現時市場上面的智能手機花多眼亂，有些以效能掛帥，部份則用外形作招徠，對於大部份用戶黎講實在難以取捨，想買部實用至上的手機有時頭都痛。美國影音品牌 InFocus 最近就推出了可以支援五模十頻的 Android 手機 InFocus IN810，一機在手便可以去到邊傾到邊、上網搵料睇地圖，最適合經常需要往返大陸工作、一機玩盡中日韓！
五模十頻制式
大家都知道世界各地手機網絡制式大不同，想以一部電話旅遊、工幹時使用高速 3G/4G 網絡幾乎不大可能。不過呢部 InFocus IN810 最利害的地方就係可以支援 GSM / GPRS / EDGE / UMTS / HSPA+ / TD-LTE / 4G LTE 等超齊全的網絡制式，除完全支援香港 4G / 3.5G 網絡外，更可以對應內地的 TD-LTE 及 TD-SCDMA 制式，完全兼容國內最大的中移動及中聯通 3G 網絡，當然即將推出 4G 亦絕對無問題啦！另外，IN810 又可以支援港人熱門旅遊地點如：日本、韓國的大部份 4G 網絡，不論大家要經常中港兩地工作，又或者要去日、韓出 Trip、掃貨亦可以「一機通行」，打電話、上網、查地圖搵料都冇難度，唔駛成日更換手機一 SIM 通行，靈活又方便。
SHARP 全高清靚屏幕
有別於其他同級的智能手機，InFocus IN810 除了配備畫面細緻悅目的 5 吋 1080p(1,920 x1,080) Full-HD 全高清 IPS 靚屏幕，更用上頂級的日本 Sharp 生產面板，每吋像素高達 443ppi，遠超肉眼可以見到「狗牙、起格」的細緻度，所以畫面睇起黎更加精細銳利，色彩鮮豔而且物件亦更富層次感。而且畫面可視角度又高達 178 度可以媲美家中 LCD TV，隨時和身邊朋友一齊睇片、睇相亦唔怕偏色、畫面變形唔夠光，所以 IN810 特別適合用黎睇片、全高清 1080p Youtube 短片或者網上追劇，畫質效果更可能隨時比起 7 吋平板機更靚呢！在睡床上、巴士、地鐵上面戴住耳筒就可以享受自己的迷你私影院啦！
四核高效規格
和市場上主流智能手機一樣，IN810 採用熱門的 Qualcomm S4 Pro 四核處理器，配合 2GB 記憶體，既可輕鬆應付多重工作，一邊上網、一邊玩 Apps、睇片亦唔會「窒下窒下」保持理想流暢度，而且用來玩最新 3D 遊戲、播放 1080p 高清電影流亦絕對綽綽有餘。此外，它除了內置 16GB 儲存空間外，亦提供 MicroSD 擴充卡槽，讓用戶可以追加最高 64GB MicroSD 記憶卡，即使大家大量下載電影、劇集、又或者將上萬首 MP3 通通放入手機慢慢聽、慢慢睇亦唔怕「爆卡」，無需擔心儲存空間不足的問題了。
▲此外，IN810 隨機內置 2,200mAh 鋰電池可供連續通話 10 小時，而且備用時間亦長達 20 天，而且它採用靈活的可更換式充電池設計，方便用戶直接更換後備電池保持通話，即使一時大意忘記充電亦不怕「失去聯絡」，最適合一眾怕麻煩、唔想隨身帶備外置電池的高容量人士選用。
▲打開背殼便可以更換後備電池，無需攜帶又重更大的外置電池出街。
適合單手操作
以黑色鋼琴外殼打造的 IN810 外形簡約，風格和不少展現簡約美的日系手機相似。它的屏幕採用圓弧玻璃表面設計，圓滑的機身不會覺得界手，手感舒適之外由於又用上超幼邊框設計，不論是男士女生都能夠輕鬆一手掌握，不似一些巨屏手機需以雙手操作。另一方面，IN810 全機重量就只有僅僅 143g，對於女士來說隨身攜帶亦不會覺得太重，無論在街上等車、等人可以實現單手操作，上網、Check email、睇新聞，玩 Facebook 都可以輕鬆完成，不用擔心機身太闊太長而容易跌機呢！
大光圈 1300像鏡頭
除了畫質夠靚，用 IN810 黎影相拍片亦會有驚喜表現！全因它搭載高解像 1,300 萬後置鏡頭，具備 F2.2 大光圈、21mm 廣角鏡頭及 LED 補光燈，獨家「Catch-i」影像處理技術更令相片更加清晰銳利，優化色彩層次，而且更可以用來拍攝 1080p 全高清短片，即時放上 youtube 或者 facebook 和朋友分享。除此之外，相機又加入方便實用的微笑對焦、全景模式、眨眼提示等相機熱門功能，而對於鐘意玩 Effect 的朋友，IN810 又可以提供如：黑白、懷舊、LOMO 等多達 12 種不同預視及拍攝效果，讓您可以在影相前預先看到相片效果，這樣就不怕影出來貨不對辦啦！
▲1300萬像鏡頭旁邊設有 LED 補光燈及喇叭。
▲相機設計非常齊全，除可以選擇拍攝模式外，又可以自訂測光模式、追蹤對焦、眨眼偵測、場景特效等，玩法更加豐富。
InFocus IN810 規格表
制式: GSM / GPRS / EDGE / UMTS / HSPA+ / TD-LTE / 4G LTE / Wi-Fi / Bluetooth 4.0
處理器： Qualcomm S4 Pro 四核處理器
記憶體: 2GB
儲存空間： 16GB + microSDHC(最高 64GB)
熒幕： 5 吋 Sharp Panel 1080p (1920 x 1080 pixels) IPS LCD
主鏡頭： 1,300 萬像素 CMOS
前置相機： 210 萬像素 CMOS
作業系統： Android 4.2 JellyBean
電池： 2200mAh (可更換)
使用時間: 10 小時通話 / 20 天待機
尺吋: 139.5m x 72.1mm x 9.5mm
重量: 143g
售價： $3,688
查詢： Brightstar Asia (8118 0800)
分享到 :
最新影片
