香港聖誕燈飾全攻略 – 依莉詩精選 10 大必去景點 • unwire 聖誕好去處

讚好此文:

十二月 20, 2016 •2016 聖誕節Special, 玩樂好去處

聖誕仲有幾日就到大家唔知諗好節目未呢?之前講咗咁多睇燈飾的好去處,今日我依莉詩就幫大家總結下 10個必去景點,同情人、家人、朋友一齊過番個暖笠笠聖誕啦!

1) 最浪漫景點

璃光星河 Milky Way In Town

講到浪漫嘅聖誕燈飾又點可以唔提沙田新城市廣場。今年星光花園再接再勵,以迷人燈飾吸引情侶同人像高手拍攝。當中的 300呎嘅璃光星河,水面泛著七色斑斕彩虹嘅光影變奏,非常浪漫。 只需於場內即日消費任何金額,戀人們就可以放下星願球許願,讓璃光星河印證一個又一個的幸福故事!而星河旁嘅「聲」光幻鏡屋由多角度玻璃鏡面組合而成,光影有如銀河星雲瞬息萬變。就算無女朋友,只要你有攝影技巧,帶個囡囡去影輯靚人像,一定冧啦!

看看依莉詩親身點評

日期: 2016年 11月29日 至 2017年 1月 15日

地點: 新城市廣場 1期 7樓星光花園

2) 最爆卡通景點

IQ博士「35週年反斗狂歡派對」

IQ 博士不經不覺間已經陪伴 35 個年頭,不過動畫中嘅無厘頭情段到依家都仍然帶俾人唔少歡樂。今個聖誕小雲、小吉同 IQ博士就去咗 The One 開生日 Party,台中央準備了一個印有「35」數字的生日蛋糕慶生辰。現場配合迷幻、閃爍燈光,大家都興奮得狂歡熱舞,把整個派對氣氛推到最高。而露天廣場特意設置了 3.5 米高巨型小雲於冰天雪地上奔馳,特定日子更有漫天飄雪特別效果,營造迷人雪景,使大家彷彿與小雲置身雪地之中,為煩囂的鬧市增添一份浪漫。

看看依莉詩親身點評

日期: 2016年 11 月 19 日至 2017 年 1 月 2 日

地點:The ONE 地下露天廣場、UG2、L2

3) 最熱鬧景點

LEGO白色聖誕

LEGO 可以砌出大人小朋友嘅夢想,係聖誕節呢個俾人發夢嘅節日,樂高專業認證大師 Andy Hung 同佢嘅團隊就係朗豪坊砌出佢地心目中嘅白色聖誕。整個王國由 100萬粒 LEGO 砌成,係 LEGO 微景模型嘅 20倍大,而且有別於過往LEGO色彩繽紛的風格,顏色以白色及灰色為主,所以零件都相當罕見。而中間 10米高嘅城堡更加係全場焦點,白色配藍色嘅外牆,配以燈光就好似置身異地一樣。

看看依莉詩親身點評

日期: 2016年 11月 17日 至 2017年 1月 2日

地點: 朗豪坊4樓通天廣場

4) 最懶懶閒景點

GUDETAMA Merry Egg’s mas梳乎滋味

蛋黃哥出名 hea ,聖誕凍冰冰嘅日子就更加唔會郁。今次佢就去到銅鑼灣等大家找尋佢嘅蹤影,無論巨型金黃奶黃噴泉、薑餅屋 定 聖誕禮物車都隱藏住蛋黃哥。而東角亦有趣緻梳乎蛋鹿車同兩隻破蛋而出嘅聖誕版 GUDETAMA 係半空中大賣萌樣。除咗影相位,另外,仲有兩個互動小遊戲,玩完仲有機會免費得到蛋黃哥小禮物。蛋粉們仲可以去薑餅屋購買日本官方 GUDETAMA 精品,部份精品更係首次於香港率先發售。

看看依莉詩親身點評

日期:2016 年 11 月 6 日 至 2017年 1 月 2日

地點:皇室堡、東角

 

5) 最男人的浪費景點

變形金剛-基地保衛戰

近年《變形金剛》系列電影瘋魔世界各地無數大人與小朋友,其實 1984年誕生嘅第一代變形金剛 G1,早於 80年代紅遍全球,成為最受歡迎的變形機械人玩具,幾乎每個男孩子都夢想擁有,可謂創造了一代經典。博派領袖柯柏文與狂派領袖麥加登係今個聖誕展開基地保衛戰。3個 3米高 3D 立體雕塑,完美展示出博派領袖柯柏文由貨櫃車變型成機械人嘅過程。另一邊廂,狂派領袖麥加登亦機械人型態登場,隨好與柯柏文一較高下。除了影相位,仲有 2個互動遊戲可以免費試玩。場內更集展覽、pop-up store於一身,讓大小朋友一同全情投入於變形金剛 G1世界之中。

