早陣子筆者的 Facebook 就被黎天王洗版，身邊朋友個個都 post 在核心內圍或者外圍聽黎明演唱會的相、片，而黎明更是第一個本地歌手在演唱會玩 Facebook Live 直播以及航拍，認真潮爆！今日黎明就連賣呢個演唱會的碟都潮過人，一於用上近年流行的眾籌方式，要賣夠 1 萬隻先成團出貨，超 in！
一萬隻太多？驚成唔到團？你真係太睇少黎天王的呃 like 實力啦！今日傍晚才開賣，幾個鐘而家已經賣了接近 8 千隻，離成團目標只係差 2 千零隻度，大家還需要擔心嗎？而今次呢隻碟就紀錄了今次黎明剛剛在中環海濱舉行的演唱會的實況，還要是由 HD 至 4K 素材合製而成。雖然 $200 隻碟真係唔算貴，但運費要成 $44，認真「拿利」。不過 $244 入面，有 $20 係捐俾慈善團體（公益金及 UNICEF 各 $10），既可支持黎天王又可以做善事，抵啦，係咪？（據聞好似隻碟仲有黎天王簽名架！）
如果仲未入手，<按此>就可以入去買到架啦，截止日期為 5 月 26 日 11:59pm。
