有時見到有個靚仔 / 靚女喺街度，都想話開口問佢拎電話，但華人心態始終係較為內斂，驚「火羅」驚「瘀」，就算朋友點鼓勵都唔肯開口，有陣時一段情緣往往就係咁擦身而過，到錯過咗先嚟後悔莫及…(下刪一萬字後悔感言)。唔想錯過自己嘅機會，其實而家可以借助手機應用程式搵返同你擦身而過嘅人，以後唔使再怕有擦身而過嘅遺憾喇！手機應用程式 Happn 就可以幫你「尋人」喇！
Happn 係咩嚟？
Happn 其實係一款由法國開發嘅交友手機應用程式，旨在幫助大家尋找在身邊擦肩而過嘅人。呢個概念甫出現，旋即喺紐約、倫敦、巴黎、莫斯科等大城市掀起一片熱潮！現時世界各地已經有達 1200 萬用戶使用緊 Happn。但係有啲咩嘢功能呢，以下就會簡單介紹下！
打破心理關口：幫你開口說話 只要一 「like」即可
Happn 可以幫你開口，衝破心理關口踏出第一步！界面上，佢會顯示喺你附近出現過嘅人。如果你咁啱喺附近 Coffee Shop / 自修室工作中，又見到令你念念不忘嘅人，你就可以打開 Happn ，睇下搵唔搵得到佢啦1！每個 Profile 都會有佢嘅相片，只要一按「心心」按鈕，就代表你 「like」佢喇！
安全性提高 喺 Facebook 擷取資訊減低冒認風險
雖則科技發展一日千里，但仍然有好多人覺得用 App 去識人好唔安全，一來怕會洩露自己資料，二來又驚佢幫我亂咁 Post 嘢上 Facebook，三來又唔知啲人係咪真嘅，一陣唔小心被騙就唔好喇。Happn 嘅好處就係，用戶必須使用 Facebook 帳戶去連結 Happn 嘅戶口，透過 Facebook 上嘅資料，你可以更容易確認對方嘅身份，避免有人「借相」冒認，更重要嘅係，Happn 唔會亂咁幫你 Post 嘢去 Facebook，自主權完全喺用家手上。
驚佢唔知道你 Like 咗佢？可用「Charm」功能放電
Happn 嘅 Like 係不通知對方嘅，只有當大家互相 Like 咗大家先至可以開展對話。不過假如你進取一啲，心思思好想快啲俾佢知道你 Like 佢，就可以善用「Charm」功能，「Charm」功能就可以將你嘅傾慕直接話俾對方知道，對方接受你就可以對話。假如係女仔嘅話，更可以任用「Charm」功能。男仔亦無需擔心，因為一開始亦都附送幾次「Charm」，之後仍可以購買「Charm」次數。
做朋友係取決雙方嘅：對方 like 咗，先有機會對話
正所謂姑丈孤掌難嗚，任何溝通都要雙方願意，先至成事，因此只有一方「Like」咗你而對方未「Like」返你，你地之間都未必開展到對話架！但如果對方原來都想認識下你，而佢又咁啱都「like」咗你，咁系統就顯示你哋自動「Crush」(心動) ，即係撞到呀，唔係，係心如鹿撞至真！呢個時候，就可以喺 Happn 內開展對話喇。
製造話題無難度：睇到大家嘅共同興趣兼鍾意聽嘅歌
有啲男仔好似小編未必知道點樣容易啲打開話題，男女之間最怕係無話題，但 Happn 可以連結個人的 Instagram 及 Spotify 帳戶。Instagram 可以令你得知佢平日活動做啲咩多，去過啲咩地方出沒等等，Spotify 則可以顯出對方嘅聽歌取向、風格、喜好等都可以得知。
人唔知點解對於一啲「巧合」特別著迷。Happn 會話你知你同呢位心儀對象到底相遇咗幾多次，你就可以更容易搵到話題喇！
其實要打開話題，絕對唔難，難在你肯唔肯行出第一步去同對方 Say 個 Hi？
用後感 ：教你增加「認人」&「被認」機率
1. 被認篇：唔好 PS 得太誇張
講到明係一個「尋人」App，首要條件必須係俾人「認到」，雖然而家修圖好方便，大家都想網上自己係靚靚，但係切忌 PS 得太過份，一來大家有機會見過真人，到時認唔出係你就唔係咁好。可以試下加返啲容易認嘅飾物，咁就可以增加被「尋」機率。
另外，就係影 Profile Picture 唔好咁多「猶抱琵琶半遮面」嘅相，假如張 Profile Picture 係喺 Facebook 自動拎過嚟嘅，其實你都可以喺 App 嘅左手邊一行，選擇返自己戶口名，加入返自己嘅靚相，就唔使怕要特登走去 Facebook 轉。
2. 尋人篇：記得按入去睇佢 Profile + 縮窄年齡範圍
至於要「尋人」嘅用戶，齋睇一幅相係好難判定係咪你見過果個人。記得佢有連結 Instagram 戶口功能，假如佢有連結到 Instagram 戶口，都可以睇返佢 Instagram 嘅生活照片，就可以更加確認到對方身份喇。
另外，可以善用 App 內嘅年齡鎖定勁能，可以設定搜尋對象係大概咩歲數之間，咁就唔使大海撈針喇！
3. 留意相遇次數，增加「咁橋」感覺
Happn 唔止會顯示出你嘅興趣、Profile 等等，但除此之外，你可以留意大家曾經相遇過幾多次。只要喺主頁瀏覽時，留意每張相左上角都有提到你哋相遇過幾多次架喇！咁咪可以大增「好橋」嘅感覺囉！
4. 最後忠告：最緊要勇氣！
有時得個講字真係天下無敵，但其實唔肯踏出第一步，你永遠都唔會識到果個人。只要你有信心肯定係「果個人」，咁就按下「Like」啦！反正如果對方唔「Like」返你，對方係唔會知嘅，呢個 App 嘅好處在於你唔怕「食檸檬」。
Happn 不止支援 iOS 同 Android ，更加支援 Windows Phone。因此，只要上 App Store / Google play / Windows Phone Store 免費下載 Happn (記住唔係 Happen，無個 E 字架)，簡單安裝後，將你嘅 Facebook 戶口同 Happn 連結，就可以開始使用，你準備好搵返你 Lost 咗果個人未？
分享到 :
最新影片
