Asus 正式發表 ZenWatch，金屬混合皮革外表，感覺比之前見過的 Android Wear 高貴，但究竟佢佩帶感覺係點，同錶內有咩特別功能？就等小編 同大家試玩一下。(以下有更多資料。)
老實講試過幾款 Android Wear，小編 覺得佢地款款都差唔多〈Moto360 除外〉，來到 Asus ZenWatch，錶芯都係正正方方，但巧妙地用了真皮錶帶，感覺好似冇咁電子錶，稍為高貴少少。至於錶芯，原來它們用了弧形玻璃面設計，屏幕有 1.63 吋 AMOLED 屏幕，解像度為 320 x 320，畫面都算幾靚，但新鮮感就唔多夠。
▲ 使用皮革錶帶感覺新鮮，而且錶帶可隨時替換。
ZenWatch 配置就唔多講 (款款都幾乎一樣)，但除了見慣見熟的 Android Wear 介面，原來它都有唔少獨門功能，其中好似 Gear Live 咁可量度心跳率、手錶解鎖、手機相機的 Remote Viewfinder、尋找手機及簡報遙控等功能，而且配合 Asus ZenUI 介面還可兼作 What’s Next 及 Do It Later 提示功能，感覺好似多元化一點，但可惜小編 現場冇法詳細逐一試。
▲ ZenWatch 跟 Gear Live 一樣可量度心跳率，但方法不是對準感應器，而是把兩指放到屏幕兩側。
▲ ZenWatch 一樣使用 Android Wear 介面，故此未跟 Asus 手機配對前，功能都是差唔多。
ZenWatch 雖然有皮錶帶，定價亦相對便宜，但始終 Android Wear 仍未有突破性功能吸引小編 考慮，除非你真係初始接觸，不然這價錢有更多其他選擇，例如 Pebble Steel 等。
售價：$1,998
查詢：ASUS (3582 4770)
【評測】ASUS ZenFone 11 Ultra 外形 手感 屏幕 相機 效能詳細開箱評測 【評測】ROG Zephyrus G16 (2024) 外形 手感 打機表現 效能 鍵盤 端子開箱評測 【評測】ASUS ZenBook Duo 外形 手感 功能 使用體驗 屏幕 操控 效能開箱評測
