前幾日唔少 wire 民係 Telegram 討論 Baubax 的 Bomber jacket，好似話背部同上臂太鬆身覺得太騎呢唔敢著喎！今日我依莉詩就發現尖沙咀誠品入面的 25TOGO 有得試著，一於望下係咪所講咁怪先！
女裝外套幾貼身
有留意的 wire 民應該都知道呢件堪稱外套界的瑞士刀之前係 Kickstarter 集資成功，並係上星期左右發貨。但呢件外套咁特別，唔試上身又點知啱唔啱自己呢，好彩俾我發現 25TOGO 有齊連帽外套、防風型外套、 Bomber 飛行外套 同 無皺西裝外套 4款俾大家試，而且男女裝、唔同 size 都有添，咁就可以試清楚先訂。
其實 Baubax 的外套外表睇落同普通外套無分別，勝在夠多袋，可以放晒的嘢上身，著件外套就出得街。我試咗藍色的防風型外套 同 紅色的 Bomber 飛行外套，著上身我覺得都幾好睇，唔會話太騎呢，不過件外套都幾重，特別係帽入面的充氣頸枕好大舊，好似有舊嘢頂住咁唔多舒適，所以如果比我會拆咗個充氣頸枕先出街。
▲ 呢件 Bomber 飛行外套以我呢 D 迷你身型嚟講個碼就大咗少少，如果唔係應該都幾貼身。
▲呢件防風型外套著落同普通風褸差唔多，外人唔會估到你收埋好多嘢。
▲ 至於無皺西裝外套(左)同 多功能連帽外套因為係男裝，所以無試到，不過就覺得西裝有帽好怪。
▲好彩西裝的帽可以拆，不過拆咗就真係同普通西裝無分別，無晒 D 功能。
真係有齊 15種功能？
睇 Kickstarter 講到件外套有成 15種功能，不但可以變出頸枕、眼罩、手套、眼鏡布、原子筆、觸控筆，仲可以收納 iPad、手機、護照、小被單、飲料。到底又係咪真係可以咁利害呢？
1) 充氣頸枕
頂帽入面收埋咗個充氣頸枕，用口一吹就可以充氣，按一個鍵就可以放氣。咁旅行搭長途車就唔洗額外再旅行頸枕了。
▲ 我都知唔少 wire民想知個頸枕易唔易吹，不過始終呢套係 Display，我就唔敢吹啦，或者大家可以去試下嘅。
2) 眼罩
帽入面隱藏了一個眼罩，
▲ 如果想頸枕同眼罩同時用的話，唔知係咪我 D 頭髮太長，就係覺得似一舊舊，好混亂，好似露宿者。
3) 手套
外套的袖口位置暗藏了一個保暖手套，可以隨時保持雙手溫度。呢個設計幾實用，手套的布料都幾舒服。
4) 耳機暗格
外套同帽的邊緣有 5個繩圈，可以穿入耳機，唔怕耳機線亂成一團。
5-6) 電腦觸控筆＋原子筆
拉鏈的地方有支平板電腦觸控筆，而另一端就係伸縮原子筆。雖然件外套可以拎去洗，不過記得拎番支筆先啊，唔係就 gg 了。
7) 【超細纖維眼鏡布】
係內袋有塊微纖維抹鏡布，方便抹眼鏡，唔洗再用衫袖啊！
8) 平板電腦袋
外套仲設計咗一個 10英吋的口袋，
9 – 15) 袋、袋、袋、袋、袋、袋＋袋
最尾一個功能就係毛巾袋、飲料袋、手機袋、太陽眼鏡袋、多層保暖口袋同護照袋。坦白講，就咁睇實物真係唔知乜袋打乜袋，不用分那麼細吧！
▲ 就是很多袋就對了。
Kickstarter 好物發現
除咗呢件外套，仲俾我發現到 25TOGO 有好多 Kickstarter 的產品展示，有 D 有現貨，有 D 就要訂。如果芍 Kickstarter 有咩產品有興趣，都可以留意下呢度有無實物睇啊！
▲ Mega Tiny 奈米抗重力手機殼
▲ 呢個 Prynt 即影即有手機殼唔需要連接Wi-Fi或藍牙，只需要套上Prynt手機殼，就可以將手機影嘅相，即刻打印出黎，根本就係一部手機專用嘅即影即有啊！
▲ 而呢條澳洲 LifeLink 可折疊式傳輸充電線將充電線體積縮到最小，可以放入銀包隨身攜帶。
▲ Lumin AID 太陽能發光袋收納時只有約一包紙巾大小，而且內裡係一塊太陽能板，能快速吸引陽光或燈光充電，係遠足露營和行山晨運必備良品~
▲ Minipresso 手壓濃縮咖啡壺之前都相當出名，唔駛任何電力都可以沖到咖啡。
查詢：Searching C (2568 2778)
Blazer $1650
Bomber $1450
Windbreaker $1350
Sweatshirt $1250
相關影片 :
分享到 :
最新影片
