上年年尾 Tesla 推出的 Autopilot 雖然加入了輔助自動駕駛功能,可惜最後卻搞到滿城風雨而被迫加上額外限制。雖則如此但卻似乎並未有影響到 Tesla 研發無人駕駛技術的決心,比如較早前我們就報導過其最新的軟件更新加入了全新的 Summon(召喚)功能,而且官方今日更表示該功能在兩年後將會有更大改動。 (繼續閱讀…)
兩部機都加入 Home 鍵指紋感應器,提高手機的私隱保安。籮文試過,雖然登記指紋需時比其他手機長,需要按壓廿幾次,而且指紋登記數量都比其他手機少,只可以登記三隻手指,但係解鎖速度同準繩度都十分高,可以話係一勞永逸。仲有一個以指紋網站登入功能,可以使瀏覽器記住用家嘅 ID 同 Password,下次只要按一下指紋就登入,但係依個功能就只適用於手機原生瀏覽器。
▲解鎖速度同準繩度都十分高
▲雖然登記指紋需時比其他手機長,需要按壓廿幾次,而且指紋登記數量都比其他手機少,只可以登記三隻手指
▲仲有一個以指紋網站登入功能,可以使瀏覽器記住用家嘅 ID 同 Password,下次只要按一下指紋就登入,但係依個功能就只適用於手機原生瀏覽器。
回想起 Microsoft 於 2012 年推出 Windows 8 後,外界對其的評價可說是好壞參半,好的是 Windows 系統終於打破多年來的風格,但缺點卻是全新的動態磚設計令不少人無所適從。而自從去年 Windows 10 登場後,Windows 8 亦似乎再沒有其存在價值,而且官方更宣佈由今日(1 月 12 日)起將停止其技術支援,時間看來比想像中來得快。 (繼續閱讀…)
「同熱愛這片土地,大家刻骨銘記,愁或喜,生與死,也是香港地」這句歌詞來自陳冠希的《香港地》,昨晚在毛記電視的分獎典禮由河國榮翻唱。一下子這首當年不算 Hit 的歌,昨晚突然在 Facebook 瘋傳。昨晚有幾多讀者在現場分獎?又有幾多人在家裡、卡拉 OK 睇直播?還是和街坊一起在街頭一同觀看非官方直播?
黑膠近年聲勢確實愈來愈強大,在今年 CES 亦不乏備受注目的產品發布。繼有我們早前已經報導過、能夠將黑膠直接轉為 DSD 檔的 Sony PS-HX500 外,在去年 CES 被 Panasonic 重推的高級音響品牌 Technics,今年亦宣布會推出經典黑膠盤 SL-1200 的 50 週年復刻紀念版 SL-1200GAE,用上鎂製唱臂,限量 1,200 部將於夏天開售,而普及版 SL-1200G 的唱臂則用上鋁質金屬製成,將於年底發售。
另一日本品牌 Audio-Technica,亦在 CES 2016 中發布全新黑膠盤 AT-LP60,除可透過 3.5mm mini jack 輸出端子有線連接擴音機之外,這款黑膠盤更對應藍牙連接,可連接藍牙喇叭輸出黑膠歌曲,配合其 179.95 美金(折合港幣約為 $1,400),視之為「玩具」級產品實不為過。
冬季係一個浪漫的季節,唔好以為有拖拍就一定有溫暖,正所謂浪漫係由金錢同心思堆砌出來,聖誕節份禮物過到關,暫時保得住個女朋友,但去到情人節難度隨即幾級跳。巴打們,係時候諗定送乜好啦!今次我依莉詩就去咗 ABC Cooking Studio 偷師,為大家帶來幾個製作士多啤梨甜品的必勝貼士。試諗下士多啤梨本身已經令唔少女生無法抗拒,個甜品仲要係你親手整,女皇肯定收到你心意嘅!
投影機愈出愈細部,不過好多都未夠細到可以拎出街,今次介紹依部 Mini Ray 就號稱全球最細便攜式投影機,仲細過用黎點麥樂雞嗰盒甜酸醬,最緊要佢係 OTG,即係唔使插電,一條 OTG 一條 MicroUSB 就可以從手機取電就可以投影,想知有幾好玩就快啲閱讀以下文章。
一粒麥樂雞嘅 Size 仲可以當鎖匙扣
Mini Ray 叫得做超迷你投影機真係冇誇張,籮文本來心諗「投影機可以有幾細部呀?頂多未同手機差唔多 Size!」。一開盒真係嚇一跳,Mini Ray 只有一粒麥樂雞嘅 Size 同重量,白色機身睇落簡簡單單、有一個 MicroUSB 插口,一條對焦加減制,原來仲暗藏一個鎖匙扣圈,真係可以當鎖匙扣拎出街。
▲如果你想插電腦用,不論 Mac 定 Windows,只要裝咗電腦版嘅 DisplayLink Software 就可以。
45 ANSI 流明 畫面最大可達 60 吋
機身細細主打輕便,玩味比較重,畫質就唔好期望太高,亮度有 45 ANSI 流明,室內基本上要關晒燈先可以清????睇到畫面,解像度為 640 x 360 (16:9),對比度則為 1000:1,而 Mini Ray 除咗有得調校對焦之外,其他設定如:梯型校正、對比度、色調及色彩濃度調校全部都欠奉。官方指亮度足夠投影出 60 吋畫面,籮文在家中試過大約 1米距離下,Mini Ray 能夠投影出約 30 吋畫面,如要投影出 60 吋畫面就需要大約 2 米,籮文屋企細,實在試唔到 60 吋大畫面。
籮文:「玩味濃 多種玩法」
由於屋企太細,籮文只帶住部 Mini Ray、手機及一條線就走落旺角街頭試玩,可想而知有幾方便,而 Mini Ray 便攜度高,除咗有需要時用黎做 Presentation,用家可以發揮下創意自創玩法,例如玩 projection mapping 都好適合。其實早前艾域就介紹過 Sony 一款 MP-CL1 掌上投影機,雖然畫質比 Mini Ray 好,但係 Mini Ray 比 Sony MP-CL1 更輕巧方便,價錢亦較為相宜(相差700元左右)。如果比較重視便攜,畫質並非主要考慮因素的用家不妨諗諗 Mini Ray!