【評測】NU SKIN ageLOC® LumiSpa 令肌膚「動」起來!

讚好此文:

十一月 22, 2017 •健康, 生活科技

洗面機呢類美容儀器都出現了一段時間,由聲波、旋轉、震動等不同清潔方式,再到不同的毛刷、矽膠導頭,款式多到唔知點揀先啱。好多人都以為揀款清潔力最強就一定最好,但長期過份刷洗刺激令肌膚變得脆弱不健康。最近 NU SKIN 推出了 ageLOC® LumiSpa ,不但能徹底潔淨肌膚,更可以同時進行按摩,令皮膚睇上來更光滑。LumiSpa 的一機雙效真係好吸引,就等筆者分享下用後感啦!

矽膠導頭溫和潔面  清洗簡單不易藏菌

每日化完妝又卸妝,或多或少對肌膚都會造成一定損害,所以揀洗面機要盡量揀部能夠溫和潔面,唔傷皮膚。市面上大部份洗面機都以刷毛刷頭為主,但就算刷毛幾柔軟,轉動時都會彎曲,長期用會有機會破壞皮膚表面。

而 ageLOC® LumiSpa 就用銀離子抗菌醫學級矽膠導頭,筆者測試後覺得 LumiSpa 的護膚導頭表面比較硬身,更容易就力,唔怕過度壓擠皮膚,再配合特別紋理,可以有效潔淨肌膚。矽膠導頭另一個好處就是更容易清潔。因為矽膠比起毛刷更容易保持乾爽,減少細菌滋生嘅機會。當然亦唔會容易被化妝品及污垢染色,耐用度同美觀性都大大提升。

▲矽膠比起刷毛更易清潔,洗完面沖一沖水就可以,非常方便。

▲與其他洗面機的刷頭唔同,ageLOC® LumiSpa 的導頭紋理特別,感覺更貼面舒服。

 

旋轉震動讓肌膚「動」起來

好多時洗面機的旋轉或震動都是以清除毛孔污垢作考慮,過高頻率振動唔單止唔舒服,有時太尖的刷毛不停拮皮膚仲產生刺痛感。而 ageLOC® LumiSpa 的旋轉震動頻率十分特別,加上是矽膠導頭,感覺就好似一路洗面,一路做面部按摩。用完感覺到肌膚更光滑同有活力呢!

▲ 導頭內圈同外圈轉動頻率同方向都唔同,旋動時會感覺到皮膚好像一齊跳動呢!

▲ 有助維持健康的肌膚蛋白,洗完臉唔單止清爽了,睇起來亦更光滑同有活力。

 

防水設計方便沖涼時使用

相信唔少人都同我一樣,習慣洗面之後沖埋涼。如果洗面機唔防水的話就會好易整壞。而 ageLOC® LumiSpa 機身有防水設計,就算沖涼時放喺浴室都唔怕。另外,雖然手柄部份比較墜手,但與其他的洗面機相比更就手同貼面,鼻邊彎位都比較容易清潔到。

▲ 機身上只有一個按鈕,開機後會有白燈,兩分鐘內,每 30秒都會有停頓提示,提你轉換護理區域,非常簡單易用。

▲ 比較其他洗面機更貼面。

▲ 充滿一次電可最少用一星期,唔使次次用完都充電。

▲ageLOC® LumiSpa 需要配合 LumiSpa 淨膚露使用,內含 ageLOC® 抗衰老精華成分,低泡技術可以保持更天然水分平衡。珍珠色睇落好高貴,而且散發淡淡香味呢!而且 LumiSpa 價格仲好親民添。

 

用後感:「潔面同時按摩,肌膚清爽更有彈性」

平時我都有用開洗面機的習慣,的確會清潔得比較徹底,但秋冬乾燥,如果日日用會容易敏感,加上洗完面仲要洗乾淨啲刷毛都幾麻煩。LumiSpa就無呢啲問題,矽膠導頭比較容易就力,唔會過度施壓,無再出現敏感情況。加上特別的旋轉震動頻率,皮膚好似一邊洗面一邊按摩,用完感覺到肌膚更有清爽同更有活力呢!

售價:待定

 

清潔方式:微脈動反旋科技配合獨特震動頻率

清潔效果:★★★★☆

導頭觸感:★★★★☆

把手觸感:★★★☆☆

重量:較重

跟機導頭:1 個

刷頭選擇:2 種刷頭

刷頭耐用:★★★★★

使用提示:2分鐘自動停下(每 30秒提示)

速度控制:1 種速度調校

供電方式:充電式

 

NU SKIN ageLOC® LumiSpa

查詢:按此

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

相關文章:



更多同類文章:

最新文章