《Pokémon Go》雖然出咗幾個月，但好多人熱情仲未減退。相信今個星期 Pokémon Run 嘉年華又會引來一大班小精靈訓練員出動啦！
Pokémon Run 繽紛嘉年華
不論有無參加 Pokémon Run賽事，所有大人小朋友都可以免費入場，與 Pokémon 歡渡開心周末同周日！ 當日除咗有Pokémon主題嘅遊戲攤位、絕對呃到你like嘅影相位、一定要打卡嘅 8米巨型比卡超，仲有好多精美嘅獎品等緊你！現場更有多款珍貴嘅Pokémon展品，Pokémon fans 點可以錯過！
日期：2016年12月3日 ‑ 4日 (上午10時 ‑ 下午6時 )
地點：香港科學園 》香港新界沙田科學園科技大道東1號
青山醫院「五十五周年開放日」
成日話人係青山出嚟，今個星期你就有機會進入青山，了解呢個神秘地。今次開放日嘅主題為「康復進程齊肯定 燃點希望新里程」，當日活動非常豐富，包括醫院參觀及導賞、攤位遊戲、表演活動、健康教育講座及展覽活動等等，仲有免費穿梭巴士往來兆康港鐵巴士總站及屯門公路巴士轉乘站添！
日期：2016年12月3日 (上午10時 ‑ 下午4時)
地點：青山醫院 》新界屯門青松觀路15號
大棠紅葉節2016
大棠紅葉已經成為冬天港人必到嘅打卡點，今年漁農署主辦更舉辦紅葉節，一班郊野公園義工會帶大家賞紅葉。同場仲有紅葉手工工作坊、紅葉知識攤位遊戲同「自己垃圾 自己帶走」相展，等大家打卡之餘，學習更多紅葉知識。
日期：2016年12月4日 ‑ 2017年1月8日 (逢星期日)、2016年12月26日、2016年12月27日、2017年1月2日(上午10時30分 ‑ 下午4時)
地點：大欖郊野公園 》香港元朗大棠
資料來源:Timable
