了吧
最後就再談談新 Apple TV 可供下載的遊戲 apps 吧，現時已經上架至 Apple TV Apps Store 的遊戲算是不少，有免費有收費，亦已有中文版遊戲可供下載。不過嘗試過多款免費遊戲，感覺製作水準都十分普通，例如主打的賽車遊戲《Asphalt Airborne 8》，在 Apple TV 上遊玩時幾乎沒有速度感，在稍為複雜的場景亦會有 Lag 的情況，耐玩性不高。
至於其他賽車類遊戲，其實操作及遊玩方式都是大同小異，艾域玩一場賽事之後已經立即離開相關遊戲。至於非賽車類遊戲，亦只是一些 Kill Time 小遊戲，在隨身 iOS 裝置或許會覺得有趣，但在電視上遊玩則略感遊戲性太低了，亦沒有太令人印象深刻之作。若 Apple 想藉新 Apple TV 挑戰其他遊戲主機的話，就要更落力推動遊戲廠商開發更高耐玩性的遊戲了。
至於手掣方面，艾域找來一款可以連接至 iPad，但未有取獲 MFI（Made For iPad/iPhone/iPod）認證的藍牙遊戲手掣，嘗試配接至 Apple TV，結果發現 Apple TV 無法辨識得到。但值得一提的是，舊版 Apple TV 的紅外線遙控 Apple Remote，在新版 Apple TV 中是依然可以使用的。
艾域：「若非忠實 Fans，可待 tvOS 成熟後決定。」
對於新版 Apple TV，艾域除了對它支援 Dolby Digital Plus 7.1 音效較為滿意之外，初步試用後對它所提供的 Apps 或遊戲均未有太大感覺。不過持平點說，新 Apple TV 與及 tvOS 離正式對外發布也只是個多月，未太全面亦是理所當然之事。因此若果閣下並非忠實蘋果 Fans，又或者對 AirPlay、Apple Music 及 iTunes 租購電影需要未算太大的話，大可先觀察一下 tvOS 會否有更多吸引的 apps 或遊戲，才決定是否購入吧。
「機身厚了，遙控變了」 新 Apple TV 即場開箱睇
http://unwire.hk/2015/10/30/appletvopenbox/wireless-home/
Apple TV 功能 / APP 評測
小編剛剛完成了第二篇 Apple Tv 評測，各位 wire 民可按<這裡>
1 米投影 58 吋畫面，便攜式多功能投影機 ASUS P3B
如果你或你的公司/學校要不時展示 Project、計劃書，或者要開講坐授徒，那一個投影機往往會比起 iPad Pro 方便，因為它可確保在坐的人都可看到你的報告。ASUS 最近新推出便攜式投影機 P3B，高效能亦有多功能：
帶入廁所都得 防水功能 Nook GlowLight Plus 閱讀器
不少人上廁所時都有閱讀的習慣，將書本帶入洗手間有機會弄濕，外國著名電子書店 Barnes & Noblle 最近就推出了電子閱讀器 Nook GlowLight Plus，由於它擁有防水功能，就算一邊浸浴一邊看書亦沒有難度。
貓奴必讀！用貓尾巴掃手機螢幕
踏入秋冬，是時候準備轉季添新衣。日本時裝品牌 Felissimo 最近推出了三款全新的保暖手套，支援智能手機的觸控屏幕之餘，還用上貓咪圖案，貓咪的尾巴正好是用戶的食指，每一次掃你的手機螢幕，就好像是小貓擺動尾巴一樣有趣可愛。
籮文：「機靚 影相靚 有指紋識別的中階機」Huawei G7 Plus 手機初步評測
華為今日在港發佈一部中階手機 G7 Plus，強調 90％ 金屬佔比，採用 Qualcomm Snapdragon 616 八核 CPU，3GB RAM，內置儲存空間有32GB，另可插 microSD 擴充至 128GB。具有指紋認證功能的 G7 Plus 擁有 1,300萬像素 RGBW 感光元件主鏡頭及500萬像素前鏡。想知更多就留意以下評測啦！
90％ 金屬佔比 外型有旗艦機味道
G7 Plus 話就話係一部中階機，但外型一啲都唔中階。擁有5.5吋全高清屏幕嘅 G7Plus 金屬佔機身90%，係就係可能令機身重咗啲，但感覺更實在，而機面玻璃有2.5D 設計，畫面更有立體感，好似浮出黎咁，依兩點加上機身造工仔細都令部機美感加強，更帶一點旗艦機味道。不過要留意，金屬機背可能有啲跣手，而用咗一陣機身有輕微發熱，籮文隻手就出手汗，金屬機身又變咗有啲啜手。不過要靚呀嘛，手感有少少瑕疵又邊有人介意！
