近年 MacBook Air 已成為外出工作標準配備，原因無非都係夠輕薄同唔貴，難道 PC Notebook 真係冇選擇？最近 Lenovo 推出全新 Yoga 3（11 吋），賣點是輕量化後重量更貼近 MacBook Air 11，而且規格亦用了最新 Core-M，唔知用起來感覺如何呢？（以下有更多資料。）
更輕薄 設計追貼 MBA
其實 Lenovo 去年都有推出 Yoga 2（11 吋），但缺點係 11.6 吋 Notebook 竟然比 MBA 13 還重，睇完數字都幾乎冇晒興趣。不過，今年 Yoga 3（11 吋）機身再重新設計，外表雖則更「膠」，但拿起已即時覺得輕咗好多（重約 1.2kg），感覺似膠殼 MBA 11。不過，設計上 Yoga 還可摺疊當 Tablet 使用，屏幕支援輕觸，而且機旁除了 2 組 USB, 還有 SD 讀卡器，如果好似小編 咁經常要「過相」就唔洗再為帶讀卡器煩惱。
▲ Yoga 3 11 設計比去年更薄身，但膠感就較重。
▲ 機旁提供 1 組 USB 3.0、 2 組 USB 2.0 (包括黃頭)、讀卡器及 Micro HDMI 輸出。
▲ 鍵盤屬標準設計，按鍵大細尚可，打字感覺比較實。而 TouchPad 就意外地唔太細。
▲ Yoga 一貫設計，屏幕可向後反至變成 Tablet。
升級 SSD、1080p 芒！負載可用 5 小時
最近 Notebook 都陸續使用 Intel 第 5 代 Core 處理器，但 Yoga 3（11 吋）就反而搭載 Core M 處理器，主要原因是功耗低，性能亦比 Yoga 2（11 吋） 用的 Pentium 優勝。此外，這次機內將全數搭載 SSD 硬碟，容量為 128GB，屏幕最終升級為 1080p，而 RAM 亦升級為 8GB DDR3L，規格比 Yoga 2 11 有明顯改進，操作反應亦爽快得多。至於大家最關心的續航力，小編 用 Battery Mark 測試錄得負載可連續運作 5 小時左右，這代表日常使用會更耐用 (約 7-9 小時)，以 11.6 吋 Notebook 來說續航力算唔錯，而且它跟來的火牛跟 USB 火牛差唔多，帶埋出街負擔都唔會好重。
▲搭載 Core M-5Y10c 處理器、8GB RAM 及 128GB SSD。（小編 手上的搭載了 5Y71）
▲ 預載 Windows 8.1 作業系統，而機內亦提供 Lenovo Setting 等管理軟件。
▲ 屏幕升級為 1080p，睇文字比較清晰。但顏色整體比較偏暖 (微偏黃)。
▲ 用 Battery Mark 測試錄得預載可連續運行約 5 小時。
小編 ：理想配置！續航力夠強
今年推出的 Yoga 3（11 吋）終於「似返樣」，雖然重量仲差少少先追到 MBA 11，但它擁有 1080p 輕觸屏幕、8GB RAM、讀卡器及 Core M 處理器，小編 認為以上條件換取重 120g 十分超值。售價方面，香港定價為 $6,998 起，售價比 MacBook Air 11 貴約 $310，而香港網店暫時只有單一型號，老實說條件相當唔錯，如果閣下都係諗住買 MBA 11 裝 BootCamp 的話，那不如考慮 Yoga 3（11 吋）吧！
售價：$6,998
查詢：Lenovo（2516 3938）
相關文章:
【評測】Lenovo Yoga Slim 7i Aura 版本深入評測 機身硬淨 + AI Now 可離線比對內容 Lenovo ThinkPad X9 Aura Edition 系列, Imagined with Intel高階商務手提電腦 專門設計的硬件與智能體驗迎接 AI 新時代 【橫濱直擊】直擊 Lenovo 日本「大和實驗室」 感受 ThinkPad「十大酷刑」確保品質
分享到 :
最新影片
