你以為我係燈？其實我係一個喇叭！你以為我係一個喇叭？其實我係一盞燈！嘩，咁複雜？其實一啲都唔複雜！Sony 在今年的 CES，唔止發佈全新音樂播放器、4K 電視等，仲發佈了呢款名為 Symphony Light Speaker 的喇叭燈，放係睡房床頭櫃又得，吊係天花板亦得，得咗！
查實呢款 Symphony Light Speaker 係舊年 CES Sony 公佈的 Life space UX 計劃入面的其中一件最新產品，作用嘛，產品名都話咗俾大家知：平時用來做睡房燈，又可以播放悠揚音樂，等大家可以放咗工沖完涼，入到睡房攤係張床度，係手機 / 平板無線傳送歌曲去盞燈度，然後聽住歌輕鬆番陣。根據外國網站體驗過，呢盞睡房喇叭燈，音量絕對足夠大家係睡房聽歌，而且音效清脆悅耳，感覺都幾正！
燈連喇叭，呢個諗法真係幾唔錯。
唔止放係檯，吊係天花板都得！
睇完介紹大家係咪好想買呢？咪住，其實今次 Sony 展出呢件產品，只係屬於試驗品，暫時仍未公佈確實推出日期同售價，不過呢盞喇叭燈都唔係好高科技唧，睇來應該唔洗實驗好耐，都會推出市場啦。如果售價合理，唔知大家又會唔會買番盞放係睡房，等屋企嘅型格指數大幅提升呢？
來源：TheVerge
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
分享到 :
最新影片