▲金屬機背可能有啲跣手，而用咗一陣機身有輕微發熱，籮文隻手就出手汗，金屬機身又變咗有啲啜手
▲機右側有音量制開關制
▲機背有相機及指紋識別器
▲機底可見喇叭及 MircoUSB 位
▲2.5D 玻璃實在令美感上生色不少
指紋識別器 功能冇 Mate S 咁實用
早前籮文試過同樣係 Huawei 嘅 Mate S，我評佢為「將指紋識別器用到盡」。見到 G7Plus 當然期待佢有同樣表現啦，點知差好遠… Mate S 嘅指紋識別器可以俾你左右 Swap 上下 Scroll，睇相嘅時候非常方便。今次 G7Plus 嘅指紋識別器就只可以上下拉通知欄，影相時當快門。雖然只係冇得「左右」仲有得「上下」，但你諗留意吓你平時用手機，「左右」多定係「上下」多。相信 Huawei 係希望為 Mate S 留一啲明顯優勢先封咗 G7Plus 指紋識別器嘅某啲功能。不過同 MateS 一樣，註冊指紋極快，掂咗三四下就話完成，我仲以為自己 Skip 咗步驟，原來 G7Plus 同 MateS 等有指紋功能嘅 Huawei 機一樣，有學習嘅技術，一路用佢就一路繼續收集你指紋。
▲註冊指紋極快，掂咗三四下就話完成，我仲以為自己 Skip 咗步驟，原來 G7Plus 同 MateS 等有指紋功能嘅 Huawei 機一樣，有學習嘅技術，一路用佢就一路繼續收集你指紋。
▲依度可以見到指紋識別器可以做到嘅嘢，接電話、停鬧鐘…
RBGW 相機 自拍幫你化埋妝
Huawei G7Plus 擁有 1,300萬像素 f2.0光圈主鏡頭，搭配光學防手震(OIS)技術，而且有雙色LED閃光燈，最主打嘅就係 RGBW 感光元件，除咗三原色外加上白色，暗光環境下就可以提高感光度，用黎夜拍就更出色啦！而且有幾種趣味拍照模式，例如美食、美顏等等，仲有一個化妝 Mode，用 500萬像素前置鏡頭自拍時可以幫你化埋妝添！「車，用美妝相機 App 未得囉」。雖然 美妝相機 App 仲多妝俾你揀，不過 G7Plus 有實時預覽呀嘛，用 App 要影完相 import 入去搞又點同呢！而且化妝功能支援最多兩人合照，第三個入鏡嘅人就要素顏啦！
▲影相介面繼續係似 iOS 相機
▲f2.0 大光圈，淺景深效果好易做到
▲1,300萬像素都夠用啦，加上有 OIS。放大見到冇乜鬆郁矇情況
▲化妝功能就係咁囉，我知， model 本身都有化妝，好難睇到效果呀嘛
▲咁樣得未？效果非常明顯，但係自唔自然呢就見人見志啦
▲化妝功能支援最多兩人合照，第三個入鏡嘅人就要素顏啦
1080p 屏幕 色彩表現唔錯
G7Plus 嘅 5.5吋全高清屏幕，擁有高達 1920×1080 分辨率，機內預載籮文最鍾意嘅 As One 嘅 Candy Ball MV，睇到色彩飽和度非常唔錯，加上 2.5D 玻璃畫面令畫面更富立體感，好似浮起咗一樣。不過睇 MV 時就暴露出一個弱點，就係喇叭音量有啲細，用家都係戴返耳機啦。
▲機內預載籮文最鍾意嘅 As One 嘅 Candy Ball MV，睇到色彩飽和度非常唔錯，加上 2.5D 玻璃畫面令畫面更富立體感，好似浮起咗一樣。
籮文：「機靚 影相靚 有指紋識別的中階機」
Huawei 嘅機喺籮文心目中都係機身設計唔錯，依部都唔例外，金屬機身加上2.5D 玻璃，令個樣更似旗鑑。而依個價位黎講，影相效果亦不過不失，化妝功能亦好搞笑（實用程度就要問女孩子）。至於指紋識別功能，雖然冇 MateS 同樣功能，令籮文感到有點兒失望，但 Huawei 將指紋識別功能帶到中階機市場，讓更多人有機會享受依個功能，都係好事！
售價：$ 2,980
查詢：8128 8810（Huawei）
一 Click 即錄兼可編輯！Google Play Games 遊戲錄影 App 正式登場
隨著互聯網及社交網絡發展得越來越成熟，近有有越來越多人都喜歡錄製各種遊戲影片與其他人分享。雖然目前手機上已有不少錄影 app，但 Google 今日終於宣佈將會推出一款 Google Play Games 應用程式，可以讓玩家錄製任何遊戲影片，不知由 Google 推出又會否提高大家的信心呢？ (閱讀全文…)
