近年超長 Zoom 的「長砲機」愈出愈勁，隨手拿部都有 1,000mm 焦段以上，仲嫌唔夠遠？Nikon 今日發佈全新 Coolpix P900，佢最特別係配備 83 倍光學變焦，最遠可達 2,000mm 焦段，Zoom 到最遠幾乎影唔晒個月亮．究竟咁長焦用起來係點，就等小編 幫大家試試喇！（以下有更多資料。）
單靠光學 Zoom「打月」
「長砲機」關鍵當然要 Zoom 得遠！之前 Canon 的 SX60 HS 有 1,365mm 其實已經 Zoom 得好遠，但同 Nikon 今日推出的 Coolpix P900 （下稱 P900） 相比，單靠光學變焦已經有 2,000mm！不過 2,000mm 影到乜？小編 經驗用 SX50 HS 1,200mm + 2 倍數碼變焦可拍攝到「月球」唔洗再 Crop 相，相反 P900 單靠光學變焦已經有相同效果，換言之相同焦段下相片會更細節更清晰銳利。
▲ 24mm 廣角時。(身處 The One)
▲ 2,000mm 廣角時。
▲ 啟用「動態細緻變焦」(2x 數碼變焦) 即 4,000mm 時。
▲ 啟用 4x 數碼變焦 即 8,000mm 時。
5 級防震效果「堅」！ 內建 WiFi/GPS！
Zoom 得越遠越易手震，因此「長砲機」通常都會有防手震設計，而 P900 就內建全新「雙重偵測光學減震」系統，可提供最強 5 級減震效果，小編 試過最遠 2,000mm 時 1/60s 都可確保影像清晰，效果算唔錯。規格方面，P900 用了 1/2.3吋 1,610 萬像素 CMOS 及 Expeed C2 處理器，支援拍攝 1080p 60p 短片，操作反應比去年試 Coolpix P600「爽」好多，而且這次機內還內置 WiFi 及 GPS，條件唔錯。
▲ 可拍攝 1080p 60p 短片。
▲ 機內有齊 WiFi / NFC 及 GPS ( GLNASS / QZSS) 功能。
相關文章:
Nikon 正式完成收購 RED 現有產品系列將維持不變 Nikon 全面收購 RED 冀擴大及快速增長電影攝影機市場 Nikon 與 NASA 簽訂合作協議 將在未來登月計劃採用其相機
手感唔錯 但單反咁重!
P900 只係「長砲機」，但外觀其實同 D7200 幾似樣，尤其機身用了磨砂殼，感覺冇咁「膠」。不過，此機最嚴重係頗重（重 899g），重量比一部 DSLR + Kit 鏡頭更「墜手」，幸好手柄設計夠高夠深，所有手指都容納到，因而拿起手感還好，但長期手持始終不利。其它設計，機背擁有 3 吋可鈕屏幕，畫面唔算超細緻，純粹取景都尚可接受，但說到美中不足仍是機頂沒有 Hotshoe，因此不能當「工作機」用。
▲ 機身唔輕，但幸好手柄設計舒適，拿起唔覺很「墜手」。
▲擁有 3 吋鈕芒設計。
▲ Zoom 盡 2,000mm 時鏡頭幾乎是機身的長度。
ISO 800 極限！對焦、相片質素普通！
「長砲機」雖然 Zoom 得夠遠，但如果對焦唔夠快，Zoom 到去火星都係冇用。小編 試玩過 P900 一陣發現對焦反應比 P600 大幅改善，平均 1 秒就完成，速度比 SX60 HS 仲差一點，但整體都算唔錯，只要變焦速度比較慢。至於相片，24mm 廣角時質素還好，但 Zoom 盡 2,000mm 後質素就稍為下降 (加 Digital Zoom 問題更嚴重)，原因主要係細節較「散」同雜訊有關，而粗略測試此機極限為 ISO 800，再上細節會被刪去。
▲ 正常焦段拍攝相片細節銳利。
▲ ISO 800 已經細節清晰情況下的極限。
小編 ：「光學 Zoom 打月！可惜仲係唔夠快」
Coolpix P900 雖然有超長 2,000mm 焦段，但可惜機能終於未夠強，速度比之前快，手持拍攝「月亮」或「靜態雀鳥」是足夠的，但動態的就比較吃力。不過，此機最大缺點係定價 $5,480 稍為太高，一來質素受限於 1/2.3 吋感光元件，其次冇 Hotshoe 想用作「工作機」又唔得，這點小編 不得不讚 Canon SX60 HS，但冇可否認 P900 的改進很有驚喜。
相關文章:
Nikon 正式完成收購 RED 現有產品系列將維持不變 Nikon 全面收購 RED 冀擴大及快速增長電影攝影機市場 Nikon 與 NASA 簽訂合作協議 將在未來登月計劃採用其相機
分享到 :
最新影片
