依家無論 3歲定 80 都有部手機喺身，見乜就影乜，但手機前置鏡頭無補光燈，後置補光燈又唔夠力，想喺背光或者昏暗環境影相始終都差少少。今日就介紹呢個同鎖匙扣差唔多大嘅「冬甩」環型補光燈俾大家，等大家隨時都可以影到靚相。
解決背光煩惱
冬甩雖然只有 10g 重，但就有 8粒全光譜白色 LED燈，會發出如自然光嘅亮度，解決影相背光嘅煩惱。佢不但可以插喺 3.5mm 耳筒埠上，當前置或後置補光燈用外，佢仲內置 55mAh鋰電池，可以獨立當補光燈用。
▲ 插喺 3.5mm 耳筒埠可以 360度旋轉，轉前轉後都影得。
▲ 只要插入附送的轉接器就可以用 USB 充電，每次充電後可拍攝 100張照片。
▲ 冬甩有內置充電池，可以按燈後按鈕獨立使用。
▲ 只要按下燈後的按鈕，就會著燈持續 6秒。
自拍補光加美肌
冬甩除咗可以補充手機只有後置閃光燈嘅問題，令用前置鏡頭都可以補光外，佢發出嘅 4500K 色溫仲可以柔化膚色，令自拍更靚更自然。另外，35mm 環形柔光鏡設計更可以反射出一個圈圈，令眼睛有「水汪汪」嘅感覺。
▲ 沒有加上冬甩(左圖)的皮膚比較暗啞，加了冬甩(右圖)後，成功補光之餘顯得 Mikie 膚色更好。詳情可參考上一篇文章
相關文章:
Legion Glasses 2 諜照流出 以及更多 Legion Go S 資料被披露 聯想推出旗艦筆電開天 X1 G1d 碳纖機身採用國產兆芯 KX-6000G CPU 大專手提電腦優惠計劃 2024 各電腦品牌學界獨家優惠
微距打燈兼減亂
冬甩除咗可以用嚟自拍補光，用喺後置補光都得。特別喺微距拍攝可以減低後置閃光燈出現過曝的機會，冬甩更可以營造集中光源嘅效果，消除背景嘅雜亂感之餘，突出主體線條。
▲ 微距時用後置閃光燈拍攝會出現主體過曝。
▲用冬甩補光後背景顯得無咁雜亂，花的線條亦突出咗。
獨立補光變迷你影棚
冬甩內置 55mAh 鋰電池，可以獨立當補光燈用，替一 D 光度唔平均嘅主體補光。另外，只要將冬甩放喺文件夾上充當腳架同反光板，任何地方都可以瞬間變成迷你影棚，可以隨意幫自己嘅首飾或小擺設影沙龍。
▲ 有 D 時候側光會令主體光線唔平均，容易出現影子
▲ 利用冬甩就可以令光線更平均打到貓上。影子亦比較柔和
售價：$168 (各大零售商有售)
查詢：BrightStar（8118 0800）
相關文章:
Legion Glasses 2 諜照流出 以及更多 Legion Go S 資料被披露 聯想推出旗艦筆電開天 X1 G1d 碳纖機身採用國產兆芯 KX-6000G CPU 大專手提電腦優惠計劃 2024 各電腦品牌學界獨家優惠
分享到 :
最新影片