看看依莉詩親身點評

日期:2016年 11月19日至 12月 27日

地點:東港城一樓展廊

 

 

A Star Wars Story & MOKO Presents A Galactic Christmas

全球期待的《俠盜一號:星球大戰外傳》將在12月15日上映,一班革命軍英雄要從帝國奪取死星(Death Star)藍圖,阻止黑暗勢力陰謀。「死星」外圍以 LED 燈組成,以黃、藍色的光影營造獨有燈效,特定日子更會以 4色幻彩燈匯演登場,隨著這套新電影主題曲及經典聖誕音樂節奏發放繽紛燈效。同場更展出 Chirrut Îmwe (由甄子丹飾演)和 Baze Malbus (由姜文飾演) 兩個1:1比例極像真電影造型雕像、兩組1:6比例電影場景及多款1:6 比例珍藏人偶,以及全新角色 Death Troopers (死亡特種兵) 的1:1 原大雕像。

看看水哥親身點評

日期:2016 年 11 月 19 日至 2017 年 1 月 1 日

地點:MOKO 新世紀廣場 MTR 樓層中庭

 

 

6) 最夢幻成真景點

Hello Kitty x LINE FRIENDS 華麗舞會

大家一直以為熊大同兔兔都係一對,點知原來 Kitty 同 熊大一路玩地下情。今個聖誕, Kitty 係 MCP新都城中心嘅盛大舞會中,成為咗 熊大 嘅舞伴,「熊貓戀」亦正式浮面。舞會中,佢哋嘅好友Dear DanielConyMimmyJamesFifi LeonardTiny Chum 和 Sally 亦以雍容華貴的造型現身。除了舞會現場讓大家可以無限selfie外,更有期間限定「華麗舞會賀卡收集點」製作獨一無二嘅電子聖誕卡及「華麗舞會互動照相館」,讓大家拍下開心一刻,留住美滿回憶。

看看依莉詩親身點評

日期:2016年 11月 14日 至 2017年 1月2日

地點:MCP新都城中心2期 L1天幕廣場

 

 

Dream Big, Princess 夢想無限

每逄聖誕,女神嘅數目就會忽然曝升,大家都會著得靚靚咁係商場佈置自拍同影女神相。今年華麗嘅城堡空降屯門市廣場,白雪公主(Snow White)、灰姑娘(Cinderella)、艾莉奧(Ariel)、睡公主(Aurora)、貝兒(Belle)及長髮公主樂佩(Rapunzal),齊齊於經典場景現身。中間 8米高聖誕樹,配以象徵每個公主故事嘅閃耀掛飾,分外搶眼。另外,大家可化身公主參與互動遊戲及係期間限定店選購各式公主精品。

看看依莉詩親身點評

日期:2016年 11月 14日至 2017年 1月 2日

地點:屯門市廣場一樓中央廣場

 

7) 最有日本感覺景點

MINNA NO TĀBŌ點亮東京聖誕夜

唔知大家 plan 好咗聖誕假去邊未呢?未都唔緊要,大口仔就將成個東京帶咗嚟荃灣。唔使搭飛機都可以到東京鐵塔、六本木燈海、新宿商店街等景點自拍。仿照六本木聖誕燈海,係兩排樹中穿過可以見到 4.5米高嘅迷你東京鐵塔。塔除了掛上大口仔笑臉,外牆更會亮燈,照耀全場,成為整個佈置嘅地標。再行前就係新宿商店街,街內有多個攤檔,大口仔同佢嘅朋友都忙於擺檔,可愛爆燈!

