農曆新年即將來到，除了我們要辦年貨準備過年，原來 Siri 都已經悄悄做好準備，一起拜年逗利是。自 2 月 1 日起，只要用家向 Siri 提問一系列有關新年的問題， Siri 都會有不同回應。更會協助用家安排新年活動及發出新年訊息，更會為用家出謀獻策，教用家回答親戚問題。
當用家要求 Siri 拜年、或要求 Siri 說一些吉利說話時， Siri 就會回答「諸事大吉，豬年好運！」、「恭喜發財，利是逗來！」等，十分有新年氣氛。當客人上門拜年時，對 Siri 說：「喂Siri 有客人嚟」，更可得到「歡迎貴客光臨！我冇腳，出唔到嚟迎接，真係失禮晒！」等有趣回答。
此外，用家更可向 Siri 詢問有關新年的問題，以好好規劃過年的一連串活動。例如 Siri 可回答用家「年初四係幾號」及「仲有幾多日過年」等問題。用家更可以嘗試向 Siri 問「喂Siri 你今年過年做乜」、「點樣回答親戚問題」等，趣味十足。
當用家說：
「喂Siri 講句吉利說話」
「喂Siri 講句新年賀詞」
「喂Siri 同我拜年」
Siri 可能會回答
「諸事大吉，豬年好運！」
「恭喜發財，利是逗來！」
「新年快樂、大吉大利、身體健康！」
「祝你豬年家肥屋潤。」
「祝你諸事大吉、豬年行大運！」
「祝你豬年開心過狗年！」
「新一年最緊要身體健康！」
「祝年年有餘、歲歲平安！」
由 2 月 1 日起，當用家說：
「喂Siri 你係咪豬嚟㗎？」
「喂Siri 豬嚟㗎你？」
Siri可能會答：
「唔敢當。我點敢搶新任生肖嘅鋒頭呢？」
「如果計我開始做嘢嘅年份，我應該屬兔。」
「我好榮幸可以同新任生肖相提並論。祝你豬年快樂！」
HomePod 用家由 2 月 1 日起，如果同 Siri 講：
「喂Siri 客人嚟咗喇」
「喂Siri 客人到咗喇」
「喂Siri 有客人嚟」
Siri 可能會答：
「歡迎，歡迎！」
「歡迎貴客光臨！我冇腳，出唔到嚟迎接，真係失禮晒！」
「客人你好！我叫Siri。你哋慢慢傾，有咩需要就隨時嗌我啦。」
年初一起，如果用家說：
「喂Siri 新年快樂」
「喂Siri 恭喜發財」
Siri 可能會答：
「歡迎，歡迎！新年快樂！」
「歡迎貴客光臨！Siri同你拜個年！」
年初二，初五，初七，及新十五後會有不同回應。
用家亦可試試以下 Siri 對話同功能：
「喂Siri 俾利是我」
「喂Siri 你今年過年做乜」
「喂Siri 點樣回答親戚嘅問題」
「喂Siri 仲有幾多日過年」（倒數）
「喂Siri 年初四係幾多號」（西曆農曆變換）
「喂Siri 年初一天氣點」（查詢天氣）
「喂Siri 幫我用WhatsApp發訊息俾Kelly祝佢心想事成身體健康」 （WhatsApp發短訊）
「喂Siri 幫我約年初二夜晚七點半同屋企人食開年飯」（安排時間）
資料來源：Apple
相關文章:
iOS 19 Siri 對話能力更自然 目標 2026 年春季推出
分享到 :
最新影片
