小編：「設計貼心最低配置較抵用」 - Asus ET2323

作者

David
發佈日期

2015-02-26
閱讀時間

6分鐘
字體大小

自從大家多用手機平板，電腦某程度已成為屋企擺設，唔想再好似以前咁亂七八糟？除了轉會 iMac Retina，較早前 Asus 都有推出新的 ET2323 All In One PC，賣點除了搭載 Intel 最新配置，本身設計亦有唔少有趣地方。（以下有更多資料。）

設計似 Asus 芒邊框太粗

這台 ET2323 第一眼就覺得設計同佢地啲顯示器差唔多，黑銀顏色為主，方形底座配幼身柱體，當然機身會比較厚，但最詫異係邊框比想中厚，幾乎每條邊框都放得落 2 根手指，感覺好似想「撐大」部機。使用體驗方面，佢同 iMac 最唔同係支援 Touch 功能，再加上鍵盤滑鼠，感覺好似使用巨形 Tablet。常用介面如讀卡器、耳機頭都設在屏幕前方底部，使用時唔算好麻煩，但最唔方便小編認為係底座冇垂直升降，如果工作檯較矮就可能要「疊高」才有最佳視覺。

▲ 設計跟 Asus 顯示器差不多，但機身會厚一點。

▲ 機背設多組 USB、HDMI 及 LAN 接口，而且還設天線 (可接收香港頻道的 TV Tuner) 、HDMI 輸入。

▲ 屏幕下方提供耳機、收音咪、讀卡器及 USB 3.0 接口。

▲ 附送 2.4GHz 標準無線鍵盤滑鼠。

▲ 屏幕邊框比較粗。

▲ 屏幕支持 10 點觸控，還可用鉛筆上寫字畫圖。

底座有 NFC 兼無線充電

組裝 ET2323 時，小編發現底座好似好多功能，睇真啲底座表面原來有 NFC 及 Qi 無線充電，只要把手機放到底座上就可充電或透過 NFC 傳送檔案，但前提手機必須有 NFC 及支援 Qi 無線充電，基本上 LG G3、Nexus 6 等已經可以了。此外，底座旁邊還有一個 USB 接口，佢唔係普通 USB Hub，它主要是 Ai Crosslink，用途是經 USB 把 2 台電腦連接起來，方便一些有 Notebook 的用家「過 File」。

▲ 底左前方的左右邊分別支援 Qi 無線充電及 NFC 傳輸功能，但小編試玩時發現 Qi 充電果邊要擺放得很準確。

▲ 底座旁邊的 USB 頭，可以用跟來的 USB 線來接駁其他 Notebook 或電腦直接過資料。

相關文章:

大專手提電腦優惠計劃 2024　各電腦品牌學界獨家優惠

用新處理器但冇 SSD

ET2323 同現時其他 AIO PC 分別係機內搭載今年最新 Intel 第 5 代 Core 處理器，小編手上的配備 Core i7-5500U、8GB RAM 及 GeForce 840M 獨立顯示卡，規格屬三個型號中最貴，性能非常足夠，但顯卡打機唔太夠力，不過致命傷仍是機內只搭載傳統硬碟，即使入 Windows 都要稍等一會，老實說新機來講係較難接受。

▲ 新 CPU 配搭低階顯卡打機表現一般，打 Battlefield 4 選用 1080p 低畫質都只有 35-50fps 左右。

▲ 小編手頭的配置屬 2TB 硬碟，但實際使用的屬 1TB 硬碟，速度跟 SSD 有很大差距。

▲ 屏幕解像度為 1,920 x 1,080。

▲ 機內有專用 Asus Manager，可調整機能、備份及充電等功能。

▲ 機內還預載了一些音樂遊戲，適合親子一同參與。