看看依莉詩親身點評

日期 : 2016年 11月 18日至2017年 1月 8日

地點 ︰ 荃灣廣場1樓長廊

 

Kumamon『熊』式聖誕之旅

部長 Kumamon 搭飛機嚟咗鑽石山荷里活廣場預早同大家過聖誕。為咗增加港人親切互動,部長仲將中庭設計成熊本縣 5個特色景點,包括: 立體展示熊本縣 Kumamon 當地物產、人氣黑川溫泉、水前寺公園及神社鳥居、熊本縣市區列車、球磨川木橋,同大家齊齊 Selfie。另外,Kumamon精品店入面有數十件香港優先發售嘅 Kumamon精品。當中更係聖誕義賣活動,扣除成本、開支後,將撥捐贈給日本熊本縣政府支持振興發展用途,令 shopping 都更有意義。

看看依莉詩親身點評

日期: 即日起至 2017年1月2日 (中午12時至晚上9時)

地點: 鑽石山荷里活廣場一樓明星廣場

 

 

8) 最多集體回憶景點

圖片來源:timable

1881 Heritage 甜蜜聖誕

每年1881 Heritage 都係聖誕的打卡熱點,今年就以雪人為主題,帶大家過一個白色聖誕!廣場中央站立著高達15米嘅巨型雪人,大家更可走入雪人肚內中欣賞漫天飄雪特效,而指定日子巨型雪人手中嘅權杖將發放 20米高冷煙花,係冬日黑夜中欣賞,非常浪漫!

日期:2016年 11月10日 ‑ 2017年 1月8日

地點:1881 Heritage

Christmas Together

無論小時候一家大細睇燈飾,長大後成班朋友一齊除夕倒數,或是同伴侶放閃打卡,聖誕嘅回憶入面唔多唔少都係尖沙咀發生。海運大廈已經有 50年歷史,亦可以話係香港商場佈置嘅先河。今年海運大廈露天廣場化身成「小雪翁」聖誕派對。雖然香港沒有白色聖誕,但大家都可以在海港城找到屬於自己嘅「小雪翁」,讓大家渡過既溫馨又開心嘅聖誕節!

看看依莉詩親身點評

日期:20161111 日 至 201712

地點:海港城海運大廈露天廣場

 

9) 最溫馨景點

Christmas Galleries 聖誕藝術村

聖誕亦係一個關於「愛與分享」嘅節日,利園區今年以「Christmas Galleries at LEE GARDENS聖誕藝術村」為主題,邀請來自日本的川島小鳥(Kotori Kawashima)、蜷川實花(Mika Ninagawa)、來自英國的Rebecca Louise Law,與及來自韓國的Chang Hwan Kim,以自己擅長的創作媒介,帶來四組精彩嘅藝術裝置作品。透過觀賞藝術作品,每個人都可以將自己藝術潛能展現,發放愛與關懷嘅能量。Hysan Place 嘅小木屋「小確幸寫真館」更展示日本攝影藝術家川島小鳥擅長嘅人像攝影作品,洋溢著愛與溫情。

日期:即日起201712

地點:Hysan Place、利園一期地面、利園二期、利舞臺地下

 

10) 最好玩雪地景點

聖誕雪樂園

雖然香港無白色聖誕,但一樣可以玩雪。白雪覆蓋著時代廣場嘅聖誕室內雪場,搖身一變成為白皚皚嘅聖誕雪樂園,大家可以盡情係雪中滚動,任意躺於綿綿雪地上感受柔細輕涼嘅雪感覺,仲可以玩雪地活動如掟雪球、溜滑小山坡、滑雪、砌雪人等,過一個難忘有趣嘅白色聖誕。

日期:2016年 11月 22日201711

地點:時代廣場 露天廣場

 

冰雪奇妙樂園

上年嘅「聖誕雪感玩樂園」深受大眾歡迎。今年【冰雪奇妙樂園】嘅規模及驚喜度倍增,打造四條各長23呎「Let’s Slide冰雪滑梯」,讓小朋友安坐水泡瀡滑梯,歡呼尖叫聲響遍全場!體驗冰雪快感外,小朋友亦可與友伴置身於場內鋪滿仿真雪嘅「Frozen冰雪場」堆雪人、起堡壘,在如真雪般柔細而輕涼的雪地上創造出屬於自己的作品,感覺特別滿足!另外,黃埔新天地「黃埔號」更打造成「聖誕樹湖之鏡」,係光影聖誕樹及繽紛叢林嘅襯托下,讓你拍下被照得閃閃發亮嘅「黃埔號」。而「時尚坊」則有由瑰麗水晶燈及閃石打造達 6米高嘅「仙鏡萬花筒」,你可把多元切割鏡面設計作拍攝背景,盡情「放閃」!

日期:2016年 12月 17日201711

地點:黃埔新天地時尚坊地庫

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , ,

讚好此文:


Comments are closed.

unwire TV



更多同類文章:

最新文章