由 4 月 2 日至 4 月 5 日，當代水墨人物畫大師劉振夏將會係香港舉行佢首次嘅個人展覽「墨韻傳神－－劉振夏人物畫展」，一共展出佢前期同隱世三十年所創作超過五十幅嘅水墨人物畫。
關於劉振夏
生於 1941 年嘅蘇州水墨人物畫家劉振夏， 1962 年畢業於蘇州工藝美術專科學校，其後更曾任校長以及蘇州市文學藝術界聯合會主席等職，現為中國美術家協會會員以及中國畫學會理事。 1981 年至 1982 年正當聲名鵲起時，為咗追求藝術新高度，遠離名利，沉寂近30年潛心創作，終於 2011 年元旦復出。劉氏嘅人物畫造詣極高，作品得到無數藝壇大師、藝術家、藝評家的讚嘆及賞識，包括水墨人物畫大師方增先評其作品「人物生動、造型能力強、水墨技法表現力好」。
「墨韻傳神－－劉振夏人物畫展」
今次展覽將會展出劉氏超過五十幅作品，時期由 1966 年至 2014 年，橫跨 48 年。今次呢批作品展現了人物嘅不同形象及造型，當中包括陝北牧人、彝族人物、藏女、印度修行者，江南水鄉人物如漁婆、村姑村婦、小女生等等。當中大部份都係以單一人物為題材，亦有幾張群像畫。其中 1980 年創作嘅《漁婆》得到很多讚譽，圖中漁婆神態活靈活現，形神俱備，讓觀眾深深感受到佢善良快樂嘅正面形象。
以下就係劉振夏先生係今次展覽所展出嘅部分作品：
三十年「不展出、不賣畫、不送畫」 靜心打造最高藝術成就
劉振夏先生隱世三十年中，堅持著「不展出、不賣畫、不送畫」的原則，於姑蘇城內專心作畫，致力於水墨人物畫的創作及研究。幾乎每一個人物，不論路途幾遙遠崎嶇、氣候幾惡劣、位處有幾荒蕪，都堅持親身觀察，細心捕捉各人物神情動態，將其展現係水墨畫出，人物形象亦尤其飽滿。展期雖然有點短，但絕對係每個 Art 人今個週末不可錯過嘅展覽之一啊！
展覽日期︰ 2016 年 4 月 2 日至 4 月 5 日
時間︰上午 9 時至下午 8 時（4 月 2 日至 4 月 4 日）
上午 9 時至下午 3 時（4 月 5 日）
地點︰香港大會堂低座一樓展覽廳（香港中環愛丁堡廣場五號）
查詢︰2890 9811
分享到 :
最新影片
